পেত্রোলিয়ম অমসুং নেচরেল গ্যাস মন্ত্রালয়
ইন্দিয়া ইনর্জি ৱিক ২০২৩ মাংওইন্না গুৱাহাতিদা পাংথোক্কদবা থৌরমদা য়ুনিয়ন পেত্রোলিয়ম মিনিস্তর অমসুং অসামগী চীফ মিনিস্তর শরুক য়াগনি
Posted On:
23 JAN 2023 5:47PM by PIB Imphal
Content:
- নুমালিগর রিফাইনরি লিমিতেৎ(এন আর এল)না মতেং পাংবা হায়পর-লোকেল লোজিস্তিক স্তার্দ-অপ অমা ওইরিবা বিকোজিগী ই.ভি স্কুতরশিংগী ফ্লিত অমা মিনিস্তরশিংনা লমথাগনি।
- ৱা চারা শেম্ফম মফম অহুম লিংখৎনবা এ.আর.এল অমসুং অসাম সরকারগী মরক্তা এম.ও.য়ু খুৎয়েক পীনবদা শক্নাইরবশিং শরুক য়াগনি।
|
ইন্দিয়া ইনর্জি ৱিক ২০২৩ মাংওইন্না গুৱাহাতিদা পাংথোক্কদবা থৌরমদা পেত্রোলিয়ম অমসুং নেচরেল গ্যাস অমসুং হাওসিং অমসুং অর্বান এফেয়ার্সকী য়ুনিয়ন মিনিস্তর শ্রী হরদিপ সিংহ পুরি, অসামগী চীফ মিনিস্তর দোক্তর হেমন্ত বিশ্বা শর্মা অমসুং পেত্রোলিয়ম অমসুং নেচরেল গ্যাস, লেবর অমসুং ইমপ্লোইমেন্তগী রাজ্য মন্ত্রী শ্রী রামেশ্বর তেলি শরুক য়াগনি।
গুৱাহাতিদা নুমালিগর রিফাইনরি লিমিতেৎকী কোর্পোরেত ওফিস বিল্দিং-এন.আর.এল সেন্তর অহানবা ওইনা শঙ্গারবা মতুংদা, য়ুনিয়ন পেত্রোলিয়ম মিনিস্তরনা হোতেল ভিভান্দা পাংথোকপা ইন্দিয়া ইনর্জি ৱিক থৌরম শরুক য়াগনি। এন.আর.এলগী অসাম বাইও-রিফাইনরিদা ৱা পীরিবা লৌমীশিংগা য়ুনিয়ন মিনিস্তরগা উনগনি। মসি ৱাগী পোৎথোকশিংগা লোয়ন্না পায়খৎপা অহানবা তু-জি বাইও রিফাইনরি অমনি।
তুংদা মিনিস্তরশিংনা, নুমালিগর রিফাইনরি লিমিতেৎ(এন আর এল)না মতেং পাংবা হায়পর-লোকেল লোজিস্তিক স্তার্দ-অপ অমা ওইরিবা বিকোজিগী ই.ভি স্কুতরশিংগী ফ্লিত অমা লমথাগনি। স্তার্দ-অপ অসিনা মফম অদুগী শেন-থুমগী ফিবম ফত্তবা মীওইশিংদা দেলিভরি সেক্তরদা থবক পীনবা পান্দম থম্লি। অকোয়গী ফিবম শোকহন্দবা থবক অমা ওইনা, বিকোজিনা ইলেক্ত্রিক স্কুতরশিং পীদুনা অইং-অশাগী খল হোংলকপা, থৌরাং তৌদনা সহর শেমগৎলকপা অমসুং পোলুসন হেনগৎলকপগী চাং লাকশিন্নবা পাম্বৈশিং ওইগনি। থৌরাং অসিনা রিনিউএবল ইনর্জি খক শীজিন্নদুনা কার্বোন থাদোক্তবা মালেম অমা ওইহন্নবা পান্দম থম্লি।
তুংদা, ৱা চারা শেম্ফম মফম অহুম লিংখৎনবা এ.আর.এল অমসুং অসাম সরকারগী মরক্তা এম.ও.য়ু খুৎয়েক পীনবদা শক্নাইরবশিং শরুক য়াগনি। চারা শেমফম অমমম্না লম একর মঙা কোনশিন্দুনা তিশু-কলচর ৱা চারা পুথোক্কনি অমসুং মেক্রো প্রোলিফেরেসন মেথোদ শীজিন্নদুনা চারা মশিং য়াম্না পুথোক্কনি। চারা শেমফমশিং অদু অসামগী গোলাঘাত, নাগাউন অমসুং সোনিতপুরদা লিংখৎকনি।
ৱা থাবনা খুন্নাইদা কান্নবা কয়া পীরি অমসুং মসি ‘অশংবা সনা’ হায়না খঙনরি। ৱানা নুংশিত্তগী কার্বোন্দাইওক্সাইদ চুপশিল্লি অমসুং নুংশিত্তা ওক্সিজেন থাদোকই। ৱা ঙসি য়াম্না য়াংনা চাউবা মরম্না, মসি কার্বোন চুপশিন্নবগী খ্বাইদগী ফবা পাম্বৈ অমনি। লম হেক্তর অমদা থাবা ৱা পাম্বীশিংনা চহি অমদা কার্বোন্দাইওক্সাইদ তন ১৭ চুশিনবা ঙম্মি। ৱা চারা শেমফম মফম অহুম অসিনা লম হেক্তর ১৫,০০০ দা থানবা চারাশিং পুথোক্কনি। মসিনা চহি অমদা কার্বোন্দাইওক্সাইদ তন লাখ ২.৬ চুপশিনবা ঙমগনি।
ইন্দিয়া ইনর্জি ৱিক ২০২৩ অসি ভারতনা জি-২০গী প্রসিদেন্দ ওইবগী অহানবা মরুওইবা থৌরম অমনি, কোপ-২৬তা ভারতনা ২০৭০দা কার্বোন অমতা থাদোক্তনবা প্রধান মন্ত্রীনা ৱাশকখিবা অদুগী মখা তারকপা ওইনা ইন্দিয়া ইনর্জি ৱিক পাংথোকপনি। ইন্দিয়া ইনর্জি ৱিক থৌরম অসি ভারত সরকারগী পেত্রোলিয়ম অমসুং নেচরেল গ্যাস মিনিস্ত্রিগী মখাদা পব্লিক সেক্তর অন্দরতেকিংশিং অমসুং ফেদেরেসন ওফ ইন্দিয়ান পেত্রেোলিয়ম ইন্দস্ত্রিনা ওফিসিএল ওইনা মতেং পাংদুনা পাংথোকপা অমতা ঙাইরবা মালেমগী ইনর্জিগী থৌরম্নি।
*****
(Release ID: 1893115)
Visitor Counter : 114