سائنس اور ٹیکنالوجی کے مرکزی وزیر مملکت (آزادانہ چارج)، ارتھ سائنسزوزیر مملکت (آزادانہ چارج)، وزیراعظم کے دفتر، وزیراعظم، عملہ، عوامی شکایات، پنشن، ایٹمی توانائی اور خلا کے وزیر مملکت ڈاکٹر جتیندر سنگھ نے آج پہلی بار ہندی اور انگریزی کے علاوہ 13 علاقائی زبانوں میں ملٹی ٹاسکنگ (نان ٹیکنیکل) اسٹاف امتحان 2022 منعقد کرنے کے فیصلے کے لیے اسٹاف سلیکشن کمیشن کی کوششوں کی تعریف کی۔

ڈاکٹر جتیندر سنگھ نے کہا کہ یہ اقدام وزیر اعظم نریندر مودی کے ملازمت کے خواہشمند تمام افراد کو برابری کا میدان فراہم کرنے اور اس بات کو یقینی بنانے کے وژن کے مطابق ہے کہ زبان کی رکاوٹ کی وجہ سے کسی کو موقع سے محروم نہ کیا جائے یا وہ اس سے محروم نہ ہوں۔

تیرہ علاقائی زبانیں اردو، تمل، ملیالم، تیلگو، کنڑ، آسامی، بنگالی، گجراتی، کونکنی، منی پوری (میتی بھی)، مراٹھی، اڑیہ اور پنجابی ہیں۔

ڈاکٹر جتیندر سنگھ نے کہا کہ اس اقدام سے مختلف ریاستوں اور خاص طور پر جنوبی ہند کے امیدواروں کی انگریزی اور ہندی زبانوں میں پہلے سے منعقد ہونے والے امتحانات کے لیے طویل عرصے سے زیر التواء مطالبہ کو پورا کیا جائے گا۔ وزیر موصوف نے مزید کہا کہ اس سے ملک بھر سے امیدواروں کی ایک بہت بڑی تعداد کو فائدہ پہنچنے کا امکان ہے۔

ڈاکٹر جتیندر سنگھ نے زور دے کر کہا کہ اس تاریخی اقدام کے بعد آئین کے آٹھویں شیڈول میں درج تمام زبانوں کو بتدریج شامل کرنے کی کوششیں جاری ہیں۔

ڈاکٹر جتیندر سنگھ نے نشاندہی کی کہ مودی جی نے نومبر 2022 میں وارانسی میں ‘‘کاشی تامل سنگمم’’ کے افتتاح کے دوران اس بات کی نشاندہی کی کہ دنیا کی قدیم ترین زندہ زبانوں میں سے ایک ہونے کے باوجود تمل کا مکمل احترام کرنے میں کمی رہی ہے۔‘‘یہ 130 کروڑ ہندوستانیوں کی ذمہ داری ہے کہ وہ تمل کی وراثت کو محفوظ رکھیں اور اسے مزید تقویت دیں۔ ہمیں لسانی اختلافات کو دور کرنا اور جذباتی اتحاد قائم کرنا ہے۔’’

ڈاکٹر جتیندر سنگھ نے کہا کہ اسٹاف سلیکشن کمیشن کی یہ مسلسل کوشش ہے کہ وہ آبادی کے مختلف طبقات کو برابری کا میدان فراہم کرے تاکہ علاقائی تفاوت کو ختم کیا جاسکے اور آئین کے نظریات کو حاصل کیا جاسکے اور ساتھ ہی ساتھ ہمارے ملک میں لسانی تنوع کا جشن بھی منایا جاسکے۔

وزیر موصوف نے بتایا کہ اسٹاف سلیکشن کمیشن کے ذریعہ منعقدہ امتحانات کی اسکیم اور نصاب کا جائزہ لینے کے لیے جس میں امتحانات منعقد کیے جاتے ہیں، محکمہ برائے عملہ اور تربیت نے ماہرین کی ایک کمیٹی تشکیل دی تھی۔ کمیٹی نے دوسری باتوں کے ساتھ سفارش کی ہے کہ نچلی سطح کی آسامیوں کے لیے امتحانات کو متعدد زبانوں میں منعقد کرنا مناسب ہوگا، جو کہ شروع کرنے کے لیے چند زبانوں سے شروع ہو سکتا ہے اور پھر بتدریج بڑھا کر تمام زبانوں کو شامل کر سکتا ہے۔ وہ زبانیں جن کا ذکر آئین کے آٹھویں شیڈول میں کیا گیا ہے۔ حکومت نے کمیٹی کی سفارشات قبول کر لی ہیں۔

اسٹاف سلیکشن کمیشن حکومت ہند کی سب سے بڑی بھرتی کرنے والی ایجنسیوں میں سے ایک ہے، اس کا بنیادی دائرہ اختیار حکومت ہند کی مختلف وزارتوں/محکموں میں تمام گروپ بی (نان گزیٹیڈ) اور گروپ سی (نان ٹیکنیکل پوسٹوں) پر بھرتی کرنا ہے۔ کمیشن کے ذریعہ کئے جانے والے امتحانات کا ذریعہ عام طور پر ہندی اور انگریزی ہوتا ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ م ع۔ع ن

 (U: 688)