হিন্দি অমসুং ইংলিসকী মথক্তা অহানবা ওইনা লম-লমগী লোন ১৩দা মল্তি-তাস্কিং(নন-তেক্নিকেল) স্তাফ এজামিনেসন ২০২২ পাংথোক্নবা ৱারেপ লৌখিবগীদমক ঙসি সাইন্স অমসুং তেক্নোলোজিগী রাজ্য মন্ত্রী(মনিংতম্বা); আর্থ সাইন্সেসকী রাজ্য মন্ত্রী(মনিংতম্বা); পি.এম.ও, পর্সোনেল, পব্লিক গ্রিভান্সেস, পেন্সন্স, এতোমিক ইনর্জি অমসুং স্পেসকী রাজ্য মন্ত্রী দোক্তর জিতেন্দ্র সিংহনা স্তাফ সেলেক্সন কম্মিসন থাগৎখ্রে।

দোক্তর জিতেন্দ্রনা হায়খি থবক  থিরিবা মীওই খুদিংমক চপ মান্নবা খুদোংচাবা পীনবা অমসুং লোনগী খুদোংচাদবনা মরম  ওইদুনা কনাগুম্বা অমতা খুদোংচাবা ফংদবা লৈহন্দনবা প্রধান মন্ত্রী শ্রী নরেন্দ্র মোদীগী পান্দম ফংনবা থবক অসি পায়খৎলকপনি।

লম-লমগী লোন ১৩ অদুদি উর্দু, তামিল, মালয়লম, তেলুগু, কন্নারা, অসামিজ, বেঙ্গালি, কোনকানি, মনিপুরি, মরাথি, ওরিয়া অমসুং পঞ্জাবীনি।

দোক্তর জিতেন্দ্রনা হায়খি মমাঙদা একজামশিং ইংলিস অমসুং হিন্দি লোনশিংদা পাংথোক্লম্বদগী, তোঙান-তোঙানবা রাজ্যশিং মরুওইনা খা-ভারতকী রাজ্যশিংগী কেন্দিদেৎশিংনা মতম কয়াগী মমাঙদগী তকশিন্দুনা লাকপা অদু খোঙথাং অসিনা থবক ওইনা পাংথোকপা ঙম্লগনি। মসিনা ভারত শীনবা থুংনা কেন্দিদেৎ কয়া কান্নবা পীরগনি।

দোক্তর জিতেন্দ্র সিংহনা হায়খি পুৱারি ওইরবা খোঙথাং অসিগী মতুংদা, সংবিধানগী নিপালশুবা সেদুলদা য়াওরিবা লোন খুদিংমক তপ্ন-তপ্না কোনশিন্নবা থবক পায়খৎলে। নবেম্বর ২০২২দা বরানসীদা “কাসি তামিল সঙ্গামম” হৌদোকপদা মোদীজিনা হায়খি মদুদি তামিল অসি মালেমদা খ্বাইদগী লিরবা মীয়াম্না ঙাংনরিবা লোন অমা ওইজরবশু, ঐখোয়না তামিল অসি মপুংফানা ইকায়খুম্নবা ৱাৎলি। তামিলগী ফজবা ঙাক-শেনবা অমসুং মসি ফগৎহনবা হায়বসি ভারতমচা করোর ১৩০গী থৌদাংনি। লোনগী খেন্নবশিং লৈহন্দনবা অমসুং থম্মোয়গী অপুনবা অমা শাগৎনবা ঐখোয়না নিংশিংগদবনি।

দোক্তর জিতেন্দ্র সিংহনা হায়খি লম-লমগী খেন্নবশিং লৈহন্দনবা অমসুং ঐখোয়গী লৈবাক্তা লোন কয়া লৈবগী হরাওবা ফোঙদোকপা মতম অসিদা তোঙান-তোঙানবা ফুরুপশিং চপ মান্নবা খুদোংচাবশিং পীনবা স্তাফ সেলেক্সন কম্মিসন্না লেপ্তনা থবক কয়া পায়খৎলি।

মিনিস্তরনা হায়খি স্তাফ সেলেক্সন কম্মিসন্না পাংথোক্লিবা একজামিনেসনশিংগী স্কিম অমসুং সেল্লেবসশিং অমসুং মেদিয়ম হন্না য়েংশিন্নবা পর্সোনেল অমসুং ত্রেনিং দিপার্তমেন্তনা অখঙ-অহৈগী কম্মিতি অমা শেম্লে। কম্মিতিগী রিকমেন্দেসন মতুংইন্না, তোঙান-তোঙানবা লোনশিংদা খ্বাইদগী নেম্বা থাক্কী পোস্তশিংগী একজামশিং লোন খরদা পাংথোকপনা খুদোংচাগনি হায়না ফোঙদোকখি অমসুং মতুং তারকপদা ভারত সংবিধানগী নিপালশুবা সেদুলদা চল্লবা লোন পুম্নমক য়াওহনবা হায়না থমখি। কম্মিতিগী ৱাফম অদু সরকারনা য়াখ্রে।

স্তাফ সেলেক্সন কম্মিসন অসি ভারত সরকারগী খ্বাইদগী চাউবা থবক লৌনবা এজেন্সিশিংগী মনুংদা অমনি অমসুং মসিনা ভারত সরকারগী গ্রুপ বি(নন-গেজেত্তেদ) অমসুং গ্রুপ সি(নন-তেক্নিকেল পোস্তশিং) লৌনবা মহৌশানা হিন্দী অমসুং ইংলিসতা একজামশিং পাংথোক্তুনা লাক্লি।

*****