రక్షణ మంత్రిత్వ శాఖ
భారత్-ఈజిప్ట్ ఉమ్మడి శిక్షణ విన్యాసాలు 'సైక్లోన్ ఎడిషన్-I' రాజస్థాన్లో ప్రారంభం
Posted On:
20 JAN 2023 11:19AM by PIB Hyderabad
భారత సైన్యం-ఈజిప్టు సైన్యానికి చెందిన ప్రత్యేక దళాల మొట్టమొదటి ఉమ్మడి విన్యాసాలు రాజస్థాన్లోని జైసల్మేర్లో "ఎక్సర్సైజ్ సైక్లోన్-I" పేరుతో 14 జనవరి 2023 నుంచి కొనసాగుతున్నాయి. రెండు దేశాల మధ్య రక్షణ సహకారాన్ని పెంపొందించడంతో పాటు, తీవ్రవాద అణచివేత, నిఘా, దాడులు, ఇతర ప్రత్యేక కార్యకలాపాలను చేపట్టేటప్పుడు ఎడారి ప్రాంతాల్లో ప్రత్యేక దళాల నైపుణ్యాలను, సహకారాన్ని పంచుకోవడం ఈ విన్యాసాల ఉద్దేశం.
రెండు దేశాల ప్రత్యేక బలగాలను ఒకే వేదికపైకి తీసుకువచ్చే మొదటి దశ ఈ "సైక్లోన్ - I" విన్యాసాలు. రాజస్థాన్ ఎడారుల్లో 14 రోజుల పాటు సాగనున్న ఈ కసరత్తులో ఆయుధాలను ఉపయోగించడం, యుద్ధ పోరాటాలు, నిఘా & లక్ష్యాన్ని గుర్తించడం, ఆయుధాలు, పరికరాలు, ఆవిష్కరణలు, వ్యూహాలు, పద్ధతులు, విధానాల సమాచారాన్ని పరస్పరం పంచుకోవడం వంటి ప్రత్యేక దళాల నైపుణ్యాలను పెంచే విన్యాసాల్లో రెండు బృందాలు పాల్గొంటాయి. ఈ విన్యాసాల్లో పాల్గొనే సైనికులు ఆయుధ సహిత యుద్ధ పోటారాల్లో ప్రత్యేక దళాళ ఆపరేషన్ల కోసం ఉమ్మడి ప్రణాళికలు రచించి, అమలు పరుస్తారు. గన్స్తో దూరం నుంచే లక్ష్యాలను ఛేదించడం సహా తీవ్రవాద శిబిరాలు/స్థావరాల మీద మెరుపుదారులు చేస్తారు.
రెండు సైన్యాల సంస్కృతి, నైతికత అర్ధం చేసుకునే అవకాశాన్ని ఈ ఉమ్మడి విన్యాసాలు అందిస్తాయి. తద్వారా, భారత్-ఈజిప్టు మధ్య దౌత్య సంబంధాలను మరింత బలోపేతం చేసేలా సైనిక సహకారం & పరస్పర సమాచార మార్పిడిని ప్రోత్సహిస్తాయి.
![](https://ci6.googleusercontent.com/proxy/zzsunXTO0QzZNndVkJ86hlacqpkqZSxUHOb4DTdEJAflRLXfzEQgj-RzOwt3TLMFMBpqarmr-d23gaqQN6Mcnh-VGQRzYM9KYsnJA7aJTlDtPCvhPoyMU799E1I0ZZ5xemG0=s0-d-e1-ft#https://static.pib.gov.in/WriteReadData/userfiles/image/EgyptCyclone(1)JEDJ.jpeg)
![](https://ci4.googleusercontent.com/proxy/89V250o2_KXjuAc5k7n8eTkg95gmKha0k0hdR-oMydszzcPCrVTqjd51Wp0gqq-daXBcg_XCqjqlJuewP9_70lm0SO7PyZydsST3r4JaUkdJdCwq-gBV-iKbxkxdI-HmvF7P=s0-d-e1-ft#https://static.pib.gov.in/WriteReadData/userfiles/image/EgyptCyclone(4)EG8H.jpeg)
![](https://ci3.googleusercontent.com/proxy/FcCO4pvEUTPfM3YWK9aEwoj14k-VOynKyjSIKc9FM0mXa_hehDm-6aTYFkuu965a9rXcupNPMv4jNX2HSIuWyxHnCJcxpKRgBymR0BmCpiCqCcs1KH2RpiDORL0Pk3XTmoV9=s0-d-e1-ft#https://static.pib.gov.in/WriteReadData/userfiles/image/EgyptCyclone(5)O26V.jpeg)
*****
(Release ID: 1892663)
Visitor Counter : 235