صدر جمہوریہ ہند، محترمہ دروپدی مرمو 26 سے 30 دسمبر 2022 تک راشٹرپتی نیلائم میں موسم سرما کے دوران  قیام کے لیے سکندرآباد، تلنگانہ جائیں گی۔

صدر جمہوریہ 26 دسمبر 2022 کو آندھرا پردیش کے سری سیلم مندر کا دورہ کریں گی اور مرکزی وزارت سیاحت کی پرشاد اسکیم کے تحت سری سیلم مندر کی ترقی سے متعلق پروجیکٹوں کا افتتاح کریں گی۔ راشٹرپتی نیلائم پہنچنے سے پہلے وہ سری سیلم میں شری شیواجی اسپورتھی کیندرم بھی جائیں گی۔

صدر جمہوریہ 27 دسمبر 2022 کو حیدرآباد میں کیشو میموریل ایجوکیشنل سوسائٹی کے طلباء اور فیکلٹی ممبران سے خطاب کریں گی۔ اسی دن، وہ انڈین پولیس سروس (74ویں آر آر بیچ) کے زیر تربیت افسران سے خطاب کرنے کے لیے سردار ولبھ بھائی پٹیل نیشنل پولیس اکیڈمی جائیں گی۔ وہ حیدرآباد میں مشرا دھاتو نگم لمیٹڈ (مدھانی) کی وائیڈ پلیٹ مل کا بھی افتتاح کریں گی۔

صدر جمہوریہ 28 دسمبر 2022 کو شری سیتارام چندر سوامی واری دیوستھانم، بھدراچلم کا دورہ کریں گی اور پرشاد اسکیم کے تحت بھدراچلم مندر میں سیاحت کے بنیادی ڈھانچے کی ترقی کے لیے سنگ بنیاد رکھیں گی۔ وہ ونواسی کلیان پریشد – تلنگانہ کے زیر اہتمام سمکا سرلما جن جاتی پجاری سمیلن کا بھی افتتاح کریں گی اور ساتھ ہی تلنگانہ کے کومارم بھیم آصف آباد اور محبوب آباد اضلاع میں قبائلی امور کی وزارت کے ایکلویہ ماڈل رہائشی اسکولوں کا عملی طور پر افتتاح کریں گی۔ اسی دن صدر جمہوریہ ورنگل ضلع میں رامپا مندر جائیں گی جہاں وہ رامپا مندر میں سیاحت کے بنیادی ڈھانچے کی ترقی اور کامیشورالیہ مندر کی بحالی کا سنگ بنیاد رکھیں گی۔

صدر جمہوریہ 29 دسمبر 2022 کو جی نارائنما انسٹی ٹیوٹ آف ٹیکنالوجی اینڈ سائنس (فار ویمن) کی طالبات اور فیکلٹی ممبران کے ساتھ ساتھ حیدر آباد میں بی ایم ملانی نرسنگ کالج اور سمن جونیئر کالج آف مہیلا دکشتا سمیتی کے طلباء اور عملہ کے ساتھ بات چیت کریں گی۔ اسی دن وہ شمس آباد کے شری رام نگرم میں اسٹیچو آف ایکویلٹی کا دورہ کریں گی۔

صدر جمہوریہ 30 دسمبر 2022 کو دہلی واپس آنے سے پہلے، راشٹرپتی نیلائم میں ظہرانے پر ویر ناریوں اور دیگر معززین کی میزبانی کریں گی۔

*****

ش ح – ق ت – ت ع

U: 14375