اسٹارٹ اپ انڈیا انوویشن ہفتہ کا اختتام آج نیشنل اسٹارٹ اپ ڈے پر نیشنل اسٹارٹ اپ ایوارڈ 2022 کے فاتحین کے اعزاز کے ساتھ ہوا۔ یہ ایوارڈ کامرس اور صنعت، امور صارفین، خوراک اور عوامی تقسیم اور ٹیکسٹائل کے مرکزی وزیر جناب پیوش گوئل نے نئی دہلی میں تجارت اور صنعت کے وزیر مملکت جناب سوم پرکاش کی موجودگی میں پیش کئے۔

نیشنل اسٹارٹ اپ ایوارڈز 2022 ایسے اسٹارٹ اپس اور قابل بنانے والوں کو تسلیم کرتا ہے جنہوں نے ہندوستان کی ترقی کی کہانی میں انقلاب برپا کرنے اور غیر معمولی صلاحیتوں کا مظاہرہ کرنے میں نہ صرف مالی فوائد بلکہ معاشرے پر قابل پیمائش اثرات کے لیے بھی اہم کردار ادا کیا ہے۔

قوم کے کاروباری جذبے کو منانے کے لیے ملک بھر میں کئی تقریبات بھی منعقد کی گئیں۔ اسٹارٹ اپ سیل، حکومت گجرات اور انٹرنیشنل آٹوموبائل سینٹر آف ایکسیلنس (آئی اےسی ای) نے اسٹارٹ اپ انڈیا کے ساتھ شراکت میں، گاندھی نگر میں اسٹارٹ اپس، انکیوبیٹرز، سرمایہ کاروں، اور ماحولیاتی نظام کو فعال کرنے والوں کے لیے آج ایک روزہ جسمانی تقریب کا اہتمام کیا۔ اس پروگرام میں اسٹارٹ اپ انڈیا انیشی ایٹو، سیڈ فنڈ اسکیم، اسٹارٹ اپ ایکو سسٹم کے لیے فائر سائیڈ چیٹ، انڈسٹری کی حساسیت، طالب علموں اور خواہشمند کاروباری افراد کے لیے مینٹور کنیکٹس، اور حصہ لینے والے اسٹارٹ اپس کے لیے ایک موک پچنگ سیشن جیسے مختلف اجلاس تھے۔ اس میں 150 سے زیادہ کاروباریوں، سرپرستوں، انکیوبیٹرز، اور دیگر ماحولیاتی نظام کو فعال کرنے والوں کی شرکت دیکھی گئی۔

اسٹارٹ اپ انڈیا نے صنعت پر مرکوز ویبینارز کی 7 روزہ سیریز میں فائنل ویبینار کا انعقاد کیا تھا – جس کا موضوع ہے ،‘‘اربوں ڈالر کے خواب کو پورا  کرنا’’۔ ویبینار نے اسٹارٹ اپ ایکو سسٹم کے اندر صنفی مساوات کو فروغ دینے پر توجہ مرکوز کی تاکہ اسٹارٹ اپ فنڈنگ ​​لینڈ اسکیپ میں صنفی تقسیم کو دور کیا جاسکے۔ ویبینار کو یہاں دیکھا جا سکتا ہے: https://www.youtube.com/watch?v=n37-J_DcPv0

مختلف مراکز اسٹارٹ اپ انڈیا میں شامل ہو کر شہروں میں آف لائن اور آن لائن ایونٹس کی میزبانی کر رہے ہیں، جیسے کہ بنگلورو، رائےسین، گروگرام، اندور، بھوپال، گاندھی نگر، غازی آباد، موہالی، دہلی، بھونیشور، جلگاؤں، ناگپور، کوٹائم، امپھال، کولکاتہ، اور بہت سے دوسرےصلاحیت بڑھانے کی ورکشاپ، ماہر پینل ڈسکشن، ریاستی سطح کے مقابلے اور چیلنجز، اسٹارٹ اپ شوکیس، اسٹارٹ اپ سمٹ، گول میزوں سمیت تقریبات کا انعقاد کیا گیا۔

ش ح ۔ا م۔

U:534