ભારતીય સેનાએ 28 ડિસેમ્બર 2022ના રોજ અમદાવાદ કેન્ટ ખાતે સૈનિકો માટે તેના પ્રથમ 3-ડી પ્રિન્ટેડ હાઉસ ડ્વેલિંગ યુનિટ (ગ્રાઉન્ડ પ્લસ વન કન્ફિગરેશન સાથે)નું ઉદ્ઘાટન કર્યું. આ નિવાસ એકમ MiCoB પ્રાઇવેટ લિમિટેડના સહયોગથી મિલિટરી એન્જિનિયરિંગ સર્વિસિસ (MES) દ્વારા નવીનતમ 3D રેપિડ કન્સ્ટ્રક્શન ટેકનોલોજીનો સમાવેશ  સાથે બનાવવામાં આવ્યું છે..

3D પ્રિન્ટેડ ફાઉન્ડેશન, દિવાલો અને સ્લેબનો ઉપયોગ કરીને ગેરેજ સ્પેસ સાથે 71 ચો.મી.ના નિવાસ એકમનું નિર્માણ કાર્ય માત્ર 12 અઠવાડિયામાં પૂર્ણ કરવામાં આવ્યું હતું. આપત્તિ-સ્થિતિસ્થાપક માળખાં ઝોન-3 ધરતીકંપના સ્પષ્ટીકરણો અને ગ્રીન બિલ્ડિંગના ધોરણોનું પાલન કરે છે. 3-D પ્રિન્ટેડ મકાનો સશસ્ત્ર દળોના કર્મચારીઓની વધતી રહેઠાણની જરૂરિયાતોને પહોંચી વળવા માટે આધુનિક સમયના ઝડપી બાંધકામના પ્રયાસોનું પ્રતીક છે. આ માળખું 'આત્મનિર્ભર ભારત અભિયાન'ને પ્રોત્સાહન આપવા માટે ભારતીય સેનાની પ્રતિબદ્ધતાનો પણ પુરાવો છે.

આ ટેકનિક કોંક્રિટ 3D પ્રિન્ટરનો ઉપયોગ કરે છે જે કોમ્પ્યુટરાઈઝ્ડ ત્રિ-પરિમાણીય ડિઝાઈનને સ્વીકારે છે અને ખાસ હેતુ માટે રચાયેલ વિશિષ્ટ પ્રકારના કોંક્રિટને બહાર કાઢીને સ્તર-દર-સ્તર રીતે 3-D માળખું બનાવે છે.

અમદાવાદ સ્થિત ભારતીય સેનાના ગોલ્ડન કટાર વિભાગે કામગીરીમાં પણ અનેકવિધ એપ્લિકેશનો સાથે પ્રોજેક્ટને આગળ ધપાવવામાં મહત્વની ભૂમિકા ભજવી છે. ભારતીય સૈન્ય એકમોએ પહેલેથી જ પ્રી-કાસ્ટેડ પરમેનન્ટ ડિફેન્સ અને ઓપરેશન્સ માટેના ઓવરહેડ પ્રોટેક્શનના નિર્માણમાં 3D પ્રિન્ટિંગ ટેક્નોલોજીનો ઉપયોગ કર્યો છે. આ રચનાઓ હાલમાં એક વર્ષના સમયગાળામાં માન્ય કરવામાં આવી રહી છે અને લદ્દાખના કેન્દ્રશાસિત પ્રદેશમાં તાજેતરના છે તે તમામ ભૂપ્રદેશોમાં સમાવિષ્ટ જોઈ શકાય છે.

YP/GP/NP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com