সি.এস.আই.আর-নেসনেল ইন্সতিতুৎ ওফ সাইন্স কম্মুনিকেসন এন্দ পোলিসি রিছর্স(সি.এস.আই.আর-এন.আই.এস.পি.আর)না শীন্দুনা জনুৱারি ১০, ২০২৩দা নিউ দিল্লিদা সাইন্স কম্মুনিকেসনগী মরমদা খন্ননবা জাতি থাক্কী ব্রেনস্ত্রোমিং মীতিং অমা পাংথোকখ্রে। মীফম অদু হায়ব্রিকী মওংদা পাংথোকখি।

খন্ন-নৈনবা মীফম অদু সি.এস.আই.আর-এন.আই.এস.পি.আরগী চীফ সাইনতিস্ত শ্রী হাসান জৱাইদ খান্না তরাম্না ওকপগী ৱারোল পীদুনা হৌদোকখি। মরুওইবা মীফম অসিদা শরুক য়াবগীদমক মহাক্না অখঙ-অহৈশিং থাগৎখি। সাইন্স কম্মুনিকেসনগী মতাংদা সি.এস.আই.আর-এন.আই.এস.পি.আরনা পায়খৎলিবা থবকশিং মহাক্না শন্দোক্না তাকখি। পাক-শন্না ঙাংনদবা লোনশিং, মনুংহুঞ্জিনবা মফমশিং, খন্নদ্রিবা হিরমশিংদা সাইন্স কম্মুনিকেসনগী মরুওইবা অমসুং সাইন্স খঙহনবদা কম্মুনিকেসন মেদিয়াগী মতাংদা ফোঙদোকখি।

মখা তানা, সি.এস.আই.আর-এন.আই.এস.পি.আরগী সাইনতিস্ত দোক্তর মনিস মোহন গোরেনা খন্ন-নৈনবা মীফম অদুগী এজেন্দা পুথোকখি। দোক্তর গোরে অসি সি.এস.আই.আর-এন.আই.এস.পি.আরনা ভারতকী লোনশিংদা সাইন্স কম্মুনিকেসনগী মতাংদা পায়খৎলিবা প্রোজেক্কী প্রিন্সিপাল ইনভেস্তিকেতরনি। তোঙান-তোঙানবা লোনশিংদা সাইন্সগী ই-পাউ পীনবা হৌজিক ওইরিবা ফিবম, মাইপাকপশিং, খুদোংচাদবশিং অমসুং পাম্বৈশিংগী মতাংদা মহাক্না খন্নখি। মরুওইনা মশাগী সাহিত্য মতিক চানা লৈতবা ভারতকী লোনশিংদা সাইন্সকী সাহিত্য শেমগৎনবা থবকশিংগী মতাংদা মহাক্না খন্নখি।

কোক চুংশিন্নবা খন্ন-নৈনবা মীফম অদুদা ভারতকী লোন ২২(অসামিজ, বেঙ্গালি, বোরো, দোগ্রি, গুজরাতি, হিন্দী, কন্নরা, কাস্মিরি, কোনকানি, মাইথিলি, মলয়লম, মনিপুরি, মরাথি, নেপালি, ওরিয়া, পঞ্জাবী, সংস্কিত, সন্তালি, সিন্ধি, তামিল, তেলুগু, উর্দু)গী সাইন্স কম্মুনিকেসনগী অখঙ-অহৈশিং চেবাউ পীখি অমসুং হায়রিবা লোনশিং অসিদা সাইন্স কম্মুনিকেসন অমসুং সাইন্স সাহিত্য চাউখৎহন্নবা থৌরাংশিং খন্নখি। ওফিসিএল লোন ২২ অসি ভারত সংবিধানগী ৮শুবা সেদুলদা য়াওরবনি।  

ভারতকী লোনশিংদা সাইন্স কম্মুনিকেসন নৈন্নবা সি.এস.আই.আর-এন.আই.এস.পি.আরগী প্রোজেক্কী শরুক অমা ওইনা মীফম অসি পাংথোকপনি। ভারতকী ওফিসিএল ওইরবা লোনশিংদা সাইন্সকী ই-পাউ পীবদা থেংনরিবা অচৌবা খুদোংচাদবশিং অমসুং সাইন্স সাহিত্য চাউখৎহন্নবা থবকশিং অমসুং হৌজিক ওইরিবা ফিবম তোঙান-তোঙানবা লোনশিংগী সাইন্স কম্মুনিকেসনগী অখঙ-অহৈশিংগা পুন্না খন্নবা হায়বসি মীফম অসিগী পান্দম্নি। মীফম অসিগী ফল ওইনা মমল য়াম্লবা ৱারেপ কয়া লৌখি।

অখঙ-অহৈশিংগী মরক্তা খন্ন-নৈনবা অদু সি.এস.আই.আর-এন.আই.এস.পি.আরগী সাইনতিস্ত দোক্তর পারামানন্দা বর্মন্না মোদেরেতর ওইনা শরুক য়াখি। মীফমগী অরোইবদা সি.এস.আই.আর-এন.আই.এস.পি.আরগী সাইনতিস্ত দোক্তর মেহর ৱান্না অখঙ-অহৈশিং থাগৎৱাহৈ পীখি। মীফম অদুদা প্রোজেক স্তাফ নিয়াতি সিংহ অমসুং শ্রী মোহাব্বাদ সিংহশু শরুক য়াখি।

*****