नवी दिल्ली, 21 डिसेंबर 2022

वर्ष 2021 मध्ये 248 खटल्यांना मंजुरी देण्यासह 2724 भ्रष्ट अधिकाऱ्यांवर कारवाई करण्यात आली, अशी माहिती केंद्रीय कार्मिक, सार्वजनिक तक्रार आणि निवृत्ती वेतन मंत्री डॉ जितेंद्र सिंह यांनी दिली आहे.

केंद्रीय दक्षता आयोगाने (सीव्हीसी) दिलेल्या माहितीनुसार, 2724 प्रकरणांमध्ये केंद्रीय दक्षता आयोगाच्या सल्ल्यानुसार संबंधित सक्षम प्राधिकरणाने अंतिम निर्णय घेतला आणि यापैकी आयोगाच्या सल्ल्यानुसार अन्य विभागांच्या माध्यमातून 55 प्रकरणे नोंदवण्यात आली.  आज लोकसभेत एका प्रश्नाच्या लेखी उत्तरात डॉ जितेंद्र सिंह यांनी ही माहिती दिली.
 
रेल्वे मंत्रालय, नागरी हवाई  वाहतूक मंत्रालय, रस्ते वाहतूक आणि महामार्ग मंत्रालय, बंदरे  जहाजबांधणी आणि जलमार्ग  मंत्रालय, वित्तीय सेवा विभाग, वस्त्रोद्योग मंत्रालय, कोळसा मंत्रालय, खते विभाग, अणुऊर्जा विभाग, ऊर्जा मंत्रालय, वाणिज्य विभाग, युवा व्यवहार विभाग, उच्च शिक्षण विभाग, दिल्ली सरकारचे एनसीटी, गृहनिर्माण आणि शहरी व्यवहार मंत्रालय  आणि गृह मंत्रालय या मंत्रालयांनी/विभागांनी त्यांच्या अंतर्गत असलेल्या संस्थांसह संबंधित सक्षम प्राधिकार्‍यांनी उपरोक्त 55 प्रकरणांमध्ये अंतिम निर्णय घेतला.

R.Aghor/S.Chavan/P.Malandkar

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai