সিদ্যুল ত্রাইব (এস.তি.)না ভারতকী মীশিংগী চাউরাক্না ৮.৬% ওইদুনা মীশিং করোর ১০.৪রোম ওইরি‍। ভারতকী সংবিধানগী আর্তিকল ৩৪২গী মখাদা নোতিফাইদ তৌরবা সিদ্যুল ত্রাইব ৭৩০ হেন্না লৈ‍। প্রধান মন্ত্রী, শ্রী নরেন্দ্র মোদীগী ‘সবকা সাথ, সবকা বিকাস, সবকা বিস্বাস অমদি সবকা প্রয়াস’ মীৎয়েঙ পরিংদা, ভারত লৈঙাক্না ত্রাইবশিং চাওখৎহনবা অমদি মখোয়গী হেরিতেজ অমদি কলচরবু মরুওবা মীৎয়েঙ থমদুনা য়োকখৎপদা মীৎয়েঙ চঙলি‍।

ত্রাইবেল এফ্যার্স মন্ত্রালয় (মোতা), হায়রিবা ভিজন অসিগী পরিংদা অমদি ত্রাইবেলশিংগী য়াইফনবগী ফিরেপ মখা শমথদুনা, শেলথুমগী রিসোর্স হেন্না কাইথোক্তুনা, পুন্না হোৎনমিন্নদুনা, মন্ত্রালয়গী প্লানিং অমদি ইমপ্লিমেন্তেসন মেকানিজম নৌনা শেমদোক শাদোক্তুনা সেক্তোরেল দিভেলপমেন্ত পুরক্নবা হোৎনরি‍।

ইং ২০২২ মনুংদা ত্রাইবেল এফ্যার্স মন্ত্রালয়গী অচৌবা মায় পাকখিবশিং মখাদা পীরি:

· ত্রাইবেল এফ্যার্স মন্ত্রালয়গী ওইনা ২০২২-২৩গী লুপা করোর ৮৪৫১গী বজেৎ আউতলেদা ১২.৩২% হেনগৎলে

শেনবা চহি ২০২২-২০২৩গী বজেৎ আউতলেনা, ত্রাইবেল এফ্যার্স মন্ত্রালয়গী অপুনবা বজেৎ আউতলে ২০২১-২০২২দা লুপা করোর ৭৫২৪.৮৭ ওইরম্বদগী ২০২২-২০২৩দা লুপা করোর ৮৪৫১.৯২দা হেনগৎহন্দুনা, ১২.৩২% হেনগৎহল্লে‍।

মমাঙ চহিদা লুপা করোর ৭৮,২৫৬ লৈরম্বদগী হন্দক্কী চহিদা লুপা করোর ৮৭,৫৮৪গী শেনফম সিদ্যুল ত্রাইব কম্পোনেন্ত ওইনা খাক্লে‍। কেন্দ্রগী মন্ত্রালয় ৪১না হায়রিবা শেনফম অসি এস.তি.শিংগী য়াইফনবা অমদি ত্রাইবেল মফমশিংদা চাওখৎপা পুরক্নবগীদমক শীজিন্নবা মথৌ তাই‍।

• এপ্রিল ১, ২০২২দগী দিসেম্বর ৩১, ২০২২ ফাওবদা ত্রাইবেল ৱফ্যার্স মন্ত্রালয়না ত্রাইবেল মহৈরোয় লাখ ২৬.৩৭তা স্কোলারসিপ য়েন্থোকখ্রে‍।
• ত্রাইবেল এফ্যার্স মন্ত্রালয়না প্রি-মেত্রিক স্কোলারসিপ ফোর এস.তি. স্তুদেন্তস, পোস্ত মেত্রিক স্কোলারসিপ ফোর এস.তি. স্তুদেন্তস, নেস্নেল ফেলোসিপ স্কীম ফোর হাইয়র এজুকেসন ফোর এস.তি. স্তুদেন্তস, নেস্নেল স্কোলারসিপ স্কীম ফোর হাইয়র এজুকেসন ফোর এস.তি. স্তুদেন্তস (তোপ ক্লাস), মপান্দম মহৈ তম্নবগীদমক নেস্নেল ওভরসীস স্কোলারসিপ ফোর এস.তি. স্তুদেন্তস হায়রিবা তোঙান তোঙানবা স্কীমশিংগী মখাদা এপ্রিল ১, ২০২২দগী দিসেম্বর ৩১, ২০২২ ফাওবদা মহৈরোয় ২৬৩৭৬৬৯দা লুপা করোর ২১৪৯.৭০গী শেনফম য়েন্থোকখ্রে‍।

(স্কোলারসিপশিংগী মচা খায়বা ৱারোল এনেক্সচর ১দা পীরি)

• ভারতকী রাস্ত্রপতী শ্রীমতী দ্রৌপদী মুরমুনা লমজিংদুনা জঞ্জাতিয় গৌরব দিবস ২০২২ পাঙথোকখি

চহি অসিগী নবেম্বরদা জঞ্জাতিয় গৌরব দিবস পাঙথোকপদা ভারতকী রাস্ত্রপতী শ্রীমতী দ্রৌবদী মুরমুনা লমজিংখি‍। নবেম্বর ১৫দা পাঙথোকখিবা জঞ্জাতিয় গৌরব দিবস্তা রাস্ত্রপতীনা ঝার্খন্দগী খুন্তী দিস্ত্রিক্ততা লৈবা উলিহাতু খুঙ্গংদা (ভগবান বির্সা মুন্দাগী পোক্নফম লমদম) চৎখি, অমদি মফমদুদা লৈ কৎখি‍।

খুঙ্গংশিং অমদি মনুং হঞ্জিনবা মফমশিং য়াওনা কাস্মিরদগী কন্যাকুমারী ফাওবা অমদি গুজরাত্তগী অরুনাচল প্রদেশ ফাওবদা তোঙান তোঙানবা থৌরমশিং থৌরাং তৌখি‍। স্তেত পুম্নমক্কী স্তেত কোনুংদা নহাশিংগী মার্চ অমদি ত্রাইবেল আর্তিস্তশিংগী পর্ফোর্মেন্সশিং পাঙথোকপা; কল্চরেল প্রোগ্রামশিং, সেমিনার/ৱর্কসোপনচিংব থৌরম কয়া পাঙথোকখি; স্তেত লৈঙাকশিং অমদি স্তেত ত্রাইবেল রিছর্চ ইনস্তিত্যুৎশিংগা খুৎশম্নরগা লৈবাক শিনবা থুংনা এসে, ঈশৈ-নোংমাই, জগোয়, শান্ন-খোৎনবা, অমদি লাই য়েকপা চাংদম্নবা, স্বছ্চতা কেম্পেনশিংসু পাঙথোকখি‍।

· জঞ্জাতিয় গৌরব দিবস ২০২২দা উপ-রাস্ত্রপতী অমদি রাজ্য সভাগী চেয়রমেন শ্রী জগদীপ ধনকরনা লৈ কৎখি

উপ-রাস্ত্রপতী অমদি রাজ্য সভাগী চেয়রমেন, শ্রী জগদীপ ধনকরনা অতৈ পার্লিয়ামেন্তরিয়নশিং অমদি ত্রাইবেল এফ্যার্স মন্ত্রালয়গী ওফিসিএলশিংগা লোয়ননা জঞ্জাতিয় গৌরব দিবসতা, নবেম্বর ১৫, ২০২২দা পার্লিয়ামেন্ত হাউসতা মমিং লৈরবা ত্রাইবেল নীংতম লান্মী, ভগবান বির্সা মুন্দাগী মফমদা লৈ কৎখি‍।

• নেস্নেল এজুকেসন সোসাইতী ফোর ত্রাইবেল স্তুদেন্তসনা য়াম্লবা থৌরমশিং পাঙথোকখি‍।

1. ই.এম.আর.এস. উরেপ উয়ুং তম্বা অমদি শঙ্গাবগী থৌরম

ইং ২০২২-২৩দা কেন্দ্র অমদি স্তেতকী থাক্কী দিগ্নিতরীশংনা ই.এম.আর.এস. ২০গী উরেপ উয়ুং তমখি‍। হায়রিবা স্কুলশিং অসি স্তেত ৬গী দিস্ত্রিক্ত ১৪দা লিংখৎপনি‍। স্কুল ২০ অসিগী মনুংদা নগালেন্দদা ১১, ওরিসাদা ৫ অদুগা গুজরাত, মধ্য প্রদেশ, মহারাস্ত্র, অমদি মনিপুরদা অমমম্নি‍। হায়রিবা স্কুলশিং অসি লৈবাকসিগী খ্বাইদগী মনুং হঞ্জিনবা অমদি উমংগীম ফমশিংদা লৈবনি‍। (লিস্ত এনেক্সচর ২দা পীরি)

ভারতকী রাস্ত্রপতী, শ্রীমতী দ্রৌপদী মুরমুনা নগালেন্দদা এস.এম.আর.এস. ১০গী উরেপ উয়ুং তম্বা

ত্রাইবেল এফ্যার্সকী কেন্দ্র মন্ত্রী শ্রী অর্জুন মুন্দানা মহারাস্ত্রগী সুরগুনাদা ই.এম.আর.এস. উরেপ উয়ুং তম্বা

ভারতকী খোঙজেল লৈবা চহি ৭৫ অমদি মাগী মীয়ামগী নীংথিরবা পুৱারী, কলচর অমদি ফংবা ঙমখিবশিং সেলেব্রেৎ তৌননবা ভারত লৈঙাক্কী থৌরাং অমা ওইরিবা, অজাদী কা অমৃৎ মহোৎসবকী শরুক অমা ওইনা ২০২২-২৩দা কেন্দ্র অমদি স্তেতকী থাক্কী দিগ্নিতরীশিংনা ই.এম.আর.এস. শঙ্গাখি‍। শঙ্গাখিবা স্কুল ১২সিগী মনুংদা, অন্ধ্র প্রদেশতা স্কুল ৪ শঙ্গাখি, অরুনাচল প্রদেশ অমদি কেরলাদা স্কুল ২/২ শঙ্গাখি, অমদি গুজরাত, সিক্কিম, তামিল নাদু, অমসুং তেলঙ্গনাদা অমমম শঙ্গাখি‍। (লিস্ত এনেক্সচর ৩দা পীরি)

2. কলচরেল মীত ২০২২

নেস্নেল এজুকেসন সোসাইতী ফোর ত্রাইবেল স্তুদেন্তস (এন.ই.এস.তি.এস.)না কর্নাতকাগী বেঙ্গলুরুদা ওক্তোবর ৩১দগী নবেম্বর ২ ফাওবা ই.এম.আর.এস. কল্চরেল ফেস্তিবেল পাঙথোকখি‍। ইকায়খুম্নরবা ত্রাইবেল এফ্যার্সকী রাজ্য মন্ত্রী, শ্রীমতী রেনুকা সিংহ সরুতানা হায়রিবা থৌরম অদুদা অথোইবা মীথুং ওইখি‍।

3. ই.এম.আর.এস. স্পোর্তস মীৎ ২০২২

ই.এম.আর.এস. স্পোর্তস মীৎ ২০২২গী ৩শুবা ইদিসন দিসেম্বর ১৭-২২, ২০২২দা পাঙথোকখি‍। থৌরম অদু অথোইবা মীথুং ওইখিবা ত্রাইবেল এফ্যার্সকী রাজ্য মন্ত্রী শ্রীমতী রেনুকা সিংহ সরুতানা হৌদোকখি‍। খেলো ইন্দিয়াগী ৱাখল্লোন উত্তুনা, ই.এম.আর.এস. স্পোর্তস মীৎনা মহৈরোয়শিংগী মরক্তা শান্ন-খোৎনবদা শরুক য়ানবগী অকনবা ইহুল অমা হাপ্তুনা ত্রাইবেল মহৈরোয়শিংদা মহৌশানা য়াওজরকপা অমদি হৈ শিংজবা শান্ন-খোৎনবগী কল্লবা মতিংবু উত্থোকপদা চাউনা মতেং ওইরগনি‍।

4. নেস্নেল এৱার্দ্স তু ই.এম.আর.এস. তীচর

ভারতকী রাস্ত্রপতী, শ্রীমতী দ্রৌপদী মুরমুনা নই দিল্লীগী বিজ্ঞান ভবন্দা পাঙথোকপা থৌরমদা সিক্কিমগী এক্লব্যা মোদেল রেসিদেন্সিএল স্কুল (ইধ.এম.আর.এস.) গেংয়েপকী মতিং লৈবা অমদি তোপ তোপ্পা প্রিন্সিপাল, শ্রী সিদার্থ য়োনজোন্দা নেস্নেল তীচর এৱার্দ – ২০২২ লান্থোকখি‍। শ্রী সিদার্থ য়োনজোন্না এস.এম.আর.এস. গেংয়েপকী থাক ৱাংখৎহন্নবা শিংথানিংঙাই ওইবা মওংদা থৌদাং লৌদুনা মহাক্কী শিন্ফমদা লেপ্লিবা খোঙফম অমদি পুক্নং লুপ্পা মতৌ উৎখি অমদি স্কুল অদুবু অনৌবা পন্দোল অমা য়ৌনা পুখৎখি‍। মহাক ফিদম্নিংঙাই ওইরবা মনা অসি ফংখিবা ই.এম.আর.এস. স্কুলগী ওজা অহুমসুবনি, অতোপ্পা অনিদুনা এক্লব্যা মোদেল রেসিদেন্সিএল স্কুল, কর্পাৱন্দ, কর্পাৱন্দ, বকাৱন্দ, বস্তর, ছত্তিসগরগী লেকচরর শ্রী প্রমোদ কুমার সুক্লা (২০২১), অমদি এক্লব্যা মোদেল রেসিদেন্সিএল স্কুল, জোগ্লা, কাল্সি, দেহরাদুন, উত্তরাখন্দগী ভাইস-প্রিন্সিপাল শ্রীমতী সুধা পাইনুলি (২০২০)নি‍।

• ঝার্খন্দ, ত্রিপুরা, উত্তর প্রদেশ, তামিল নাদু, কর্নাতকা, হিমাচল প্রদেশ, অমদি ছত্তিসগর স্তেতশিংগী এস.তি. লিস্ততা অকক্নবা ফুরুপশিং হাপচিন্নবা এস.সি./এস.তি.গী লিস্ত শেমদোকপা‍।

১. ফুরুপশিং সিদ্যুলিং তৌনবগী নোতিফিকেসনশিং

২. পার্লিয়ামেন্তকী হাউস অনিমক্না পাস তৌখ্রবা অদুবু ইকায়খুম্নরবা রাস্ত্রপতীনা অয়াবা পীনবা ঙাইরিবা বিল

৩. পার্লিয়ামেন্ততা পন্দুনা লৈরিবা বিলশিং

• হোম এফ্যার্স এন্দ কোওপরেসনগী মন্ত্রী শ্রী অমিত সাহনা নই দিল্লীদা নেস্নেল ত্রাইবেল রিছর্চ ইনস্তিত্যুৎ শঙ্কাবা

ত্রাইবেল এফ্যার্স মন্ত্রালয়না অজাদী কা অমৃৎ মহোৎসব পাঙথোক্লিবসিগী শরুক অমা ওইনা হোম এফ্যার্স এন্দ কোওপরেসনগী কেন্দ্র মন্ত্রী শ্রী অমিত সাহনা জুন ৭, ২০২২দা নই দিল্লীদা নেস্নেল ত্রাইবেল রিছর্চ ইনস্তিত্যুৎ শঙ্গাখি‍।

এন.তি.আর.আই. অসি মাঙজিল থাবা অমদি মকোক ওইবা লৈবাক্কী থাক্কী ইনস্তিত্যুৎ অমনি, অদুগা ত্রাইবেলশিংগা মরী লৈনবা ৱাফমশিং, একাদমিক, একজেক্যুতিব অমদি লেজিস্লেতিব ফীল্দদা লৈরিবা ইসু অমদি ৱাফমশিংগী মতাঙদা নৈননবা মফম অমা ওইনা শেমগৎপনি‍। মসিনা অতৈ মমিং লৈরবা রিছর্চ ইনস্তিত্যুৎশিং, য়ুনিভর্সিতীশিং, ওর্গনাইজেসন লোয়ননা একাদমিক বোদীশিং অমদি রিসোর্স সেন্তরশিংগা খুৎশম্ননা চৎমিন্নৈ অমদি মরী থম্মী‍। মসিনা ত্রাইবেল রিছর্চ ইনস্তিত্যুৎ (তি.আর.আই.) ২৭, সেন্তর ওফ এক্সেলেন্স (সি.ও.ই.), এন.ই.এস.তি.এস.কী রিছর্চ স্কোলরশিংগী প্রোজেক্তশিংসু য়েংশিল্লি অমদি থিজিন হুমজিনবা অমদি ত্রেনিংগী ক্বালিতী ফগৎহন্নবা কাঙলোনশিং শেম্মী‍।

• জুলাই ২৩, ২০২২দা পাঙথোকপা সিদ্যুল ত্রাইব এম.পি.শিং য়াওবা থৌরম অমদা ত্রাইবেল এফ্যার্স মন্ত্রালয়না ত্রাইবেল পদ্ম এৱার্দীশিংবু ওকখিবা

শ্রীমতী দ্রৌবদী মুরমুনা পুৱারী ওইবা মওংদা মায় পাকখিবা, ভারতকী ১৫শুবা রাস্ত্রপতী ওইরকপবু সেলেব্রেৎ তৌরদুনা, ত্রাইবেল এফ্যার্স মন্ত্রালয়না জুলাই ২৩, ২০২২দা নই দিল্লীদা লৈবা নেস্নেল ত্রাইবেল রিছর্চ ইনস্তিত্যুৎতা লৈবাক পুম্বদগী ত্রাইবেল পদ্ম এৱার্দীশিং অমদুং পার্লিয়ামেন্তকী সিদ্যুল ত্রাইব মেম্বরশিংবু তরাম্না ওকখ‍ি‍।

• সংবিধানগী আর্তিকল ২৭৫(১)গী মখাদা পীবা গ্রান্তশিং

সংবিধানগী আর্তিকল ২৭৫(১)দা পীরিবা প্রোভিজনগী প্রোগ্রামগী মখাদা, এস.তি. লৈবা স্তেত ২৬তা সিদ্যুল এরিয়াশিংদা এদমিনিস্ত্রেসনগী থাক ৱাংখৎহন্নবা অমদি ত্রাইবেল মীয়ামগী য়াইফ-থৌরাং পায়খৎনবগীদমক্তা গ্রান্ত থাদরি‍। মসি স্পিসিএল এরিয়া প‌রোগ্রাম অমনি, অদুগা ১০০% গ্রান্ত স্তেতশিংদা পী‍। ফন্দশিং অসি মহৈ মশিং, হকশেল, স্কিল হেনগৎহনবা, পুন্সি হিংনবগী লম্বী, থক্নবা ঈশিং অমদি সেনিতেসন্নচিংবা লমশিংদা ইনফ্রাস্ত্রকচরগী থবক থৌরমশিং পায়খৎপদা লৈরিবা অহোবা মেনশিন্নবগীদমক এস.তি. মীয়ামগী মথৌ তাবগী মখা পোন্না স্তেত লৈঙাকশিংদা থাদোকপনি‍।

• কেন্দ্রগী মন্ত্রালয়/ দিপার্তমেন্ত ৪২বু ত্রাইবেলশিং চাওখৎহন্নবগীদমক চহি খুদিংগী দি.এ.পি.এস.তি./তি.এস.পি. ফন্দ ইয়রমার্ক শোয়দনা তৌনবা ৱাফম থমখ্রে

ভারতকী সংবিধানগী আর্তিকল ৩৪২গী মখাদা নোতিফাইদ তৌরবা সিদ্যুল ত্রাইব ৭৩০গী মথক্তা লৈবাকসিগী তোঙান তোঙানবা স্তেতশিং অমদি য়ুনিয়ন তেরিতরীশিংদা (য়ু.তি.) শন্দোক্তুনা লৈ‍। খ্বাইদগী নৌবা চৎন-পথাপকী মতুং সন্না, ত্রাইবেল এফ্যার্স মন্ত্রালয়গী মথক্তা, কেন্দ্রগী মন্ত্রালয় / দিপার্তমেন্ত ৪১না মখোয়গী অপুনব স্কীম এলোকেসনগী অকক্নবা পর্সেন্তেজ খরা চহি খুদিংগী দি.এ.পি.এস.তি. ফন্দ ওইনা ইয়রমার্ক তৌরি‍। দি.এ.পি.এস.তি. ফন্দশিং অসি তৌফম থোকপা কেন্দ্রগী মন্ত্রালয়শিং/ দিপার্তমেন্তশিংনা লৈবাকসিগী সিদ্যুল ত্রাইবশিংগী সোসিও-ইকনমিক দিভেলপমেন্তকী খোঙজেল য়াঙখৎহন্নবগীদমক মহৈ মশিং, হকশেল, লৌউ-শিংউ, ঈথৈ-লৌখোং, লম্বী, য়ুম, থক্নবা ঈশিং, মৈ ফংহনবা, থবক পীবা, স্কিল হেনগৎহনবনচিংবা হীরমশিংগী মরী লৈনবা তোঙান তোঙানবা চাওখৎ থৌরাংগী প্রোজেক্তশিংগীদমক মখোয়গী স্কীমশিংগী মখাদা শীজিন্নৈ‍। মখা তানা, স্তেত লৈঙাকশিংনসু অপুনবা স্তেত প্লান্দা স্তেত অদুগী এস.তি. মীশিংগা (সেন্সন ২০১১) চুননা ত্রাইবেল সব প্লান (তি.এস.পি.) ফন্দ খাক্তুনা থমগদবনি‍।

• ত্রাইবেল এফ্যার্স মন্ত্রালয়না ওগস্ত ৯, ২০২২দা 'সম্বাদ' কৌবা ই.এম.আর.এস. ৩৭৮গী মহৈরোয়শিংগা কেন্দ্র মন্ত্রী শ্রী অর্জুন মুন্দাগা ভর্চুএল ওইনা ৱারী ৱাতায় শানবগী থৌরম অমা শিনখি

ত্রাইবেল এফ্যার্স মন্ত্রালয়না নই দিল্লীদা লৈবা নেস্নেল ত্রাইবেল রিছর্চ ইনস্তিত্যুৎতা ওগস্ত ৯, ২০২২ ইন্তরনেস্নেল দে ওফ দি ৱর্ল্দ্স ইন্দিজিনস পীপল্স থৌরমদা ‘সম্বাদ’ কৌবা এক্লব্যা মোদেল রেসিদেন্সিএল স্কুলশিংগী মহৈরোয়শিংগা ত্রাইবেল এফ্যার্সকী ইকায়খুম্নরবা কেন্দ্র মন্ত্রী শ্রী অর্জুন মুন্দা অমদি ত্রাইবেল এফ্যার্স অমসুং জল শক্তিগী ইকায়খুম্নরবা রাজ্য মন্ত্রী শ্রী বিসেস্বর তুরুগা ভর্চুএল ওইনা ৱারী ৱাতায় শানবগী থৌরম অমা পাঙথোকখি‍। ই.এম.আর.এস. ৩৭৮না ইন্তরেক্সন সেসন অদুদা ভর্চুএল ওইনা শরুক য়াখি‍।

• খুন্তিদা মেগা হেল্থ কেম্প পাঙথোকখি, মীওই ৬০,০০০ হেন্না শরুক য়াখি

ত্রাইবেল এফ্যার্স মন্ত্রালয়, অয়ুস মন্ত্রালয় অমদি লোকেল এদমিনিস্ত্রেসন্না পুন্না জুন ২৬, ২০২২দা ঝার্খন্দদা মেগা হেল্থ কেম্প অমা পাঙথোকখি‍। লৈবাক পুম্বদগী দোক্তর ৩৫০ হেনবনা ত্রাইবেল মীওই ৬০,০০০ হেনববু সিকল সেল লায়না, এনেমিয়া, অমদি অতৈ লায়নাশিং লায়েংনবগীদমক তিনখি‍। হকশেলগী মেলা অদুদা, দোক্তরশিংনা মীয়ামবু লেম্না লায়েংখি অমদি হিদাক লাংথক লেম্না য়েন্থোকখি‍।

• কেন্দ্র মন্ত্রী শ্রী অর্জুন মুন্দানা পালঘরদা 'মন্থন সিবির' হৌদোকখি

ইকায়খুম্নরবা ত্রাইবেল এফ্যার্সকী কেন্দ্র মন্ত্রী শ্রী অর্জুন মুন্দানা জুলাই ১৪, ২০২২দা মহারাস্ত্রগী পালঘরদা ত্রাইবেল ফুরূপশিং মপাঙ্গল কলহন্নবা, য়াইফহন্নবা, অমদি চাওখৎহন্নবগীদমক নুমিৎ নিনিগী ওইবা সিম্পোজিয়ম ‘মন্থন সিবির’ হৌদোকখি‍। ইকায়খুম্নরবা ত্রাইবেল এফ্যার্সকী রাজ্য মন্ত্রী শ্রী বিসেস্বর তুরুসু থৌরম অদুদা শরুক য়াখ‍ি‍।

সিম্পোজিয়ম অদুনা এক্লব্যা মোদেল রেসিদেন্সিএল স্কুলশিং, স্তেত ফীস ফিক্সেসন কম্মিতী, গ্রান্ত দিপার্তমেন্ত অমদি নীংতম লান্মী ভগবান বির্সা মুন্দাগী মপোক কুমওন্দা ‘জঞ্জাতিয় গৌরব দিবস’ পাঙথোকখিবা ত্রাইবেল ম্যুজিয়ম্না অজাদী কা অমৃৎ মহোৎসবগী মখাদা পাঙথোকখিবা তোঙান তোঙানবা থৌরমশিংদা মীৎয়েঙ থমখি‍। মদুদা সিদ্যুল ত্রাইব কম্পোনেন্ত (https://stcmis.gov.in/), ত্রাইবেল মীয়ামগী হকশেল অমদি মহৈ মশিংগী মরমদা খন্নবসু য়াওখ‍ি‍।

মহারাস্ত্রগী মথক্তা, জম্মু, কাস্মির, বিহার, ছত্তিসগর, হিমাচল প্রদেশ, মধ্য প্রদেশ, রাজস্থান, উত্তর প্রদেশ, গোৱা, ঝার্খন্দ, ৱেস্ত বেঙ্গল, মনিপুর, ত্রিপুরা, গুজরাত, দদ্রা অমসুং নগর হবেলি, অসাম, মিজোরম, মেঘালয়, অরুনাচল প্রদেশ, সিক্কিম, নগালেন্দ, অন্ধ্র প্রদেশ, তামিল নাদুদগী ত্রাইবেল ৱেলফ্যার দিপার্তমেন্তশিংগী মীহুৎশিংনা সিম্পোজিয়ম অদুদা শরুক য়াখি‍।

• ত্রাইবেল এফ্যার্স মন্ত্রালয়না ফেব্রুৱারী ১৭, ২০২২দা মশক মচু হেন্না থোক্না তেলঙ্গনাগী স্তেত ফেস্তিবেল ওফ মেদারাম জথারাদা ঙাক্লৌ পীখি

অজাদী কা অমৃৎ মহোৎসবকী মখাদা, ভারত লৈঙাক্না ত্রাইবেল কলচর অমদি হেরিতেজ অসি ২০২২গী মীৎয়েংফম ওইগনি হায়না লাউথোকখি‍। মেদারাম জথারা লাইরেম্বী সম্মাক্কা অমদি সরলম্মাবু খুরুমজদুনা পাঙথোকপনি‍। মসি “মাঘ” (ফেব্রুৱারী) থাগী থানিল নুমিত্তা চহি অনিগী মনুংদা অমুমুক পাঙথোকপনি‍। তোঙান তোঙানবা খুঙ্গংশিংদগী এস.তি. মীওই কয়া মফমদুদা তিল্লী, অমদি লাই খুরুম্বা লাকপা মীওই লাখ কয়ানা কুমহৈ অসিবু হরাও তয়াম্না পাঙথোক্নবগীদমক মুলুগু দিস্ত্রিক্তা চৎলি‍।

ত্রাইবেল এফ্যার্স মন্ত্রালয়না মেদারাম জথারা ২০২২গা মরী লৈননা পাঙথোক্কদবা তোঙান তোঙানবা থৌরমশিংগীদমক লুপা করোর ২.২৬ কাইথোকখি‍। মেদারাম জথারা অসি তেলঙ্গনাগী অনিসুবা খ্বাইদগী চাউবা ত্রাইবেল ফুরুপ কোয়া ত্রাইবনা নুমিৎ মরিনি চুপ্না পাঙথোকপা ভারতকী অনিসুবা খ্বাইদগী চাউবা মেলা অমনি‍। ত্রাইবেল এফ্যার্স মন্ত্রালয়না লেপ্পা নাইদনা কুমহৈ অসিদা ঙাক্লৌ পীদুনা তেলঙ্গনাগী ত্রাইবেল ফুরূপশিংগা মফমদুদা লাক্লিবা মীয়ামগা অনিগী মরক্তা খঙবা হেনগৎহন্নবা অমদি অচেৎপা মরী অমা শাগৎনবা পান্দম থম্লি‍। মসিগী মথক্তা, মসিনা ত্রাইবেলশিংবু মখোয়গী তোপ তোপ্পা ত্রাইবেলগী চৎনবী, নাৎ, পারী পুরীগী লন ঙাক শেন্দুনা থম্বদা মতেং পাংই অমদি মখোয়গী ত্রাইবেল পুৱারীবু মালেমগী থাক্তা য়োকখৎলি‍।

• ২০২২ মনুংদা ফোরেস্ত রাইতস এক্ত (এফ.আর.এ.)গী এচীবমেন্তশিং: দি সিদ্যুল ত্রাইব্স এন্দ অদর ত্রেদিস্নেল ফোরেস্ত দ্বেলর্স (রিকোগনিসন ওফ ফোরেস্ত রাইতস) এক্ত, ২০০৬

জম্মু অমসুং কাস্মিরনা ফোরেস্ত রাইতস এক্ত চৎনহনবা হৌখ্রে‍।

ইকায়খুম্নরবা লেফ্তনেন্ত গবর্নর শ্রী মনোজ সাহনা ত্রাইবেল ইমুংশিংদা ফোরেস্ত রাইতস এক্তকী মখাদা মিংথোলশিং পীখ্রে

স্তেত লৈঙাকশিংদগী ফংবা ইনফোর্মেসনগী মতুং ইন্না, ৩০.০৬.২০২২ ফাওবদা, ফোরেস্ত রাইতস ক্লেম ৪৪,৪৬,১০৪ (লনাই ক্লেম ৪২,৭৬,৮৪৪ অমদি কম্ম্যুনিতী ক্লেম ১,৬৯,২৬০) ফাইল তৌখ্রে অমদি তাইতল ২২,৩৫,৮৪৫ (লনাই তাইতল ২১,৩৩,২৬০ অমদি কম্ম্যুনিতী তাইতল ১,০২,৫৮৫) য়েন্থোকখ্রে অমদি উমংগী লম একর ১,৬০, ৩০,৬৪০.৬৮ (লনাইগী ৪৫,৪৮,১১৯ অমদি কম্ম্যুনিতীগী ১,১৪,৮২,৫২১) কোনশিল্লি‍। এস.তি. এন্দ অদর ত্রেদিস্নেল ফোরেস্ত দ্বেলর্স (রিকোগনিসন ওফ ফোরেস্ত রাইতস)এক্ত, ২০০৬কী মখাদা ক্লেম ৩৯,০৯,৬৮৮ (৮৭.৯৪%) দিসপোজ তৌখ্রে‍।

কেলেন্দর চহিসিগী মনুংদা, এফ.আর.এ. মওং চুম্না অমদি খুৎলৈ থুনা চৎনহন্নবগীদমক স্তেত লৈঙাকশিংগা ২১.১০.২০২২দা ত্রাইবেল এফ্যার্স মন্ত্রীনা থৌরম মপু ওইদুনা মীফম অমা পাঙথোকখি‍।

• দিজিতেল ওন্ত্রপ্রিন্যুরসিপকী খুত্থাঙদা ত্রাইবেল ফুরূপশিংগী থাক ৱাংখৎহন্নবা গোল প্রোগ্রামগী অনিসুবা তাঙ্কক জুন ২৮, ২০২২দা হৌদোকখ্রে

ত্রাইবেল এফ্যার্স মন্ত্রী শ্রী অর্জুন মুন্দানা গোইং ওনলাইন এস লীদর্স (গোল) প্রোগ্রামগী অনিসুবা তাঙ্কক হৌদোকখ্রে‍। প্রোগ্রাম অসি ত্রাইবেল এফ্যার্স মন্ত্রালয় অমদি মেতা (ফেসবুক) পুন্না পায়খৎমিন্নবা থৌরাং অমনি‍। গোল ২.০ ইনিসিএতিবনা লৈবাকসিগী ত্রাইবেল ফুরূপশিংগী মরক্তা ওন্ত্রপ্রিন্যুরসিপ য়োকখত্তুনা নহা লাখ ১০ দিজিতেল ওইনা অপস্কিল তৌনবা অমদি দিজিতেল তেক্নোলোজী শীজিন্নদুনা মখোয়গীদমক খুদোংচাবশিং হাংদোক্নবা পান্দম থম্লি‍।

• ত্রাইবেল ক্রাফ্ত, কলচর, কুইজিন অমদি কম্মর্সকী স্পিরিৎ সেলেব্রেৎ তৌনবা আদি বজার ভোপালগী ভোপাল হাত্তা হৌদোকখ্রে

ত্রাইবেলগী ওর্গানিক পোত্থোকশিং অমদি খুৎনা শেম শাবা পোৎলমশিং উৎপা মশক মচু নাইরবা একজিবিসন অমা ওইনা আদি বজার অমা মার্চ ২১, ২০২২দা ত্রাইফেদ চেয়রমেন, শ্রী রামসিন্হ রথ্বানা ত্রাইফেদকী ভাইস চেয়রমেন শ্রী পবিত্র কুমার কন্হার য়াওবা থৌরম অমদা ভর্চুএল ওইনা হৌদোকখি‍। নুমিৎ ১০নিগী ওইবা একজিবিসন অসি ভোপালদা লৈবা ভোপাল হাত্তা ২০২২গী মার্চ ২১ দগী মার্চ ৩০ ফাওবা পাঙথোকখি, অমদি লৈবাকসিগী স্তেত ১৫ মহুৎ শিন্দুনা স্তোল ৭০ হেন্না শরুক য়াখি‍।

আদি বজারশিং অসি, হৌখিবা চহি অনিসিদা খ্বাইদগী চাউনা চৈথেং নংলবা শোত্থহৌরবা ত্রাইবেলশিংগী পুন্সি হিংনবগী লম্বী ফগৎহন্নবা ত্রাইফেদনা হেন্না কন্না হোৎনরিবশিংগী শরুক অমনি‍।

• ইন্তরনেস্নেল ৱুমেন্স দে, মার্চ ৮, ২০২২দা ত্রাইফেদনা পুন্সি হিংনবগী লম্বী শেমবগী লমদা ত্রাইবেল নুপী ৭৬গী মায় পাকখিবশিংবু শকখঙখি

• শ্রী অর্জুন মুন্দানা ত্রাইফেদকী হনী ফার্মর প্রদ্যুসর ওর্গনাইজেসন (এফ.পি.ও.) ১৪ হৌদোকখি

• মহারাস্ত্রদা ত্রাইফেদনা জুন ১৪, ২০২২দা আদি চিত্র প্রোগ্রাম পাঙথোকখি‍।
• বন ধন বিকাস কেন্দ্র ৩২২৫ হৌজিক ফাওবদা সেংসন তৌখ্রে
• ত্রাইবেল এফ্যার্সকী কেন্দ্র মন্ত্রী শ্রী অর্জুন মুন্দানা জুন ২১, ২০২২দা ঝার্খন্দগী খুন্তিদা লৈবা বির্সা মুন্দা কলেজতগী আই.ৱাই.দি. পাঙথোকপা লমজিংখি

ভারত লৈঙাক্না জুন ২১, ২০২২দা ‘য়োগ ফোর হ্যুমেনিতী’ হারিবা থীম অসিদা য়ুম্ফম ওইদুনা ইন্তরনেস্নেল দে ওফ য়োগ (আই.ৱাই.দি.) ২০২২ পাঙথোকখি‍। ইন্তরনেস্নেল দে ওফ য়োগ ২০২২ চহি অসিদা ৭৫শুবা ‘অজাদী কা অমৃৎ মহোৎসব’কা চানননা পাঙথোকপনি‍। ৮শুবা আই.ৱাই.দি.বু অজাদী কা অমৃৎ মহোৎসবকা পুনশিন্দুনা, প্রধান মন্ত্রীনা য়োগ দিমোন্সত্রেৎ তৌখিবগা ইরোয়ননা কেন্দ্র মন্ত্রী ৭৫গী লুচিং মখাদা, লৈবাকসিগী মফম ৭৫দা মাস য়োগ দিমোন্সত্রেসন পাঙথোকখি‍।

• তাতা ইলেক্ত্রোনিক্স লিমিতেদ অমদি ত্রাইবেল এফ্যার্স মন্ত্রালয়না ঝার্খন্দকী দিস্ত্রিক্ত ৪দা এস.তি. নুপীমচাশিংগী মেকা রিক্রুইতমেন্ত দ্রাইব পাঙথোকখি

তাতা ইলেক্ত্রোনিক্স প্রাইভেৎ লিমিতেদনা ত্রাইবেল এফ্যার্স মন্ত্রালয়গী খুৎশম্নরগা, সেপ্তেম্বর ১৮-১৯, ২০২২দা খুন্তি, সরাইকেলা, চাইবসা অমদি সিমদেগাদা নুমিৎ নিনিগী ওইবা রিক্রুইতমেন্ত দ্রাইব অমা পাঙথোকখি‍। দ্রাইব অদু ইকায়খুম্নরবা প্রধান মন্ত্রীগী মপোক নুমিত্তা পাঙথোকখিবা সেবা পখৱারা থৌরমদা ত্রাইবেল এফ্যার্স মন্ত্রী শ্রী অর্জুন মুন্দানা হোৎনদুনা হৌদোকখিবনি‍।

থৌরাং অদুনা চাউনা রেসপোন্স ফংখি অমদি দিস্ত্রিক্তশিং অদুগী খুঙ্গংগী মফমশিংদগী নুপীমচা অমদি নহা ওইরিবা নুপী ২৬০০ হেনবনা রিক্রুইতমেন্ত দ্রাইব অদুদা শরুক য়াখি, মখোয়গী মনুংদা নুপীমচা ১৮৯৮ নুমিৎ নিনিদা খনখি‍।

• ত্রাইবেল এফ্যার্স মন্ত্রালয়না ঝার্খন্দগী সরাইকা খর্সাৱন্দা নোংমগী ওইবা মেগা হেল্থ কেম্প 'অবুৱা বুগিন হোদ্মো-ঐখোয়গী হেন্না ফবা হকশেল পাঙথোকখি

ত্রাইবেল এফ্যার্স মন্ত্রালয়না দিসেম্বর ৪, ২০২২দা সেরাইকেলা খর্সাৱন্দা নোংমগী ওইবা ফ্রী মেগা হেল্থ কেম্প – ‘অবুৱা বুগিন হোদ্মো’ (ঐখোয়গী হেন্না ফবা হকশেল) অমা মায় পাক্না পাঙথোকখি‍। মসিনা জুন, ২০২২দা খুন্তিদা মায় পাক্না পাঙথোকখিবা কেম্পকী মতুংদা স্তেত অদুগী ত্রাইবেল মীয়ামদা হেন্না ফবা হকশেলগী সর্ভিস পীখিবা মায় পাক্না পাঙথোকখিবা অনিশুবা হেল্থ কেম্পনি‍।

মেগা হেল্থ কেম্প অদু ত্রাইবেল খুন্নাইগী হেন্না ফবা হকশেল অমদি মরী লৈনবা ফেসিলিতীশিংদা মীৎয়েঙ থমদুনা, ত্রাইবেল এফ্যার্স মন্ত্রালয়, অয়ুস মন্ত্রালয়, এন.ঐচ.আর.এম., এম.ও.ঐচ.এফ.দব্লিউ., তাতা স্তীল ফাউন্দেসন, অমদি দিস্ত্রিক্ত এদমিনিস্ত্রেসন্না পুন্না শিনবনি‍। থৌরম অদুদা ত্রাইবেল এফ্যার্সকী কেন্দ্র মন্ত্রী শ্রী অর্জুন মুন্দা, ঝর্খন্দ লৈঙাক্কী ত্রান্সপোর্ত মন্ত্রী শ্রী চম্পাই সোরেন, এম.পি. (জমসেদপুর) শ্রী বুদ্যুৎ বরন মহাতোনা শরুক য়াখি‍।

• প্রধান মন্ত্রী আদি আদর্স গ্রাম য়োজনা (পি.এম.এ.এ.জি.ৱাই.): ত্রাইবেলনা নম্না তাবা খুঙ্গংশিং পুনশিন্দুনা পুন্না চাওখৎমিন্নবা

ত্রাইবেল এফ্যার্স মন্ত্রালয়না হান্নগী স্কীম ‘স্পিসিএল সেন্ত্রেল এসিস্তেন্স তু ত্রাইবেল সব-স্কীম (এস.সি.এ. তু তি.এস.এস.)বু ‘প্রধান মন্ত্রী আদি আদর্স গ্রাম য়োজনা (পি.এম.এ.এ.জি.ৱাই.’ হায়না মমিং থোন্দুনা ২০২১-২২দগী ২০২৫-২৬ ফাওবা পায়খৎনবা নৌনা শেমদোকখ্রে, অমদি মসিনা ত্রাইবেল মীশিং চাউরাক্না করোর ৪.২২রোম (ত্রাইবেল মীশিংগী চাউরাক্না ৪০% রোম) কোনশিন্দুনা খুঙ্গংশিংদা ইন্তিগ্রেতেদ দিভেলপমেন্ত পুরক্নবা পান্দম থম্লি‍। মসিনা ত্রাইবেল মীশিং ৫০% লৈবা খুঙ্গং ৩৬,৪২৮ অমসুং নোতিফাইদ তৌরবা এস.তি. লৈবা স্তেত / য়ু.তি.শিংদা এস.তি. ৫০০ কোনশিল্লি‍। স্কীম অসিগী মরুওইবা পান্দমদি পুনশিনবগী থৌওংনা খনগৎলবা খুঙ্গংশিংদা ইনতিগ্রেতেদ সোসিও-ইকনমিক দিভেলপমেন্ত পুরকপনি‍। ২০২১-২২দগী ২০২২-২৩ ফাওবগী মনুংদা, পুন্না খুঙ্গং ১৬৫৫৪দা পায়খৎখ্রে‍। হৌজিক ফাওবদা, স্তেতশিংদা লুপা করোর ১৯২৭.০০গী শেনফম থাদোকখ্রে‍।

• ওক্তোবর ২০২২দা পাঙথোকখিবা স্পিসিএল কেম্পেন ফোর দিস্পোজেল ওফ পেন্দিং মেত্তর্স ২.০গী মখাদা, তোঙান তোঙানবা পেরামিতরশিংদা মন্ত্রালয়গী পর্ফোর্মেন্স মখাদা পীরি:

এনেক্সচর-১

স্কোলারসিপ স্কীমশিংগী মখাদা এপ্রিল ১, ২০২২দগী দিসেম্বর ৩১, ২০২২ ফাওবদা লৈখিবা চাদি অমদি বিনিফিসরিশিংগী অকুপ্পা ৱারোল

লুপা করোরগী খুজিংদা

এনেক্সচর-২

এনেক্সচর-৩

*******