అటల్ ఇన్నోవేషన్ మిషన్ (ఏఐఎం) నీతి ఆయోగ్‌లు  ఈరోజు ఏఐఎం యొక్క అటల్ టింకరింగ్ ల్యాబ్స్ ప్రోగ్రామ్ కింద ఫ్లాగ్‌షిప్ ఇన్నోవేషన్ ఛాలెంజ్ అయిన ‘ఏటీఎల్‌ మారథాన్ 2022-23’ కోసం దరఖాస్తుల ప్రక్రియను ప్రారంభించాయి.

ఏటీఎల్‌ మారథాన్ అనేది భారతదేశ వ్యాప్తంగా యువ ఆవిష్కర్తలకు అవకాశం అందిస్తుంది. తద్వారా వారు జాతీయ స్థాయి ఆవిష్కరణలతో పాటు  సమాజంలోని సమస్యలకు వినూత్న పరిష్కారాలను వర్కింగ్ ప్రోటోటైప్‌లు లేదా కనీస ఆచరణీయ ఉత్పత్తి (ఎంవిపీ) రూపంలో అభివృద్ధి చేయవచ్చు.

మారథాన్ యొక్క గత ఎడిషన్ 7000పైగా ఆవిష్కరణలను చూసింది. వాటిలో టాప్ 350 భారతదేశంలోని ప్రముఖ కంపెనీలతో ఇంటర్న్‌షిప్ అవకాశాలు, ఏఐఎం,నీతిI ఆయోగ్ నుండి బహుమతులు మరియు సర్టిఫికేట్‌లను పొందాయి. ఈ సంవత్సరం ఏటీఎల్‌ మారథాన్ మరింత పెద్దదిగా మరియు గొప్పగా ఉండబోతోంది.

ఏటీఎల్‌  మారథాన్ ఈ ఎడిషన్ యొక్క థీమ్ "ఇండియాస్ జీ20 ప్రెసిడెన్సీ". భారతదేశం ఈ సంవత్సరం జీ20 అధ్యక్ష బాధ్యతలు స్వీకరించినందున ఏఐఎం దృష్టి సారించే సంబంధిత రంగాలలో అంతర్జాతీయంగా సంబంధిత సమస్యలపై సిఫార్సులను ప్రేరేపించే జీ20  వర్కింగ్ గ్రూప్ ఆధారంగా సమస్య ప్రకటనలను రూపొందించింది.

వివిధ రంగాలలోని ప్రపంచ సమస్యలను పరిష్కరించడం ద్వారా మెరుగైన భారతదేశం కోసం మాత్రమే కాకుండా ప్రపంచానికి ఆవిష్కరణలు చేయడానికి విద్యార్థులకు భారీ అవకాశాన్ని సృష్టించడం దీని ఆలోచన. ఇది భారతదేశానికి ప్రత్యేక స్థానిక మరియు ప్రపంచ సమస్యలను పరిష్కరించడానికి విద్యార్థులకు ఒక ప్రత్యేక అవకాశం.

ఈ సంవత్సరం విద్యార్థులు పేర్కొన్న థీమ్‌లు కాకుండా ప్రాంతాలలో ప్రాజెక్ట్‌లను సమర్పించే అవకాశం ఉంది. విద్యార్థులు ఇచ్చిన సమస్య ప్రకటనలకు భిన్నంగా స్థానిక కమ్యూనిటీ సమస్యలను పరిష్కరించగలరు.

ఏటీఎల్‌ మారథాన్ 2022-23 హిందీలో కూడా అందుబాటులో ఉంది. విద్యార్థులు ఏటీఎల్‌ మారథాన్ గురించిన అన్ని వివరాలను ఇంగ్లీష్ & హిందీలో పొందవచ్చు మరియు రెండు భాషలలో వారి ఎంట్రీలను సమర్పించవచ్చు.

అగ్రశ్రేణి జట్లు స్టూడెంట్ ఇన్నోవేటర్ ప్రోగ్రామ్ ద్వారా భారతదేశంలోని ప్రముఖ కార్పొరేట్‌లు & ఇంక్యుబేషన్ సెంటర్‌లతో ఇంటర్న్‌షిప్ అవకాశాన్ని పొందుతాయి.ఏఐఎం, నీతి ఆయోగ్ నుండి సర్టిఫికేట్లు మరియు మరెన్నో ఉత్తేజకరమైన అవకాశాలను పొందుతాయి.

ఛాలెంజ్‌ను ఆవిష్కరించిన ఏఐఎం మిషన్ డైరెక్టర్ డాక్టర్ చింతన్ వైష్ణవ్ మాట్లాడుతూ “ఇది మనందరికీ ఉత్తేజకరమైన క్షణం. మేము గత మారథాన్‌ల నుండి కొన్ని అద్భుతమైన ఆవిష్కరణలను చూశాము మరియు ఈ సంవత్సరం కూడా మేము కొన్ని ఉత్తేజకరమైన ఆవిష్కరణలను చూస్తాము. విద్యార్థుల కోసం ఏటిఎల్‌ మారథాన్ అనేది ఒక గొప్ప బృందాన్ని నిర్మించడం నుండి జాతీయ ప్రాముఖ్యత కలిగిన సమస్యను పరిష్కరించడం వరకు ఒక గొప్ప ప్రయాణం" అని తెలిపారు.

ఈ సంవత్సరం థీమ్ యొక్క ప్రాముఖ్యతను నొక్కి చెబుతూ జీ20 ప్రపంచ సంబంధిత సమస్యల నుండి ఉద్భవించిన సమస్యల ప్రకటనలపై విద్యార్థులు కృషి చేస్తారని, ఈ సంవత్సరం మారథాన్ చాలా కీలకమైనదిగా ఉంటుందని ఆయన అన్నారు. విద్యార్థులు ముందుకు వచ్చి ఈ సువర్ణావకాశంలో భాగస్వాములు కావాలని ఆయన కోరారు.
 

ఏటిఎల్‌ మారథాన్ 2023లో విద్యార్థి  ప్రయాణం


సమస్యలను ప్రకటించిన రంగాలు
 

1. చదువు
2. ఆరోగ్యం
3. వ్యవసాయం
4. ఎన్విరాన్‌మెంట్ & క్లైమేట్ సస్టైనబిలిటీ
5. అభివృద్ధి
6. డిజిటల్ ఎకానమీ
7. పర్యాటకం
8. ఇతరులు (మీ స్వంత సమస్యను గుర్తించి దాన్ని పరిష్కరించడం)

మరింత సమాచారం కోసం, విద్యార్థులు ఇక్కడ తనిఖీ చేయవచ్చు  https://innovateindia.mygov.in/atl-marathon-2022/

***