వ్యవసాయ మంత్రిత్వ శాఖ
భోపాల్లోని ఇక్రా-నిసాద్ కోళ్ల కోసం అభివృద్ధి చేసిన 'క్రియారహిత, తక్కువ వ్యాధికారక ఏవియన్ ఇన్ఫ్లుయెంజా (హెచ్9ఎన్2) టీకా' సాంకేతిక పరిజ్ఞానం బదిలీ
Posted On:
27 DEC 2022 5:04PM by PIB Hyderabad
భోపాల్లోని ఇక్రా-నిసాద్ శాస్త్రవేత్తలు కోళ్ల కోసం అభివృద్ధి చేసిన 'క్రియారహిత, తక్కువ వ్యాధికారక ఏవియన్ ఇన్ఫ్లుయెంజా (హెచ్9ఎన్2) టీకా' సాంకేతిక పరిజ్ఞానం సికింద్రాబాద్కు చెందిన గ్లోబిన్ ఇండియా ప్రైవేట్ లిమిటెడ్కు, పుణెలోని వెంకటేశ్వర హేచరీస్ ప్రైవేట్ లిమిటెడ్కు, గురుగావ్లోని ఇండోవాక్స్ ప్రైవేట్ లిమిటెడ్కు, అహ్మదాబాద్లోని హెస్టర్ బయోసైన్సెస్ లిమిటెడ్కు బదిలీ అయింది. న్యూదిల్లీకి చెందిన అగ్రిన్నోవేట్ ఇండియా లిమిటెడ్ ద్వారా ఈ బదిలీ జరిగింది. సెక్రటరీ (డేర్) & డైరెక్టర్ జనరల్ (ఇక్రా) డాక్టర్ హిమాన్షు పాఠక్, ఇక్రా-నిసాద్ డైరెక్టర్ డాక్టర్ అనికేత్ సన్యాల్, వాణిజ్య సంస్థల ప్రతినిధులు, అధికారులు ఈ కార్యక్రమంలో పాల్గొన్నారు.
![](https://ci6.googleusercontent.com/proxy/AIXcL2o8kzSsXI6Gfml0W8VbmI3MnCwgylD0U-6tna56LPMhfNkCgLrBLz0tfL3z8mO7ko5LxHVPRFgri8CZbAwlvTraWYJPqCox1Fliszy3KCh4x3CxCKEGNQ=s0-d-e1-ft#https://static.pib.gov.in/WriteReadData/userfiles/image/image001AUWH.jpg)
హెచ్9ఎన్2 వైరస్కు మొట్టమొదటి స్వదేశీ వ్యాక్సిన్ను అభివృద్ధి చేయడంలో ఇక్రా-నిసాద్ శాస్త్రవేత్తలు చేసిన ప్రయత్నాలను, ఆ సాంకేతికతను పరిశ్రమకు బదిలీ చేయడంలో అగ్రినోవేట్ ఇండియా లిమిటెడ్ (ఏజీఎల్ఎన్) చేసిన కృషిని డాక్టర్ హిమాన్షు పాఠక్ అభినందించారు. భారత్, విదేశాల మార్కెట్ ప్రమాణాలకు అనుగుణంగా టీకా ఉంటుందని డీడీజీ (ఏఎస్) వెల్లడించింది. వ్యాధి కారణంగా ఏర్పడుతున్న ఆర్థిక నష్టాన్ని తగ్గించడం ద్వారా కోళ్ల పెంపకందారుల ఆదాయాన్ని పెంచడానికి ఈ టీకా దోహదపడుతుంది.
*****
(Release ID: 1886988)
Visitor Counter : 136