প্রভাসি ভারতিয়া দিবস(পি বি দি) অসি ভারত সরকারগী মরুওইবা থৌরম অমনি। থৌরম অসিনা মপান লৈবাকশিংদা লৈখ্রবা ভারতমচাশিং উন্নবগী মরুওইবা মফম অমা পীরি অমসুং মসিনা মখোয় মশেল অমগা অমগা উনবা ঙমহল্লি। ১৭শুবা প্রভাসি ভারতিয়া দিবস কনভেন্সন মধ্য প্রদেস সরকারগা খুৎশম্নদুনা জনুৱারি ৮-১০, ২০২৩দা ইন্দোরদা পাংথোক্লগনি। চহি অসিগী প্রভাসি ভারতিয়া দিবস কনভেন্সনগী পান্দমদি “মপান লৈরিবা ভারতমচাশিং: অমৃত কালদা ভারত চাউখৎনবগী থাজবা য়াবা মরুপশিং” হায়বনি। প্রভাসি ভারতিয়া দিবস কনভেন্সন অসিদা শরুক য়ানবা তোঙান-তোঙানবা লৈবাক ৭০দা লৈরিবা ভারতমচা ৩,৫০০ হেনবনা রেজিস্তার তৌরে।

প্রভাসি ভারতিয়া দিবস কনভেন্সন অসি শরুক অহুম থোক্না খায়দোক্লি। জনুৱারি ৮,২০২৩দা, য়ুথ এফেয়ার্স অমসুং স্পোর্তস মিনিস্ত্রিগা খুৎশম্নদুনা য়ুথ প্রভাসি ভারতিয়া দিবস হৌদোক্কনি। নহারোলশিংগী প্রভাসি ভারতিয়া দিবসতা অস্ত্রেলিয়াগী পর্লিয়ামেন্তগী মেম্বর জানেতা মাস্কারেনহাসনা গেস্ত ওফ ওনর ওইনা শরুক য়াগনি।

জনুৱারি ৯,২০২৩দা প্রধান মন্ত্রী শ্রী নরেন্দ্র মোদীনা প্রভাসি ভারতিয়া দিবস কনভেন্সন হৌদোক্কনি অমসুং গুয়ানাগী রাস্ত্রপতি দোক্তর মোহমদ ইরফান অলিনা চীফ গেস্তকী ৱারোল পীগনি অমসুং সুরিনামগী রাস্ত্রপতি চন্দ্রিকাপেরসাদ সন্তোখিনা অখন্নবা গেস্ত ওফ ওনর ওইনা শরুক য়াগনি।

অশোই-অঙাম লৈতনা, আইন্না য়াবা মওংদা, মওং তানা অমসুং হৈথোই-শিংথোইবশিং লৈবাক লান্না য়ুম হোংবগী মরুওইবদা মীৎয়েং থমদুনা ‘সরক্ষিৎ জায়েন, পরিক্ষিৎ জায়েন’ কম্মেমোরেতিপ পোস্তেল স্তাম্প অমা ফোঙগনি। ভারতকী নিংতম্বদা মপান লৈবাকশিংদা লৈখ্রবা ঐখোয়গী নিংতম লান্মীশিংগী থৌদাং উৎনবা “অজাদি কা অমৃত মহোৎসব-ভারতকী নিংতম ইহৌদা মপান লৈবাকশিংদা লৈখ্রবা ভারতমচাশিং থৌদাং” থিম অসিদা অহানবা ওইনা দিজিতেল পি.বি.দি একজিবিসন অমা প্রধান মন্ত্রীনা হৌদোক্কনি। ভারতনা জি-২০গী প্রসিদেন্ত ওইরিবা অসি য়েংলগা, জনুৱারি ৯দা অখন্নবা তাউন হোল অমশু পাংথোক্কনি।

জনুৱারি ১০,২০২৩দা রাস্ত্রপতি শ্রীমতি দ্রৌপতি মুর্মুনা প্রভাসি ভারতিয়া সম্মান এৱার্দ ২০২৩ য়েন্থোক্কন অমসুং লোইশিনবগী থৌরম শরুক য়াগনি। ভারত অমসুং মপান লৈবাকশিংদা তোঙান-তোঙানবা হিরমশিংদা মখোয়না লৌখিবা থৌদাংশিং ইকায়খুম্নবা উৎপা ওইনা খনগৎলবা মপান্দা লৈবা ভারতমচাশিংদা প্রভাসি ভারতিয়া সম্মান এৱার্দশিং পীবনি।

 

প্রভাসি ভারতিয়া দিবস কনভেন্সনগী প্লেনারি সেসন মঙা লৈগনি-

অহানবা প্লেনারি য়ুথ এফেয়ার্স অমসুং স্পোর্তস মিনিস্তর শ্রী অনুরাগ থাকুরনা লুচিংদুনা ‘ইন্নোবেসন অমসুং অনৌবা তেক্নোলোজিশিংদা মপান লৈবাকশিংদা লৈরবা ভারতমচা নহারোলশিংগী থৌদাং” হায়বা হিরম অসিদা পাংথোক্কনি।

“অমৃত কাল: ভিজন@2047’দা ভারতকী অনা-লায়য়েংগী থবকশিং ফগৎহনবদা মপান লৈবাকশিংদা লৈরিবা ভারতমচাশিংগী থৌদাং” হায়বা হিরম অসিদা হেল্থ অমসুং ফেমিলি ৱেলফিয়ারগী মিনিস্তর দোক্তর মনসুখ মন্দাবিয়ানা চিয়ার লৌদুনা অমসুং মপান থৌরমগী রাজ্য মন্ত্রী দোক্তর রাজকুমার রঞ্জন সিংহনা কো-চিয়ার ওইদুনা অনিশুবা প্লেনারি পাংথোক্কনি।
 

“ক্রাফ, ইন্সাং মথেলশিং অমসুং খুৎশা-হৈবগী খুৎথাংদা ভারতকী সোফ পৱার শীজিন্নবা” হায়বা হিরমদা মপান থৌরমগী রাজ্য মন্ত্রী শ্রীমতি মিনাক্সি লেখিনা চিয়ার লৌদুনা অহুমশুবা প্লেনারি পাংথোক্কনি।

“মালেমদা ভারতকী শিন্মীশিংগী তৌবা ঙম্বা-মপান লৈবাকশিংদা লৈরিবা ভারতমচাশিংগী থৌদাং” হায়বা হিরম অসিদা ইজুকেসনগী মিনিস্তর শ্রী ধর্মেন্দ্র প্রধান্না চিয়ার লৌদুনা মরিশুবা প্লেনারি পাংথোক্কনি।

 “লৈবাক শেমগৎপদা মপান লৈবাকশিংদা লৈরিবা ভারতমচা ওন্ত্রেপ্রেনিউয়রশিংগী মতেং লৌবা” হায়বা হিরম অসিদা ফাইনান্স মিনিস্তর শ্রীমতি নিরমালা সিতারমন্না চিয়ার লৌদুনা মঙাশুবা প্লেনারি পাংথোক্কনি।

প্লেনারি সেসনশিংদা শক্নাইরবা মপান লৈবাকশিংদা ভারতমচাশিং অখঙ-অহৈশিং শরুক য়াদুনা অখন্নবা খন্ন-নৈনবা থৌরমশিং পাংথোক্কনি।

চহি মরিগী মতুংদা অমসুং কোবিদ-১৯ লাইচৎ মতুংদা অহানবা ওইনা হকথেংন্না মীয়াম শরুক য়াদুনা ১৭শুবা প্রভাসি ভারতিয়া দিবস কনভেন্সন পাংথোক্কদবনি। ইকোন কোনবা প্রভাসি ভারতিয়া দিবস কনভেন্সন লাইচৎ মনুংদা ভর্চুএল ওইনা ২০২১দা পাংথোকখি।

থৌরম অসি প্রভাসি ভারতিয়া দিবস কনভেন্সনগী ৱেবসাইত http://www.pbdindia.gov.in অমসুং https://www.youtube.com/user/MEAIndiaদা ৱেবকাস্ত লাইফ শন্দোক্কনি।

*****