প্রধানমন্ত্রীগী লোইশঙ
পি.এম.না ভিদিও কনফরেন্সকী থোংদা হাওরাদগী ন্যু জলপাইগুরী ফাওনহল্লিবা ভন্দে ভারত এক্সপ্রেস লমথাখ্রে
কোলকাতা মেত্রোগী পর্পল লাইনগী জোকা-তারাতলা স্ত্রেৎচ শঙ্গাখ্রে
জাতিদা রেলৱে প্রোজেক্ত মরি কত্থোকখ্রে
ন্যু জলপাইগুরী রেলৱে স্তেসন নৌনা শেমগৎনবা উরেপ-উয়ুং তমখ্রে
“ভন্দে মাতরমগী খোলাউ হৌরকখিবা লমদমদা ঙসি ভন্দে ভারত লমথাবা উবা ফংলে”
“মোদর্ন সিৱেজ ত্রীৎমেন্ত প্লান্তশিং অসি তুংলমচৎতা মথৌ তারক্কদবশিং অদু য়েংলগা শেমগৎপনি”
“ইন্দিয়ন রেলৱেদা অওনবা পুরক্নবা লৈবাক শিনবা থুংবদা কেম্পেন অমা চত্থরি”
“২১শুবা চহিচাদা লৈবাক অসিদা খোঙজেল য়াংনা চাউখৎপা পুরক্নবগীদমক রেলৱেশিং খোঙজেল য়াংনা শাহৌ লৈবা অমসুং ফিরোর্ম পুরকপা তঙাই ফদে”
“মেত্রো রেল সিস্তেম অসি ঙসিগী ভারতকী খোঙজেল অমসুং পাকচাউবগী খুদম অমনি”
“প্রজাশিংদা অপনবা লৈতবা কন্নেক্তিবিতী ফংহন্নবগীদমক অনৌবা এয়রপোর্তশিং, ঈশিং লম্বীশিং, হীথাংফমশিং অমসুং লম্বী-থোংশিং শাবগী থবক পাইখৎলি”
“ভারতনা ঙসি মাগী জল শক্তি শাহৌ পীনবা মাইকৈদা থবক তৌরি”
“জনুৱারী ১৩দা বাংলাদেশকী খুত্থাংদা ক্রুজ অমা কাশীদগী দিব্রুগর ফাওবা খোঙশানগনি। কিলোমিতর ৩২০০ শাংবা খোঙচৎ অসি মালেম পুম্বগী ওইনা অহানবা মখলনি অমসুং লৈবাক অসিদা ক্রুজ তুরিজম চাউখৎলক্লিবা অসিগী মমি ত
Posted On:
30 DEC 2022 1:20PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সকী থোংদা হাওরাদগী ন্যু জলপাইগুরী ফাওনহল্লিবা ভন্দে ভারত এক্সপ্রেস লমথাখ্রে। প্রধান মন্ত্রীনা জোকা এসপ্লেনেদ মেত্রো প্রোজেক্ত (পর্পল লাইন)গী জোকা-তারাতলা স্ত্রেৎচসু শঙ্গাখ্রে। মহাক্না বোইঞ্চী – শক্তিগর ৩শুবা লাইন, দানকুনী – চন্দনপুর ৪শুবা লাইন প্রোজেক্ত, নিমতীতা – ন্যু ফরাক্কা দবল লাইন অমসুং অম্বারী ফলাকাতা – ন্যু মৈনাগুরী – গুমানীহাত দব্লিং প্রোজেক্ত য়াওনা জাতিদা রেলৱে প্রোজেক্ত মরিসু কত্থোকখ্রে। প্রধান মন্ত্রীনা ন্যু জলপাইগুরী রেলৱে স্তেসনগী নৌনা শেমগৎ শাগৎনবা উরেপ-উয়ুংসু তমখ্রে।
থৌরম অদুদা ৱা ঙাংলদুনা প্রধান মন্ত্রীনা নীংতম ইহৌগী পুৱারী অসি বেঙ্গলগী পোৎলম খুদিংমক্তা য়াওদুনা লৈবনা মরম ওইরগা মহাক্না বেঙ্গলগী লমদমদা মকোক নোন্না খুরুমজগদবা নুমিৎ অসিদা ঙসি হকথেংননা লাকপা ঙমখিদবগীদমক ঙাকপীনবা হায়জখি। প্রধান মন্ত্রীনা হায়, “ভন্দে মাতরমগী খোলাউ হৌরকখিবা লমদমদা ঙসি ভন্দে ভারত লমথাবা উবা ফংলে”। প্রধান মন্ত্রীনা দিসেম্বর ৩০, ১৯৪৩দা নেতাজী সুভাশ চন্দ্র বোসনা অন্দমান অমসুং নিকোবর ঈথৎশিংদা মচু অহুমগী ফিরাল চীংখৎখিবা অমসুং নীংতম্বা ভারতকী চরা উংহনখিবা অদুবু নীংশিংখি। পুৱারী ওইরবা নুমিৎ অসিগী ৭৫শুবা চহিগী কুমওন্দা প্রধান মন্ত্রীনা নেতাজীবু ইকাই খুম্নবা উৎপা ওইনা অন্দামানদা চৎতুনা ঈথৎ অমা মহাক্কী মমিং লৌদুনা থোন্নবগী খুদোংচাবা অমা ফংজখি হায়না পাউদমখি। মহাক্না মখা তারদুনা হায় ভারতনা আজাদী কা অমৃত মহোৎসব পালন তৌরিঙৈ মনুংদা ভন্দে ভারত ত্রেন ৪৭৫ চেলহন্নবা ফিরেপ অমা লৌখি অমসুং ঙসি হাওরাদগী ন্যু জলপাইগুরী ফাওবা লমথাখিবা ত্রেন অসিসু মখোয়গী মনুংদা অমনি। ঙসি উরেপ-উয়ুং তমখিবা অমসুং শঙ্গাখিবা প্রোজেক্ত কয়া অদু পল্লদুনা প্রধান মন্ত্রীনা হায়খি সরকার অসিনা প্রোজেক্তশিং অসি লোইশিন্নবা চাউরাক্না করোর ৫০০০ চাদিং তৌরি।
প্রধান মন্ত্রীনা হায়খি ঙসি অথেংবদা গঙ্গাগী লুনানবা অমসুং নোংচুপ বেঙ্গলদা থক্নবা ঈশিং ফংহনবগা মরী লৈনবা প্রোজেক্ত কয়া কত্থোকপগী খুদোংচাবসু ফংগনি। মহাক্না হায় নমামি গঙ্গে স্কিমগী মখাদা নোংচুপ বেঙ্গোলদা সিৱেজ প্রোজেক্ত ২৫ হেন্না অয়াবা পীখ্রে। মসিগী মনুংদা প্রোজেক্ত ১১দি শাবা লোইশিনখ্রে অমসুং তরেৎ অমনা ঙসি শাবা লোইশিল্লি। ঙসি লুপা করোর ১৫০০গী আউতলেগা লোয়ননা অনৌবা স্কিম ৫দা থবক পাইখৎপা হৌরি। প্রধান মন্ত্রীনা মরু ওইবা প্রোজেক্তশিংগী মনুংদা অমা পনখি মদুদি লুনান্না থম্নবা অদি গঙ্গা প্রোজেক্তকীদমক লুপা করোর ৬০০রোম ওইবা ইনফ্রাস্ত্রকচর শেমগৎলি। প্রধান মন্ত্রীনা হায়খি তুরেলশিং শেংদোকপগা লোয়ননা কেন্দ্র সরকারনা মোদর্ন সিৱেজ ত্রীৎমেন্ত প্লান্তশিং মশিং য়াম্না শেমদুনা ঙাকশেন্নবা মীৎয়েং থমখি। মসি মথংগী চহি ১০-১৫দা মথৌ তারক্কদবশিং অদু য়েংলগা শেমগৎপনি।
প্রধান মন্ত্রীনা লৈবাক অসিগী চাউখৎ-থৌরাংগা লোয়ননা ইন্দিয়ন রেলৱেজ রিফোর্ম তৌবা অমসুং চাউখৎহনবগা মরী লৈনহনখি। মহাক্না হায় মরম অসিনা কেন্দর সরকারনা মোদর্ন রেলৱে ইনফ্রাস্ত্রচরদা রেকোর্দ ওইনা ইনভেস্তমেন্তশিং তৌরি। মহাক্না হায় লৈবাক শিনবা থুংবদা ইন্দিয়ন রেলৱে স্তেসনদা অহোংবা পুরক্নবা কেম্পেন চত্থরি। মহাক্না ভন্দে ভারত, তেজাস হম সফর অমসুং বিস্তাদোম কোচশিং অসিগুম্বা মোদর্ন ত্রেনশিং অমসুং ন্যু জলপাইগুরী য়াওনা রেলৱে স্তেসনশিং মতমগা চুনবা মওংদা শেমদোকপা, রেলৱে লাইনশিং দব্লিং অমসুং ইলেক্ত্রিফিকেসন তৌবা অসি মোদর্নাইজেসন তৌবগী খুদম ওইনা পীখি। মহাক্না ইস্তর্ন অমসুং ৱেস্তর্ন দেদিকেতেদ ফ্রৈৎ কোরিদোরশিং অসি লোজিস্তিক্স সেক্তরদা অচৌবা অহোংবশিং পুরক্কদবা প্রোজেক্তশিংনি হায়খি। প্রধান মন্ত্রীনা রেলৱেগী শাফনবা হোৎনবা, লুনানহনবা, তেংবাং পীনবা, তৌবা ঙম্বা, চাং নাইবা অমসুং খুদোংচাবশিং পীবা অসিগুম্বা লমশিংদা খুমাং চাউশিল্লিবা অসিগী মতাংদা পনখি। প্রধান মন্ত্রীনা হায়খি হৌখিবা চহি ৮ অসিদা ইন্দিয়ন রেলৱেনা মোদর্নিতীগী য়ুম্ফম অসিদা থবক তৌদুনা লাকখি অমসুং তুংদা লাক্কদবা চহিশিংদা ইন্দিয়ন রেলৱে অসিনা মোদর্নাইজেসনগী অনৌবা খোঙচৎ অমদা চংশিনবা উবা ফংলগনি। প্রধান মন্ত্রীনা হায়খি নীংতম্বা ফংবগী অহানবা চহি ৭০দা রেল লাইনগী কিমোমিতর লিশিং ২০গী রুৎ অসি ইলেক্ত্রিফাইদ তৌখি অদুবু ২০১৪দগী কিলোমিতর লিশিং ৩২ হেনবগী রুৎ ইলেক্ত্রিফাইদ তৌখি। প্রধান মন্ত্রীনা হায় মেত্রো রেল সিস্তেম অসি ঙসিদি ভারতকী খোঙজেল অমসুং পাকচাউবগী খুদম অমা ওইরে। মহাক্না হায়খি, “২০১৪গী মমাংদা কিমি ২৫০দগী তানা লৈরম্বা মেত্রো নেৎৱার্ক অসি দিল্লী-এন.সি.আর.দা শিয়র খ্বাইদগী ৱাংলি। হৌখিবা চহি ৭০৮ অসিদা মেত্রো অসি সহর ২৪ হেনবদা পাকথোক-চাউথোকহনখ্রে। ঙসি মেত্রো অসি লৈবাক্কী তোঙান-তোঙানবা সহরশিংদা চাউরাক্না মেত্রো ত্রেক কিমি ৮০০ চেল্লি। কিমি ১০০০ হেনবগী মেত্রো রুৎশিংদা থবক পাইখৎলি”।
হৌখিবা চহিশিংদা ভারতনা মায়োক্নখিবা শীংনবশিংগী মতাংদা পল্লদুনা প্রধান মন্ত্রীনা হায় মসিনা ভারতকী চাউখৎ-থৌরাংদা য়াম্না চাউনা শাফু পীখি। মরু ওইবা শীংনবশিংগী মনুংদা লৈবাক্কী ইনফ্রাস্ত্রকচরেল দিবেলপমেন্তদা য়াওরিবা তোঙান-তোঙানবা এজেন্সীশিংগী মরক্তা কোওর্দিনেসন পীনবা ৱাৎপা অসিঈ মতাংদা ফোঙদোকখি। মহাক্না হায় তোঙান-তোঙানবা ত্রান্সপোর্ত এজেন্সীশিংগী মরক্তা কোওর্দিনেসন ৱাৎপা অসিনা মরম ওইরফা সরকারগী এজেন্সীনা অতোপ্পা এজেন্সীশিংনা তৌরিবা থবক অদুগী মরক্তা লিখুন অমত্তা খঙদে। মহাক্না হায়, “মসিনা লৈবাক্কী পুকচেল শেংবা তেক্সপেয়রশিংদা হকথেংননা চৈথেং অমা পীখি”। প্রধান মন্ত্রীনা হায় মখোয়না ৱানা তানজবা শেল অদু লায়রবগী মতেং পাংবগী মহুৎ শেঞ্জা থুমজা তৌরিবা মীওইশিংগী ফুরিৎ খাও থন্নবা ওইনা শীজিন্নখিবা অসিনা পেনদবা পোকহনবা হায়বা অসি মহৌশানি। শ্রী মোদীনা হায় “সরকারনা এজেন্সীশিংগী মরক্তা কোওর্দিনেসন পীনবদা অহোবা লৈতনবা পি.এম. গতি শক্তি হৌদোকখি”। তোঙান-তোঙানবা রাজ্য সরকারশিং, কনস্ত্রক্সন এজেন্সীশিং নত্ত্রগা ইন্দস্ত্রী এক্সপর্তশিং ওইরবসু মীপুম খুদিংমক গতি শক্তি প্লেৎফোর্মশিংদা অমত্তা ওইনা পুল্লি। মহাক্না মখা তারদুনা হায় পি.এম. গতি শক্তি অসি লৈবাক অসিদা লৈরিবা চৎথোক-চৎশিনগী তোঙান-তোঙানবা পাম্বৈশিংবু শম্নহনবা খক্তা নত্তনা মলতিমোদেল প্রোজেক্তশিংদা খোঙজেল য়াংশিনহল্লি। প্রধান মন্ত্রীনা মখা তারদুনা হায় প্রজাশিংদা অপনবা লৈতনা কন্নেক্তিবিতী ফংহন্নবা অনৌবা এয়রপোর্তশিং, ঈশিং লম্বীশিং, হীথাংফমশিং অমসুং লম্বী-থোংশিং শেমগৎলি।
প্রধান মন্ত্রীনা হায়, “২১শুবা চহিচাদা মাংদা চংশিন্নবা লৈবাক অসিগী মতিক-ময়াই অদু অচুম্বা মওংদা শীজিন্নবা তাই”। লৈবাক অসিগী ঈশিং লম্বীশিংগী মতাংদা পল্লদুনা প্রধান মন্ত্রীনা ভারতকী থবক-থৌরম, ললোন-ইতিক অমসুং তুরিজমগীদমক ঈশিংগী লম্বী অসি চাউনা শীজিন্নরমখিবা মতম অদু নীংশিংখি অদুবু মীখা পোনবগী চহিশিংগী মনুংদা পুম্নমক অসি মাংহনখি হায়না ফোঙদোকখি। লৈবাক্কী ঈশিং লম্বীশিং অসি হিংগৎহন্নবা মমাংগী সরকারনা হোৎনবা ৱাৎলমখি হায়না প্রধান মন্ত্রীনা ফোঙদোকখি। শ্রী মোদীনা হায়, “ভারতনা ঙসি মাগী জল শক্তি শাহৌ পীনবা মাইকৈদা থবক পাইখৎলি”। মহাক্না হায়খি ঙসি ঈশিং লম্বী ১০০ হেন্না শেমগৎলি অমসুং ললোন-ইতিক অমদি তুরিজমদা শাহৌ পীবগা লোয়ননা তুরেলশিংদা এদভান্স ক্রুজ জহাজশিং চেলহন্নবা থবকসু পাইখৎলি। প্রধান মন্ত্রীনা তুরেল অনিগী মরক্তা ঈশিং লম্বী ফাওনহন্নবা ভারত অমসুং বাংলাদেশকী মরক্তা পাইখৎলিবা গঙ্গা-ব্রহ্মপুত্রা প্রোজেক্তকী মতাংদসু পনখি। জনুৱারী ১৩, ২০২৩দা বাংলাদেশ ফাওরগা কাশীদগী দিব্রুগর ফাওবা চেনগদৌরিবা ক্রুজকী মতাংদা পল্লদুনা প্রধান মন্ত্রীনা হায় কিমি ৩২০০ শাংবা খোঙচৎ অসি মালেম পুম্বদা অহানবনি অমসুং মসিনা লৈবাক অসিদা ক্রুজ তুরিজম চাউখৎলক্লিবা অসিগী মমি অমা তারগনি।
নোংচুপ বেঙ্গোলগী মীয়াম্না লমদম অসিবু নুংশিজরিবা অসিগী মতাংদা পল্লদুনা প্রধান মন্ত্রীনা মখোয়না ভারতকী কলচরেল হেরিতেজকী তোঙান-তোঙানবা মফমশিংদা চৎপা অমসুং মদুদগী তমশিনবদা থৱায় য়াওবা উবা ফংলি হায়খি। “বেঙ্গলগী মীয়ামদা তুরিজমদসু জাতি হান্না হায়বা ৱাখল্লোন অসি চেল্লি” মহাক্না মখা তারদুনা হায় “লৈবাক অসিদা কন্নেক্তিবিতীদা শাহৌ পীরবা মতমদা অমসুং রেল লম্বী, ঈশিং লম্বী অমসুং হায়ৱেশিং অসি হেন্না চাউখৎলক্লবদি মদুগী ফলনা ইজ ওফ ত্রেভেল অমসুং বেঙ্গল মীয়ামদা কান্নবা পীগনি”।
প্রধান মন্ত্রীনা ৱারোল পীবা লোইশিনবদা গুরু রবিন্দ্রনাথ তেগোরনা ইরমখিবা পরিং খরা থীখি, মখোয়গী ৱাহন্থোক অদুদি “ঐহাক্কী লৈবাক্কী লৈমাইদা ঐহাক্না ইকোক নোনজরি”। প্রধান মন্ত্রীনা আজাদী কা অমৃত কাল অসিদা মীপুম খুদিংমক্না ঐখোয়গী ইমা লৈবাক অসিবু খ্বাইদগী মরু ওইনা লৌদুনা পুন্না থবক তৌমিন্নগদবনি হায়খি। প্রধান মন্ত্রীনা লোইশিনবদা হায়, “মালেম পুম্বনা ভারত্তা থাজবগী মীৎয়েং অমগা লোয়ননা য়েংলি। লৈবাক্কী প্রজা খুদিংমক্না জাতিগী শেবা তৌনবা কত্থোকপা তাই”।
থৌরম অদুদা নোংচুপ বেঙ্গোলগী মুখ্য মন্ত্রী, কুমারি মমতা বেনর্জী, নোংচুপ বেঙ্গোলগী রাজ্যপাল, দা. সি.ভি. অনন্দ বোস, ভারতকী রেলৱেজকী কেন্দ্র মন্ত্রী, শ্রী অশ্বিনি বৈস্নৌ, কেন্দ্রগী রাজ্য মন্ত্রী, শ্রী জোন বারলা, দা. সুভাশ সরকার অমসুং শ্রী নিসিথ পরমানিক অমসুং মেম্বর ওফ পার্লিয়ামেন্ত, শ্রী প্রাসোন বেনর্জীনা শরুক য়াখি।
বেকগ্রাউন্দ
প্রধান মন্ত্রী হাওরা রেলৱেজ স্তেসন্দা হাওরাদগী ন্যু জলপাইগুরী য়ৌবা ৭শুবা বন্দে ভারত এক্সপ্রেস লমথাখ্রে। খ্বাইদগী নৌবা সেমি হায় স্পিৎ ত্রেন অসিদা অফবা মখলগী পেসেঞ্জরশিংগী খুদোংচাবা কয়া য়াওরি। ত্রেন অসিনা মাল্দা, বারসোই অমসুং কিসনগঞ্জ স্তেসনশিংদা মাইকৈ অনিমক্তা লেপকনি।
প্রধান মন্ত্রীনা জোকা-ইসপ্লানেদ মেত্রো প্রোজেক(পর্পল লাইন)গী জোকা-তারাতলা লাইন শঙ্গাখ্রে। কিলোমিতর ৬.৫গী পরিং অসিদা স্তেসন ৬ হায়বদি জোকা, থাকুরপুরকুর, সাখের বাজার, বেহালা চৌরাস্তা, বেহালা বজার অমসুং তারাতালা লৈরি অমসুং মসি লুপা করোর ২৪৭৫ হেন্না চংনা পায়খৎপনি। মসিগী প্রোজেক অসিনা কোলকাতা সহরগী খা-থংবা শরুক হায়বদি সারসুনা, গাকঘর, মুচিপারা অমসুং সাউথ ২৪ পারগানাদা কান্নবা য়াম্না পীরগনি।
প্রধান মন্ত্রীনা রেলৱে প্রোজেক ৪ মীয়ামদা কৎথোকখি। হায়রিবা প্রোজেকশিং অদুদি বোইনচি-শক্তিগর ৩শুবা লাইন লুপা কারোর ৪০৫ চংনা শেমগৎপা; লুপা করোর ৫৬৫ চংনা শেমগৎপা দানকুনি-চন্দানপুর ৪শুবা লাইন; লুপা কারোর ২৫৪ চংনা শেমগৎপা নিমতিতা-নিউ ফারাক্কা দবল লাইন অমসুং লুপা করোর ১০৮০ চংনা শেমগৎপা অম্বারি ফালাকাতা-নিউ মাইনাগুরি-গুমানিহাত দবল্লিং প্রোজেকনি। প্রধান মন্ত্রীনা লুপা কোরোর ৩৩৫ হেন্না চংনা নিউ জলপাইগুরী রেলৱে স্তেসন নৌনা শেমগৎনবা উরেপ-উয়ুং তমগনি।
*****
(Release ID: 1887639)
Visitor Counter : 131
Read this release in:
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam