அனிமேஷன், விஷுவல் எஃபெக்ட்ஸ், கேமிங் மற்றும் காமிக் (ஏவிஜிசி) பணிக்குழு, இத்துறையின் ஒருங்கிணைந்த ஊக்குவிப்பு மற்றும் வளர்ச்சிக்காக உருவாக்கப்பட வேண்டிய பட்ஜெட் ஒதுக்கீட்டுடன் கூடிய தேசிய ஏவிஜிசி-எக்ஸ்ஆர் இயக்கம் தேவை என வலியுறுத்தியுள்ளது. இதுதொடர்பாக,  தகவல் மற்றும் ஒலிபரப்பு அமைச்சகத்திடம் சமர்ப்பிக்கப்பட்ட விரிவான அறிக்கையில், செயலர்  தலைமையிலான பணிக்குழு, இந்தியாவில், இந்தியாவுக்காக & உலகத்திற்கான உள்ளடக்க உருவாக்கத்தில் பிரத்யேக கவனம் செலுத்தி ‘இந்தியாவில் உருவாக்கு’ பிரச்சாரத்தைத் தொடங்குமாறு பரிந்துரைத்துள்ளது.

பணிக்குழுவின் முக்கிய பரிந்துரைகள் 4 வகைகளின் கீழ் வகைப்படுத்தப்பட்டுள்ளன

உலகளாவிய அணுகலுக்கான உள்நாட்டு தொழில் வளர்ச்சி,

மக்கள்தொகை அடிப்படையிலான  திறன் சூழல் அமைப்பை உருவாக்குதல்

இந்திய ஏவிஜிசி தொழில்துறைக்கான தொழில்நுட்பம் மற்றும் நிதி சாத்தியத்தை மேம்படுத்துதல்

உள்ளடக்கிய வளர்ச்சியின் மூலம் இந்தியாவின் மென் சக்தியை உயர்த்துதல்

இந்தியாவில் ஏவிஜிசி துறையின் முழு திறனையும், தொழில்துறை மற்றும் அரசின் முக்கிய பங்குதாரர்களுடன் உணர உதவுவதற்காக, தகவல், ஒலிபரப்பு அமைச்சகத்தின் செயலாளர் திரு அபூர்வ சந்திராவின் தலைமையில் பணிக்குழு அமைக்கப்பட்டது. தொடர்புடைய மத்திய  அமைச்சகங்களின் செயலாளர்கள்,  உயர்கல்வித் துறை உள்ளிட்டவை இந்த பணிக்குழுவில் உறுப்பினர்கள். இதில் கர்நாடகா, மகாராஷ்டிரா, தெலுங்கானா மாநில அரசுகளின் உறுப்பினர்களும் அடங்குவர்; அகில இந்திய தொழில்நுட்பக் கல்வி கவுன்சில், தேசிய கல்வி ஆராய்ச்சி மற்றும் பயிற்சி கவுன்சில் போன்ற கல்வி அமைப்புகளின் தலைவர்கள் மற்றும் தொழில் அமைப்புகளின் பிரதிநிதிகளும் உள்ளனர்.

விரிவான அறிக்கையை தகவல், ஒலிபரப்பு  அமைச்சகத்தின் இணையதளத்தில் அணுகலாம் https://mib.gov.in/sites/default/files/AVGC-XR%20Promotion%20Taskforce%20Report%20-%202022.pdf

**************

(Release ID: 1886679)

SM/PKV/RJ/KRS