“మాస్క్‌లు ధరించడంతోపాటు కోవిడ్‌ పట్ల తగిన జాగ్రత్తలు పాటించడం మరియు అప్రమత్తంగా ఉండటం ముఖ్యం.  ఇన్ఫోడెమిక్‌ను నిరోధించడం మరియు కొవిడ్19పై ప్రామాణికమైన మరియు ధృవీకరించబడిన సమాచారాన్ని మాత్రమే పంచుకోవడం కూడా అంతే ముఖ్యం. కోవిడ్ నివారణ మరియు నిర్వహణకు సంబంధించిన వివిధ అంశాలకు సంబంధించిన సమాచారాన్ని కేంద్ర ఆరోగ్య మంత్రిత్వ శాఖ తెలియజేస్తుంది. ధృవీకరించబడిన సమాచారాన్ని మాత్రమే యాక్సెస్ చేసి పంచుకోవాలని మరియు ఇతరులను కూడా అలా చేయమని ప్రోత్సహించాలని నేను ప్రతి ఒక్కరినీ కోరుతున్నాను.." అని కేంద్ర ఆరోగ్య మరియు కుటుంబ సంక్షేమ శాఖ మంత్రి డాక్టర్ మన్సుఖ్ మాండవియా తెలిపారు. దేశవ్యాప్తంగా దాదాపు 100 మంది వైద్యులు మరియు ఇండియన్ మెడికల్ అసోసియేషన్ (ఐఎంఏ) సభ్యులతో ఆయన సంభాషించారు.

కొవిడ్19 గురించి ప్రామాణికమైన సమాచారాన్ని వ్యాప్తి చేయాలని డాక్టర్ మాండవియ వైద్యులు మరియు ఐఎంఏ సభ్యులను కోరారు. “కొవిడ్19కి వ్యతిరేకంగా దేశం చేస్తున్న పోరాటంలో మీరు మన అంబాసిడర్‌లుగా ఉన్నారు. నేను మీ సహకారాన్ని విలువైనదిగా భావిస్తున్నాను.ఆరోగ్య సంరక్షణ నిపుణుల నిస్వార్థ అంకితభావం మరియు సేవకు నమస్కరిస్తున్నాను. కొవిడ్19 వ్యాధికి సంబంధించిన వివిధ కోణాలు మరియు దాని నివారణ మరియు నిర్వహణ అంశాలపై ప్రజలకు అవగాహన కల్పించడం ద్వారా ఇన్ఫోడెమిక్‌ను నిరోధించడానికి మా భాగస్వాములు మరియు అంబాసిడర్‌లు కావాలని నేను మిమ్మల్ని కోరుతున్నాను” అని తెలిపారు.  ఇప్పటి వరకు చేస్తున్న పోరాటంలో వైద్యులు అంకితభావంతో పనిచేస్తారని కేంద్రమంత్రి విశ్వాసం వ్యక్తం చేశారు.

ఊహాగానాలు చేయడం మానుకోవాలని ప్రజలతో ఖచ్చితమైన సమాచారాన్ని మాత్రమే పంచుకోవాలని డాక్టర్ మాండవ్య కోరారు. "మన పౌరులు  కోవిడ్ యోధుల సలహా కోసం ఎదురు చూస్తున్నారు మరియు ప్రపంచవ్యాప్తంగా ఇటీవలి కాలంలో పెరిగిన కొవిడ్-19 కేసుల కారణంగా పుకార్లు, అపోహలు మరియు భయాలను నివారించడం కోసం సరైన సమాచారాన్ని పంచుకోవడం మన నిపుణుల బాధ్యత అని ఆయన అన్నారు. " కొవిడ్ 19 డేటా ప్రస్తుత స్థితి, టీకా కార్యక్రమం మరియు ప్రభుత్వ ప్రయత్నాల గురించి పౌరులకు అవగాహన కల్పించడం ద్వారా పౌరులలో స్వల్ప భయాందోళనలను కూడా తగ్గించాలని ఆయన నొక్కి చెప్పారు. 'టెస్ట్-ట్రాక్-ట్రీట్-వ్యాక్సినేట్‌తో పాటు కోవిడ్ సముచిత ప్రవర్తన'కు కట్టుబడి ఉండాలని మరియు హాని కలిగించే సమూహాలకు ముందు జాగ్రత్త మోతాదులను తీసుకోవాలని ఆయన కోరారు. "ఈ విధంగా మాత్రమే మనం నిరంతర సమిష్టి ప్రయత్నాల ద్వారా సాధించిన లాభాలను కాపాడుకోగలుగుతాము" అని ఆయన నొక్కి చెప్పారు.

రేపు ప్లాన్ చేయనున్న మాక్ డ్రిల్ గురించి తెలియజేస్తూ “ఈ మహమ్మారిని నిర్వహించడంలో మన మునుపటి అనుభవం ఆధారంగా అనేక వ్యాయామాలను చేపడుతున్నాము, వాటిలో ఒకటి రేపు దేశవ్యాప్తంగా జరిగే మాక్ డ్రిల్. ఇటువంటి కార్యక్రమాలు మన కార్యాచరణ సంసిద్ధతకు సహాయపడతాయి, ఏవైనా ఖాళీలు ఉంటే పూరించడంలో సహాయపడతాయి మరియు తత్ఫలితంగా మన ప్రజారోగ్య ప్రతిస్పందనను బలోపేతం చేస్తాయని తెలిపారు.

కొవిడ్-19 సంభవించినప్పటి నుండి దానికి వ్యతిరేకంగా మన పోరాటంలో అగ్రగామిగా నిలిచిన వైద్యులు మరియు నిపుణులు గౌరవనీయుల అధ్యక్షతన సమయానుకూలంగా సమావేశాలు నిర్వహించడాన్ని అభినందించారు. ప్రధానమంత్రి మరియు కేంద్ర ఆరోగ్య మంత్రి మరియు కోవిడ్ 19కి వ్యతిరేకంగా సమిష్టి పోరాటంలో సహకరించేందుకు అంగీకరించారు. గౌరవనీయులైన ప్రధాన మంత్రి సందేశాన్ని ముందుకు తీసుకువెళుతూ అందరు వాటాదారుల నుండి సలహాలు మరియు ఆలోచనల  కోసం వేదికను అందించడం లక్ష్యంగా డాక్టర్ మాండవ్య గత కొన్ని రోజులుగా పలు సమావేశాలకు అధ్యక్షత వహించారు.

శ్రీ లవ్ అగర్వాల్, ఏఎస్, డాక్టర్ అతుల్ గోయెల్, డిజిహెచ్‌ఎస్, ఐఎంఏ సభ్యులు, మరియు ప్రముఖ వైద్యులు మరియు నిపుణులు ఈ సమావేశంలో పాల్గొన్నారు.

***