প্রধান মন্ত্রী, শ্রী নরেন্দ্র মোদীনা জনুৱারী ১৯, ২০২৩দা কর্নাতকা অমসুং মহারাস্ত্রাদা চৎকনি।

প্রধান মন্ত্রীনা কর্নাতকাদা য়াদগিরি অমসুং কলাবুরাগী জিলাদা চৎকনি। প্রধান মন্ত্রীনা নুমিৎ অসিগী নুমিৎয়ুংবা পুং ১২ তাবা মতমদা, য়াদগিরী জিলাগী কোদেকালদা ঈথৈ-লৌখোঙ, থক্নবা ঈশিং অমসুং নেস্নেল হাইৱে চাউখৎহনবগী প্রোজেক্তকা মরী লৈনবা চাউখৎ থৌরাংগী তোঙানবা প্রোজেক্ত কয়া শঙ্গাবগা লোয়ননা উরেপ উয়ুংসু তমগনি। নুমিৎসিমক্কী নুংথিল পুং ২.১৫ তাবা মতমদা, প্রধান মন্ত্রীনা কলাবুরাগী জিলাগী মালখেরতা থুংগনি অমসুং মহাক্না কর্নাতকাগী নৌনা লাউথোক্লবা রেভেন্যু ভিলেজকী চাউরাকপা বেনিফিশরী লিশিং য়াংখৈগী মফমদা তাইতল দীদ (হক্কা পাত্রা) য়েন্থোক্কনি অমসুং নেস্নেল হাইৱে দিভেলপমেন্ত প্রোজেক্ত অমগী উরেপ উয়ুংসু তমগনি।

প্রধান মন্ত্রীনা মুম্বাইদা নুংথিলগী পুং ৫ তারকপা মতমদা চাউখৎ থৌরাংগী তোঙানবা খোংথাং কয়া মীয়ামদা খুৎশিন্নবগা লোয়ননা উরেপ উয়ুংসু তমগনি। মতুং তারকপা ওইনা নুমিদাং ৱাইরমগী পুং ৬.৩০ তাবা মতমদা, প্রধান মন্ত্রীনা মুম্বাই মেত্রোগী লাইন অনি শঙ্গাগনি অমসুং মেত্রোগী তোংদুনা চৎকনি।

কর্নাতকদা প্রধান মন্ত্রী

য়ুম্থোং খুদিংদা মশাগী তোতি ঈশিং পুশিলহন্দুনা তেক্ত-কায়দবা অমসুং মরাং কায়বা থক্নবা ঈশিং ফংহনবগী প্রধান মন্ত্রীগী মঙলান মঙফাওনহনবগী খোঙথাং অমা ওইনা, মহাক্না য়াদগিরী জিলাগী কোদেকালদা জল জীবন মিসনগী মখাদা লৈবা য়াদগির মলতি-ভিলেজ দ্রিঙ্কিং ৱাতর সপ্লাই স্কিমগী উরেপ উয়ুং তমগনি। এম.এল.দি. ১১৭কী ঈশিং ত্রিতমেন্ত তৌবগী প্লান্ত অমসু স্কিম অসিগী মখাদা শাগনি। লুপা করোর ২০৫০ হেন্না চঙবা প্রোজেক্ত অসিনা খুঙ্গংগী খুন্দাফম ৭০০ অমসুং য়াদগিরীগী শহর মচা অহুমগী চাউরাকপা ইমুং লাখ ২.৩দা  থক্নবা ঈশিং ফংহনগনি।

প্রধান মন্ত্রীনা থৌরমসিগী মনুংদা নরায়নপুর লেফ বেঙ্ক কেনেল – এক্সতেন্সন রিনোভেসন অমসুং মোদর্নাইজেসন প্রোজেক্ত (এন.এল.বি.সি.- ই.আর.এম.) অসিসু শঙ্গাগনি। ক্যুসেক ১০,০০০ পুবা ঙম্বা কেনেল লৈবা প্রোজেক্ত অসিনা হেক্ত্যার লাখ ৪.৫ পাক চাউবা লমগী ইথৈ-লৌখোং পীবা ঙমগনি। মসিনা কলাবুর্গী, য়দাগীর অমসুং বিজয়পুর জিলাগী খুঙ্গং ৫৬০গী লৌমী লাখ অহুম হেনবদা কান্নবা পীগনি। প্রোজেক্ত অসিদা চঙগদবা অপুনবা শেনফম অসি লুপা করোর ৪৭০০নি।

মহাক্না এন.ঐচ.-১৫০সি.গী কিলোমীতর ৬৫.৫গী সেক্সনগী উরেপ উয়ুংসু তমগনি। মসিগী লেন ৬কী গ্রীনফিল্দ রোদ প্রোজেক্ত অসি সুরত-চেন্নৈ এক্সপ্রেসৱেগী শরুক অমনি। মসিদি চাউরাক্না লুপা করোর  ৬০০০ চঙনা শাবনি।

সরকারগী স্কিমগী ১০০% সেচ্যুরেসন হায়বা প্রধান মন্ত্রীগী মঙলানগা মরী লৈননা, কলাবুরাগী, য়াদগিরি, রাইচুর, বিদর অমসুং বিজয়পুরাগী জিলা ৫সিদা হান্ননা খুন্দাদুনা লৈবা রেকোর্দতা তাদবা চাউরাকপা মফম ১৪৭৫বু ন্যু রেভেন্যু ভিলেজ হায়না শকখঙখ্রে। কলাবুরাগী জিলাগী সেদাম তালুকাগী মনুং চনবা মালখেরদগী প্রধান মন্ত্রীনা মসিগী নৌনা লাউথোক্লবা রেভেন্যু ভিলেজশিংগী মতিক চারবা বেনিফিশরীশিংদা তাইতল দীদ (হক্কু পাত্র) য়েন্থোক্কনি। এস.সি., এস.তি. অমসুং ও.বি.সি.দগী ওইবা তোখায়না তাবা অমদি অৱাবা নংগনবা খুন্নাইদগী অয়াম্বা ওইবা বেনিফিশরী লিশিং ৫০ হেনবগী মফমদা তাইতল দীদ য়েন্থোকপগী থৌওং অসিদি মখোয়গী লম্বু সরকারগী মাইকৈদগী ফোর্মেল ওইনা শকখঙলে অমসুং মখোয়সি থক্নবা ঈশিং, মৈ, শোরোক্নচিংবা সরকারগী সেবা কয়া ফংবদা মতিক চারে তাকপগী খোংথাং অমনি।

প্রধান মন্ত্রীনা থৌরম মনুংদা এন.ঐচ.-১৫০সি.গী কিলোমীতর ৭১গী সেক্সনগী অমগী উরেপ উয়ুং তমগনি। মসিগী লেন ৬কী গ্রীনফিল্দ রোদ প্রোজেক্ত অসি সুরত-চেন্নৈ এক্সপ্রেসৱেগী শরুক অমনি। মসিদি চাউরাক্না লুপা করোর  ২১০০ চঙনা শাবনি।

Surat - Chennai Expressway will pass through six states- Gujarat, Maharashtra, Karnataka, Telangana, Andhra Pradesh, and Tamil Nadu. It will reduce the existing route from 1600 Kms to 1270 Kms.

সুরত-চেন্নৈ এক্সপ্রেসৱেনা রাজ্য তরুক- গুজরাত, মহারাস্ত্রা, কর্নাতকা, তেলঙ্গানা, আন্ধ্র প্রদেশ অমসুং তমিল নাদু ফাওদুনা চৎকনি। মসিনা হৌজিক লৈরিবা কিলোমীতর ১৬০০ শাংবা লম্বীবু কিলোমীতর ১২৭০দা তেনসিলহনগনি।

প্রধান মন্ত্রীনা মুম্বাইদা

প্রধান মন্ত্রীনা চাউরাকপা লুপা করোর ৩৮,৮০০গী প্রোজেক্ত কয়া শঙ্গাবগা লোয়ননা উরেপ উয়ুংসু তমগনি। মওং-মরিল চুম্বা অমসুং অপনবা লৈতবা অর্বান মোবিলিতী লৈহনবা হায়বসি প্রধান মন্ত্রীগী মরু ওইবা মিৎয়েংশিংগী মরক্তা অমনি। পান্দম অসিগা মরী লৈননা, মহাক্না চাউরাকপা লুপা করোর ১২,৬০০কী মুম্বাই মেত্রো লাইন ২এ. অমসুং ৭পু লৈবাক মীয়ামদা খুৎশিন্নগনি। দাহিসর ই. অমসুং দি.এন. নগর (য়েল্লো লাইন) শম্নরিবা মেত্রো লাইন ২এ. অসি চাউরাক্না কিলোমীতর ১৮.৬ শাংই, অদুগা অন্ধেরী ই.- দহিসর ই. (রেদ লাইন) শম্নরিবা মেত্রো লাইন ৭ অসিনা চাউরাক্না কিলোমীতর ১৬.৫ শাংই। হায়রিবশিং অসিগী উরেপ উয়ুংসু প্রধান মন্ত্রীনা ইং ২০১৫দা তমখিবনি। প্রধান মন্ত্রীনা মুম্বাই ১ মোবাইল এপ অমসুং নেস্নেল কম্মন মোবিলিতী কার্দ (মুম্বাই ১)সু লোঞ্চ তৌগনি। এপ অসিনা লায়না ত্রাভেল তৌবগী খুদোংচাবা পীগনি, মেত্রো স্তেসনগী এন্ত্রী গেত্তা এপ অসি উৎপা য়াগনি, অমসুং য়ু.পি.আই.গী খুত্থাংদা তিকেত লৈনবা দিজিতেল পেমেন্ত তৌবসু য়াহনগনি। নেস্নেল কম্মন মোবিলিতী কার্দ (মুম্বাই ১) অসি মেত্রো কোরিদোরশিংদা অহানবদা শিজিন্নগনি অমসুং লোকেল ত্রেন অমসুং বস য়াওনা মাস পব্লিক ত্রনাজিতকুম্বা অতোপ্পা পাম্বৈশিংদা কোন্না শিজিন্নরক্কনি। চত্থোক-চৎশিন তৌরিবা মীওইশিংনা কার্দ ময়াম অমা নত্ত্রগা শেল পুদুনা চৎপগী মথৌ তারক্লরোই; এন.সি.এম.সি. কার্দ অসিনা অথুবা, কন্তেক্তলেস, দিজিতেল ত্রাঞ্জেক্সন পাংথোকপা য়াহন্দুনা মরী লৈনবা থৌওংশিংবু হেন্না লায়থোকহনগনি।

প্রধান মন্ত্রীনা সিৱেজ ত্রিতমেন্ত প্লান্ত ৭কী উরেপ উয়ুং তমগনি, হায়রিবা প্লান্তশিং অসি মলাদ, ভন্দুপ, বর্সোবা, ঘাতকোপর, বেন্দ্রা, ধারবাবী অমসুং ৱর্লীদা চাউরাক্না লুপা করোর ১৭,২০০ চঙনা শাগদবনি। মখোয় অপুনবনা চাউরাকপা এম.এল.দি. ২৪৬০গী কেপাসিতী লৈগনি।

মুম্বাইগী হেল্থকেয়র ইনফ্রাস্ত্রকচর মপাঙ্গল হেন্না কনখৎহন্নবা হোৎনবগী থৌওং ওইনা, প্রধান মন্ত্রীনা হিন্দুহৃদয়শম্রাত বালাসাহেব থাকেরাই আপ্লা দৱাখানা ২০ শঙ্গাগনি। মসিগুম্বা অনৌবা থৌওং অসিনা হেল্থ চেক-অপ, হিদাক-লাংথক, ইনভেস্তিগেসন অমসুং দাগ্নোস্তিক্কুম্বা তঙাই ফদবা মেদিকেল সর্ভিস কয়া মীয়ামদা লেম্না পীগনি। প্রধান মন্ত্রীনা মুম্বাইগী হোস্পিতাল অহুম নৌনা শেমগৎ-শাগৎপগী প্রোজেক্তশিংগী উরেপ উয়ুং তমগনি। মখোয়শিং অদুদি ফমুং ৩৬০ লৈবা ভন্দুপ মলতিস্পিসিএলিতী ম্যুনিসিপাল হোস্পিতাল, ফমুং ৩৬০ লৈবা সিধার্থ নগর হোস্পিতাল, গোরেগাও (নোংচুপ) অমসুং ফমুং ১৫২ লৈবা ওশিৱারা মেতর্নিতী হোম্নি। মসিনা শহর অসিগী মীয়াম লাখ কয়াদা কান্নবা পীবগা লোয়ননা মখোয়গী মফমদা তোপ ক্লাস মেদিকেল ফেসিলিতীসু ফংহনগনি।

প্রধান মন্ত্রীনা মুম্বাইগী শোরোক্কী কিলোমীতর ৪০০মুক্কী রোদ কংক্রিতাইজেসন প্রোজেক্ত অমসু হৌদোক্কনি। প্রোজেক্ত অসি লুপা করোর ৬১০০ চঙনা পায়খৎকদবনি। মুম্বাইগী চাউরাকপা কিলোমীতর ২০৫০গী শোরোকশিংগী মনুংদা কিলোমীতর ১২০০ হেনবদি কংক্রিতকী ওইরে নত্ত্রগা কংক্রিত ওইহন্নবা থবক পাংথোক্লি। অদুবু, চাউরাকপা কিলোমীতর ৮৫০গী লেমহৌরিবা শোরোকশিং অসিনা চত্থোক-চৎশিন তৌবদা অয়েৎপা পীরিবা পোতহোলগী শিংনবা কয়া লেপ্তনা মাইয়োক্নরি। হায়রিবা প্রোজেক্ত অসিনা শিংনবশিং অসি ৱারোইশিন পুরক্কনি হায়বগী পান্দম থম্লি। মসিগী কংক্রিত শোরোকশিং অসিনা হেন্না ফগৎলবা সেক্যুরিতীগা লোয়ননা ত্রাভেল তৌবগী খোঙজেলসু হেনগৎহনগনি। লোয়ননা, মসিনা হান্নদগী হেন্না ফবা দ্রেনেজ ফেসিলিতী লৈহনগনি অমসুং য়ুতিলিতী দক্তশিং অসিনা শোরোক তোয়না তৌথোকপগী থৌওংসু লেপহনগনি।

প্রধান মন্ত্রীনা মুম্বাইগী ছত্রপতি শিবাজী মহারাজ তর্মিনস নৌনা অমুক শেমগৎপগী থবক্কী উরেপ উয়ুং তমগনি। নৌনা শেমগৎপগী প্রোজেক্ত অসি তর্মিনস অসিগী খাথংবগী হেরিতেজ নোদতা মী চিল্লিবা অসি হন্থহনবা, ফেসিলিতী কয়াবু হেন্না ফগৎহনবা, মলতি-মোদেল ইন্তিগ্রেসন হেন্না ফনা পাংথোকপা অমসুং মালেমদা মমিং লৈরবা স্ত্রকচর অসিবু হান্নগী মতৌগুম্না হঞ্জিলহনবা হায়বা পান্দমগা লোয়ননা থৌরাং তৌবনি। প্রোজেক্ত অসি লুপা করোর ১৮০০ হেন্না চঙদুনা পায়খৎকনি। মখা তারকপা ওইনা, প্রধান মন্ত্রীনা পি.এম. স্বনিধী য়োজনাগী মখাদা বেনিফিশরী লাখ ১ হেনবদা অয়াবা পীখ্রবা লোন পীথোকপসু হৌগনি।

***