প্রধানমন্ত্রীগী লোইশঙ
প্রধান মন্ত্রীনা য়ু.কেগী নিংথৌ চার্লেস ৩গা তেলিফোন্দা ৱারি শানখ্রে
Posted On:
03 JAN 2023 7:03PM by PIB Imphal
ঙসি প্রধান মন্ত্রী শ্রী নরেন্দ্র মোদীনা য়ু.কেগী নিংথৌ চার্লেস ৩গা তেলিফোন্দা ৱারি শানখ্রে।
মহাক্না য়ু.কেগী নিংথৌ ওইরবা মতুংদা প্রধান মন্ত্রীগা ৱারি শানবা মসিনা অহানবনি অমসুং মাইপাক্না পান্নবা প্রধান মন্ত্রীনা নিংথৌগী মফমদা মহাক্কী য়াইফ-পাউজেল পীখি।
ৱারি শানবা অদুদা ক্লাইমেত এক্সন, অকোয়বগী ফিবম ঙাক-শেনবা, ইনর্জি-ত্রান্সসিসনগী শেন থাদনবা অনৌবা পাম্বৈশিংগী য়াওনা নাকল অনিনা দরকার ওইবা হিরম কয়া খন্নখি। হায়রিবা ৱাফমশিং অদুদা নিংথৌনা থৱায় য়াওবগীদমক প্রধান মন্ত্রীনা থাগৎপা ফোঙদোকখি।
ভারতনা জি-২০গী প্রসিদেন্ত ওইগদৌরিবগী মতাংদা অমসুং মীয়ামগী দিজিতেলগী পোৎ-চৈশিং শীজিন্নবগী মতাংদা প্রধান মন্ত্রীনা নিংথৌদা খঙহনখি। মিসন লাইফ-লাইফস্তাইল ফোর ইনভাইরোনমেন্তগী খুৎথাংদা অকোয়গী ফিবম শোকহন্দবা পুন্সি মহিংশিং য়োকখৎনবা ভারতনা হোৎনরিবশিংগী মতাংদসু প্রধান মন্ত্রীনা শন্দোক্না তাকখি।
লুচিংবা অনিনা কম্মনৱেল্থ লৈবাকশিংগী মতাংদা অমসুং মসি কমদৌনা মখা তানা মপাঙ্গল কনখৎহনগদগে হায়বগী মতাংদা মখোয়গী ওইবা ৱাফমশিং ফোঙদোক্নখি। লৈবাক অনিমক্কী ‘অহিংবা থোঙ’ অমা ওইনা য়ু.কেদা ভারতমচাশিংনা লৌরিবা থৌদাং অমসুং নাকল অনিগী মরীশিং ফগৎহল্লিবা অসি লুচিংবশিংনা থাগৎখি।
*****
(Release ID: 1888418)
Visitor Counter : 124
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Tamil
,
Telugu
,
Kannada
,
Malayalam