భారతదేశ విశిష్ట గుర్తింపు ప్రాధికార సంస్థ (UIDAI) ఆఫ్‌లైన్ వెరిఫికేషన్ సీకింగ్ ఎంటిటీలకు (OVSEలు)  చట్టబద్ధంగా ఆధార్‌ను స్వచ్ఛందంగా ఉపయోగించే అనేక వినియోగ సందర్భాలలో  వినియోగదారుల స్థాయిలో మెరుగైన భద్రతా విధానాలు మరియు నివాసితుల నమ్మకాన్ని మరింత పెంచే స్వచ్చత శుభ్రత మార్గాలను సూచిస్తూ మార్గదర్శకాలను జారీ చేసింది.

ఆధార్ నంబర్ సొంతదారు యొక్క స్పష్టమైన సమ్మతి తర్వాత ఆధార్ ధృవీకరణ చేయవలసిందిగా ఎంటిటీలకు తెలియజేయబడింది. ఈ సంస్థలు నివాసితులతో మర్యాదగా ఉండాలి మరియు ఆఫ్‌లైన్ ధృవీకరణను నిర్వహిస్తున్నప్పుడు వారి ఆధార్ భద్రత మరియు గోప్యత గురించి వారికి భరోసా ఇవ్వాలి.

యూ ఐ డి ఎ ఐ లేదా దాని ఏదైనా ఇతర చట్టపరమైన ఏజెన్సీ  భవిష్యత్తులో జరిగే ఏదైనా ఆడిట్ కోసం నివాసితుల నుండి స్వీకరించబడిన స్పష్టమైన సమ్మతి యొక్క లాగ్/రికార్డ్‌ను ఎంటిటీలు తప్పనిసరిగా నిర్వహించాలి.

గుర్తింపు రుజువుగా ఆధార్‌ను భౌతిక లేదా ఎలక్ట్రానిక్ రూపంలో అంగీకరించే బదులు మొత్తం నాలుగు రకాల ఆధార్ (ఆధార్ లెటర్, ఇ-ఆధార్, ఎం-ఆధార్ మరియు ఆధార్ పివిసి కార్డ్)పై ఉన్న క్యూఆర్ కోడ్ ద్వారా ఆధార్‌ను ధృవీకరించాలని ఓ వీ ఎస్ ఈ లను యూ ఐ డి ఎ ఐ కోరింది. .

ఆఫ్‌లైన్ ధృవీకరణ అనేది యూ ఐ డి ఎ ఐ యొక్క సెంట్రల్ ఐడెంటిటీస్ డేటా రిపోజిటరీకి అనుసంధానం చేయకుండా, స్థానికంగా గుర్తింపు ధృవీకరణ మరియు కే వై సీ ప్రక్రియలను నిర్వహించడానికి ఆధార్‌ను ఉపయోగించడం. చట్టబద్ధమైన ప్రయోజనం కోసం ఆధార్ నంబర్ హోల్డర్ యొక్క ఆఫ్‌లైన్ ధృవీకరణను నిర్వహించే సంస్థలను ఓ వీ ఎస్ ఈ లు అంటారు.

ఇతర ఆచరణీయ ప్రత్యామ్నాయాల ద్వారా నివాసి తనను/ఆమెను గుర్తించగలిగితే, ఆధార్ యొక్క ఆఫ్‌లైన్ ధృవీకరణను తిరస్కరించినందుకు లేదా పొందలేకపోయినందుకు ఏ నివాసికి ఎటువంటి సేవలు నిరాకరించబడకుండా చూసుకోవాలని ఎంటిటీలను కోరడం జరిగింది. సేవలను అందించడం కోసం ఓ వీ ఎస్ ఈ లు నివాసితులకు ఆధార్‌తో పాటు గుర్తింపు కోసం ఆచరణీయమైన ప్రత్యామ్నాయ మార్గాలను అందించాల్సిన అవసరం ఉందని నొక్కిచెప్పబడింది.

సాధారణంగా ఆధార్ యొక్క ఆఫ్‌లైన్ ధృవీకరణను నిర్వహించిన తర్వాత నివాసి యొక్క ఆధార్ నంబర్‌ను ధృవీకరణ సంస్థలు సేకరించకూడదు, ఉపయోగించకూడదు లేదా నిల్వ చేయకూడదు అని యూ ఐ డి ఎ ఐ, ఓ వీ ఎస్ ఈ లకు తెలియజేసింది. ధృవీకరణ తర్వాత, ఓ వీ ఎస్ ఈ ఏ కారణం చేతనైనా ఆధార్ కాపీని నిల్వ చేయవలసి ఉందని భావిస్తే, ఓ వీ ఎస్ ఈ తప్పనిసరిగా ఆధార్ నంబర్‌ని సరిదిద్దబడి/ముసుగుతో  మరియు తిరిగి పొందలేనిదిగా నిర్ధారించుకోవాలి.

ఎం ఆధార్ యాప్ లేదా ఆధార్ క్యూ ఆర్ కోడ్ స్కానర్‌ని ఉపయోగించి అన్ని రకాల ఆధార్‌లలో (ఆధార్ లేఖ, ఇ-ఆధార్, ఆధార్ పీ వీ సీ కార్డ్ మరియు ఎం-ఆధార్) అందుబాటులో ఉన్న క్యూ ఆర్ కోడ్‌ని ఉపయోగించి ఏదైనా ఆధార్‌ని ధృవీకరించవచ్చు. ఆఫ్‌లైన్ ధృవీకరణ ద్వారా ఆధార్ పత్రాల ట్యాంపరింగ్‌ను గుర్తించవచ్చు మరియు ట్యాంపరింగ్ అనేది శిక్షార్హమైన నేరం మరియు ఆధార్ చట్టంలోని సెక్షన్ 35 ప్రకారం జరిమానా విధించబడుతుంది.

ఒకవేళ, ఏదైనా సమాచారం దుర్వినియోగం అయినట్లు ధృవీకరణ సంస్థలు గమనించినట్లయితే,  యూ ఐ డి ఎ ఐ మరియు నివాసి కి 72 గంటలలోపు తెలియజేయాలి.   ఐ ఓ వీ ఎస్ ఈ లను మరే ఇతర సంస్థ లేదా వ్యక్తి తరపున ఆఫ్‌లైన్ ధృవీకరణ చేయవద్దని యూ ఐ డి ఎ హెచ్చరించింది. ఆధార్ దుర్వినియోగానికి సంబంధించిన ఏదైనా విచారణ విషయంలో అథారిటీ లేదా చట్టబద్ద సంస్థలకు పూర్తి సహకారం అందించాలని హెచ్చరించింది.

***