হকশেল অমসুং য়াইফ-য়ুম্বাল মন্ত্রালয়
লৈবাক খরদা কোবিদ-১৯ কেসশিং হেনগৎলক্লিবা অসি য়েংলগা য়ুনিয়ন হেল্থ মিনিস্তর দোক্তর মনসুখ মন্দাবিয়ানা ফার্মা কম্পেনিশিংগা লোয়ন্না তঙাইফদবা হিদাক-লাংথকশিংগী ফিবম হন্না য়েংশিনখ্রে
মালেমগী ওইনা হিদাক-লাংথক ফংহন্নবা লৈরিবা ফিবম কুপ্না শেন্ননবা ফার্মা কম্পেনিশিংদা খঙহনখ্রে
কোবদিকী হিদাকশিং য়াওনা হিদাক-লাংথক খুদিংমক মতিক চানা পৈশিন্দুনা থমগদবনি
Posted On:
29 DEC 2022 5:34PM by PIB Imphal
ঙসি ভিদিও কনফরেন্সকী খুৎথাংদা, হেল্থ অমসুং ফেমিলি ৱেলফিয়ার অমসুং কেমিকেলস অমসুং ফর্তিলাইজরগী য়ুনিয়ন মিনিস্তর দোক্তর মনসুখ মন্দাবিয়ানা ফার্মা কম্পেনিশিংগী মীহুৎশিংগা লোয়ন্না কোবিদ লায়য়েংনবা হিদাক-লাংথকশিংগী হৌজিক লৈরবা ফিবম অমসুং পুথোকপা ঙম্বগী মতাংদা হন্না য়েংশিনখ্রে। মসিনা মরম ওইদুনা ফিবম অমা হেক্তা লাকপদা ভারতনা মপুংফানা থেংনবা ঙমহনগনি। মালেমগী লৈবাক খরদা কোবিদ-১৯ কেসশিং মশিং হেনগৎলক্লিবা অসি য়েংলগা হন্না য়েংশিনবা মীফম অসি পাংথোকখিবনি।
![](https://static.pib.gov.in/WriteReadData/userfiles/image/image0037RN5.jpg)
মালেমগী হৌজিক ওইরক্লিবা ফিবমগী মতাংদা য়ুনিয়ন মিনিস্তরদা পাউদমখি। লৈবাক অসিদা কোবিদ লাইচৎ মনুংদা মখোয়না মমল নাইদ্রবা থবক কয়া পাংথোকখিবগীদমক দোক্তর মনসুখ মন্দাবিয়ানা ফার্মা কম্পেনিশিং থাগৎখি। মহাক্না হায়খি ভারতকী ফার্মা কম্পেনিশিং অসি মতিক চাবা, অৱা-অনা খাংবা ঙম্বা অমসুং থবক ঙম্বা ঙাক্তনি। মখোয়গী থৌনানা মরম ওইদুনা লাইচৎ মনুংদা ঐখোয়গী দরকার ওইবশিং ফংবা খক নত্তনা, মালেমগী লৈবাক ১৫০দা হিদাক-লাংথকশিং ফংহনবা ঙমখি। মসিগী মাইপাকপা অসি হিদাক-লাংথকশিংগী মগুন হন্থহন্দনা অমসুং মমল হেনগৎহন্দনা ঙমখিবনি।
![](https://static.pib.gov.in/WriteReadData/userfiles/image/image003HLW0.jpg)
মালেমগী ওইনা হিদাক-লাংথক ফংহন্নবা লৈরিবা ফিবম কুপ্না শেন্ননবা ফার্মা কম্পেনিশিংদা খঙহনখ্রে। এ.পি.আইশিং অমসুং কোবিদ লায়য়েংনবা হিদাক-লাংথকশিংগী মচলশিং শুংবা অমসুং ফংহনবগী মতাংদা কুপ্না য়েংশিন্নবা মখোয়দা খঙহনখ্রে। সপ্লাই চেন্দগী হৌরগা রিতেল ফাওবগী থাক্তা কোবদিকী হিদাকশিং য়াওনা হিদাক-লাংথক খুদিংমক মরাংকাইনা থম্নবা ফার্মা কম্পেনিশিংদা খঙহনখ্রে।
মতম চানা হন্না য়েংশিনবা মীফম পাংথোকপগীদমক ফার্মা কম্পেনিশিংনা য়ুনিয়ন মিনিস্তর থাগৎখি অমসুং মখোয়না মখা তানা মতেং পাংগনি হায়বগী থাজবা থমখি। মখোয়না কোবিকী হিদাক-লাংথকশিং ফংহন্নবা থবক পায়খৎকনি হায়না মখোয়না থাজবা থমখি।
হন্না য়েংশিনবা মীফম অদুদা য়ুনিয়ন হেল্থ সেক্রেতরি শ্রী রাজেস ভুসন, সেক্রেতরি(ফার্মা)এস. অর্পনা, এন.পি.পি.এগী চিয়ারমেন শ্রী কামলেস পান্ত, দি.সি.জি.আইগী দোক্তর ভি.জি সোমানি অমসুং ফার্মা কম্পেনিশিংগী মীহুৎশিং শরুক য়াখি।
*****
(Release ID: 1887408)
Visitor Counter : 122