केंद्रीय बंदर-नौवहन-जलमार्ग आणि आयुष मंत्री सर्वांनंद सोनोवाल यांनी नववर्षाचा पहिला दिवस आज दिब्रुगढच्या  प्रेरणा बालगृहातल्या मुलांसोबत व्यतीत केला. सोनोवाल यांनी यावेळी मुलांना पुस्तकं वाटली आणि नववर्षासाठी शुभेच्छा दिल्या. मुलांनी यानिमित्त व्यासपीठावर सादर केलेल्या आपल्या बहुरंगी आविष्कारानं सोनोवाल यांच्यासह सर्व उपस्थितांना मंत्रमुग्ध केलं.

यावेळी बोलताना सोनोवाल म्हणाले, "लहान मुलांच्या डोळ्यात दिसणारी चमक आणि आशा ही खरी अपूर्वाई आहे. तेच आपल्या देशाचं भविष्य आहेत. वास्तवात उतरण्यासाठी त्यांच्या स्वप्नांना पंख फुटू देत.  मुलांचा साधेपणा-सच्चेपणा आणि प्रामाणिकपणा माझ्या अंतःकरणाला भिडला आहे. नवनवीन संधी लाभण्यासाठी मी त्यांना खूप खूप शुभेच्छा देतो."

सर्वानंद सोनोवाल यांच्यासोबत यावेळी दिब्रुगढचे आमदार प्रसंता फुकन आणि दिब्रुगढ विकास प्राधिकरणाचे इतर अधिकारी उपस्थित होते.

***

S.Patil/A.Save/P.Kor

*** 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai