প্রধান মন্ত্রী, শ্রী নরেন্দ্র মোদীগী  “লালহৌবা লৈতবা অমসুং নুংঙাই য়াইফবা অৱাং নোংপোক” হায়বা মঙলান মঙফাওনহল্লদুনা অমসুং কেন্দ্রগী গৃহ মন্ত্রী অমসুং কো-ওপরেসন মন্ত্রী, শ্রী অমিত শাহগী মিৎয়েং মখাদা ভারত সরকার অমসুং মনিপুর সরকারনা দিকেদ অমা হেন্না থবক তৌদুনা লাক্লবা জেলিয়াংরোং য়ুনাইতেদ ফ্রন্তকা ঙসি নই দিল্লীদা সিসেসন ওফ ওপরেসন এগ্রীমেন্তকী য়ানবা পুরকখ্রে। মসিনা মনিপুরদা শান্তি পুরক্নবা হোৎনরিবা অসিদা মশক থোক্না তেংবাংগনি। য়ানচে অসি কেন্দ্রগী গৃহ মন্ত্রালয়গী সেনিয়র ওফসিএল, মনিপুর সরকার অমসুং জেত.য়ু.এফ.কী মীহুৎশিংনা মনিপুরগী মুখ্য মন্ত্রী, শ্রী এন. বিরেন সিংহ য়াওবা থৌরমদা খুৎয়েক পীনখিবনি।

খুৎলায় পায়বা কাঙলুপ অসিনা মীফা-মীপুনগী থবক থাদোক্তুনা লৈবাক্কী আইন্না য়াৎলিবা শান্তি লৈবা গনতন্ত্রগী থৌওংশিংদা শরুক য়ারগনি হায়বা ৱাফম ফোংদোকখি। য়ানচে অসিনা মখোয়গী খুৎলায় পায়বা কেদরশিংবু রিহেবিলেত অমসুং রি-সেত্তলমেন্ত তৌহনগনি। য়ানখ্রিবা ৱাফমশিং য়েংশিন্নবগীদমক্তা জোইন্ত মোনিতরিং গ্রুপ অমা শেমগনি।

********