মন্ত্রীমন্দল
কোলকাতাগী জোকাদা লৈবা নেসনেল সেন্তর ফোর দ্রিংকিং ৱাতর, সেনিতেসন এন্দ ক্বালিতি অসি ‘দোক্তর শ্যামা প্রসাদ মুকর্জি নেসনেল ইন্সতিতুৎ ওফ ৱাতর এন্দ সেনিতেসন(এস পি এম-নিৱাস) হায়না মমিং ওনখ্রবা মতুংদা নৌনা মমিং থোনবগী অয়াবা মন্ত্রীমন্দলনা পীখ্রে
Posted On:
11 JAN 2023 3:44PM by PIB Imphal
প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা, কোলকাতাগী জোকাদা লৈবা নেসনেল সেন্তর ফোর দ্রিংকিং ৱাতর, সেনিতেসন এন্দ ক্বালিতি অসি ‘দোক্তর শ্যামা প্রসাদ মুকর্জি নেসনেল ইন্সতিতুৎ ওফ ৱাতর এন্দ সেনিতেসন(এস পি এম-নিৱাস) হায়না মমিং ওনখ্রবা মতুংদা নৌনা মমিং থোনবগী অয়াবা পীখ্রে।
ইন্সতিতুৎ অসি নোংচুপ বঙ্গালগী কোলকাতাগী দাইমন্দ হারবরদা রোদতা লৈবা জোকাদা লম একর ৮.৭২দা লিংখৎপনি। ইন্সতিতুৎ অসি রাজ্যশিং/য়ু.তিশিংদা ত্রেনিংগী খুৎথাংদা পব্লিক হেল্থ ইঞ্জিনিয়ারিং, থক্নবা ঈশিং, সেনিতেসন অমসুং লু-নানবগী মতাংদা খঙহন্নবা শেমগৎপা মশক থোকপা মহৈলোয়শঙ অমনি। ইন্সতিতুৎ অসিনা পীরিবা ত্রেনিংশিং অসিনা শ্বাছ ভারত মিসন অমসুং জল জিবন মিসন থবক ওইনা পায়খৎপদা মাংজিল থাদুনা থবক তৌরিবশিং খক নত্তনা লোকেল বোদিশিংগী মীহুৎশিংশু তাকপী-তম্বীনবা পান্দম থম্লি। ত্রেনিং তৌফম, আর অমসুং দি ব্লোগ অমসুং লৈফম য়াওনা লৈফম থোকপা মচাক-মথুমশিং শেমগৎলে। ইন্সতিতুৎ অসিদা ত্রেনিংগী খুদোংচাবা পীনবা ৱাতর এন্দ সেনিতেসন হায়জিন(ৱাস)কী অপীকপা মোদেলশিংশু থম্লে।
দোক্তর শ্যামা প্রসাদ মুকর্জি অসি নোংচুপ বঙ্গালগী শক্নাইরবা মপারিশিংগী মনুংদা অমনি অমসুং লৈবাক্কী অপুনবগী শক্তম, উদোগ চাউখৎহনবগী লমদা মাংজিল থাবা মীওই অমনি অমসুং শক্নাইরবা পন্দিৎ অমনি অমসুং কোলকাতা য়ুনিভর্সিতিগী খ্বাইদগী নহা ওইবা ভি.সিনি। ইন্সতিতুৎ অসি দোক্তর শ্যামা প্রসাদ মুকর্জিগী মিং থোনবা অসিনা ইন্সতিতুৎ অসিদা মহাক্কী পুকচেল শেংবা অমসুং হোৎনবা কন্নবগী ফিদম অসি লৌশিন্দুনা মহাক ইকায়খুম্নবা উৎপা ঙমগনি। ইন্সতিতুৎ অসি দিশেম্বর ২০২২দা প্রধান মন্ত্রীনা শঙ্গাখিবনি।
*****
(Release ID: 1890585)
Visitor Counter : 91
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam