য়ুমলৈ-কৈরৈ মন্ত্রালয়

প্রধান মন্ত্রী নরেন্দ্র মোদীনা সিলোংদা পাঙথোকপা নোর্থ-ইস্তর্ন কাউন্সিল (এন.ই.সি.)গী সনা ফুদোংবা থৌরদা শরুক য়াখ্রে


এন.ই.সি. মীফম অদুদা, প্রধান মন্ত্রী নরেন্দ্র মোদীনা হৌখিবা চহি ৫০দা তৌখিবা থবকশিংবু থাগৎখি অমদি এন.ই.সি.দা অৱাং নোংপোক্তা চাওখৎপগী তোঙান তোঙানবা মায়ওনশিংগী ব্লুপ্রিন্ত অমা শেমদুনা লাক্কদৌরিবা চহি ২৫সিগী পান্দমশিং থম্নবা ৱাফমসু থমখি

নরেন্দ্র মোদীনা প্রধান মন্ত্রী ওইরকপদগী অৱাংন-নোংপোক্না ইং তপ্পা অমদি চাওখৎপগী লম্বীদা চঙশিল্লক্লি

প্রধান মন্ত্রী নরেন্দ্র মোদীনা মতম পুম্নমক্তা অৱাং নোংপোক্তা অহেনবা মীৎয়েঙ চঙদুনা লাক্লি, প্রধান মন্ত্রী মশামক হৌখিবা চহি ৮সিদা অৱাং-নোংপোক্তা ৫০রক হেন্না লাকখ্রে, অদুগা মন্ত্রীশিংসু অৱাং-নোংপোক্তা ৪০০রক হেন্না লাকখ্রে

অৱাং-নোংপোক মমাঙদা বন্দ, ৱাকৎ মীফম, বোম্ব পোখায়বা অমদি নোংমৈ কাপ্নবগীদমক খঙনরম্মী, অদুবু শ্রী মোদীনা য়েৎনবশিং শন্তাইনদুনা অৱাং-নোংপোক্তা ইং-তপ্পা পুরক্লে

মমাঙদা অৱাং-নোংপোক্তগী অফ্সপা লৌথোক্নবা দিমান্দ অমা লৈরম্মী, হৌজিক্তি ভারত লৈঙাক মশামক্না অফ্সপা লৌথোক্নবা থৌরাং লৌখৎপনা হায়রিবা দিমান্দ অসি মখা তানা লৈত্রে

মমাঙদা অৱাং-নোংপোক্তা থাদখিবা ফন্দশিং খ্বায়দগী মখা থংবা শরুক্তা য়ৌরমদে, অদুবু শ্রী মোদীনা প্রধান মন্ত্রী ওইরক্লবা মতুংদা,

Posted On: 18 DEC 2022 4:10PM by PIB Imphal

প্রধান মন্ত্রী নরেন্দ্র মোদী অমদি কেন্দ্রগী গৃহ অমদি কোওপরেসন মন্ত্রী শ্রী অমিৎ সাহনা ঙসি মেঘালয়গী সিলোংদা পাঙথোকপা নোর্থ-ইস্ত কাউন্সিলগী সনা ফুদোংবা থৌরমদা শরুক য়াখ্রে‍। থৌরম অদুদা মেঘালয়গী গভর্নর ব্রিগেদিয়র (দোক্তর) বি.দি. মিস্রা, মেঘালয়গী মুখ্য মন্ত্রী কোনরদ সংমা অমদি অতৈ অৱাং-নোংপোক স্তেতশিংগী মুখ্য মন্ত্রীশিং য়াওনা মীথুং কয়ানা শরুক য়াখি‍।

প্রধান মন্ত্রী নরেন্দ্র মোদীনা থৌরম মপু ওইদুনা হন্দক্তা পাঙথোকলখিবা নোর্থ-ইস্ত কাউন্সিলগী মীফমদা, প্রধান মন্ত্রীনা হৌখিবা চহি ৫০সিদা নোর্থ ইস্ত কাউন্সিলনা পাঙথোকখিবা থবকশিং শিংথাখিবতা নত্তনা এন.ই.সি.দা অৱাং নোংপোক্তা চাওখৎপগী তোঙান তোঙানবা মায়ওনশিংগী ব্লুপ্রিন্ত অমা শেমদুনা লাক্কদৌরিবা চহি ২৫সিগী পান্দমশিং থম্নবা ৱাফমসু থমখি‍ হায়না কেন্দ্র মন্ত্রীনা হায়খি‍। ঙসি প্রধান মন্ত্রী নরেন্দ্র মোদীগী লুচিং মখাদা অৱাং-নোংপোক্না ইং তপ্পা অমদি চাওখৎপগী লম্বীদা চঙশিল্লি‍।

মমাঙদা অৱাং-নোংপোক্তা থাদখিবা ফন্দশিং খ্বায়দগী মখা থংবা শরুক্তা য়ৌরমদে, অদুবু শ্রী মোদীনা প্রধান মন্ত্রী ওইরক্লবা মতুংদা, ফন্দশিং অসি খুঙ্গঙশিংদা য়ৌরি অমদি চাওখৎ থৌরাংগীদমক শীজিন্নরি, অমদি মসি অচৌবা মায় পাকপা অমনি হায়না শ্রী সাহনা হায়খি‍। প্রধান মন্ত্রী নরেন্দ্র মোদীনা মতম পুম্নমক্তা অৱাং নোংপোক্তা অহেনবা মীৎয়েঙ চঙদুনা লাক্লি‍। প্রধান মন্ত্রী মশামক হৌখিবা চহি ৮সিদা অৱাং-নোংপোক্তা ৫০রক হেন্না লাকখ্রে, অদুগা মন্ত্রীশিংসু অৱাং-নোংপোক্তা ৪০০রক হেন্না লাকখ্রে হায়না মহাক্না মখা তাখি‍।

মমাঙদদি নোর্থ-ইস্ত কাউন্সিলদা বজেৎকী চাকথুং অকক্ননা থুংলম্বনা মরম ওইরগা অৱাং-নোংপোক লমদমদা চাউখৎপা থিন্থরম্বনি, অদুবু প্রধান মন্ত্রীনা অচৌবা ইনফ্রাস্ত্রকচর প্রোজেক্তশিং কেন্দ্রগী থাক্তা পায়খত্তুনা অৱাং-নোংপোক্কী ইনফ্রাস্ত্রকচরদা অনৌবা মশক অমদি মায়ওন অমা পীরি‍। ফীভম ফগৎলবা ইনফ্রাস্ত্রকচরনা মরম ওইরগা, অৱাং-নোংপোক্তা তুরিজমগী মতিংসু হেনগৎলে, অমদি অপীকপা ইন্দস্ত্রী, মহৈ মশিংগী ইনস্তিত্যুসন অমদি শান্ন-খোৎনবগা মরী লৈনবা ইনস্তিত্যুসন কয়াসু হাংদোরক্লি‍। প্রধান মন্ত্রীনা অৱাং নোংপোক স্তেত খুদিংমক্কী কোনুংশিংবু লম্বী, ত্রেন অমদি নোংথক্কী পাম্বৈনা শম্নহন্নবা প্রোজেক্তশিং পায়খৎলে হায়না কেন্দ্রগী গৃহ অমদি কোওপরেসন মন্ত্রীনা ফোঙদোকখি‍।

প্রধান মন্ত্রীগী লুচিংনা মরম ওইরগা অৱাং-নোংপোক হৌজিক্তি য়েৎনবা অমত্তা লৈত্রে অমদি লমদমসিদা ইং তপ্পা পুরক্লে হায়না কেন্দ্র মন্ত্রী শ্রী অমিত সাহনা হায়খি‍। চহি নিপানগী মমাঙ ফাওবা, অৱাং নোংপোক পুম্বা বন্দ, স্ত্রাইক, বোম্বা পোকখায়বা অমদি নোংমৈ কাপ্নবগীদমক খঙনরম্মী, অমদি মিলিতেন্ত গ্রুপশিংগী থবক থৌওংনা মরম ওইরগা অৱাং-নোংপোক লম্দমগী মীওইশিং তংদু লৈতান লৈবা ফংলমদে‍। হৌখিবা চহি নিপানসিদা, লালহৌবগা মরী লৈনবা থৌদোক ৭৪% হন্থরে, সিক্যুরিতী ফোর্সতা লান্দাবগী থৌদোক ৬০% হন্থরে অমদি মীচম শিবগী চাং ৮৯% হন্থরে, অদুগা নহা ৮০০০লোম চঙজরক্তুনা মহৌশাগী পুন্সিদা হঞ্জিল্লক্লে‍। হায়রিবা অচৌবা মায় পাকপশিং অসি প্রধান মন্ত্রীগী লুচিং অসিনা ওইথোকপা ঙমহল্লিবনি মরমদি ইং-তপ্পা য়াওদনা চাওখৎ-থৌরাং, মহৈ মশিং অমদি হকশেলগী ইনস্তিত্যুসনশিং চাওখৎহনবা হায়বসি ওইথোক্তবনি হায়না শ্রী সাহনা হায়খি‍।

প্রধান মন্ত্রী নরেন্দ্র মোদীগী লৈঙাক মনুংদা, ২০১৯দা এন.এল.এফ.তি. এগ্রীমেন্ত, ২০২০গী ব্রু অমদি বোরো এগ্রীমেন্ত, অমদি ২০২১গী কার্বি এগ্রীমেন্ত য়ানখি‍ হায়না শ্রী অমিত সাহনা হায়খি‍। ্রসাম-মেঘালয় অমদি অসাম-অরুনাচল ঙমখৈগী য়েৎনবসু লোইশিল্লবগুম্বনি, অমদি ইং-তপ্পা অমুক হঞ্জিনহল্লকপনা মরম ওইরগা, অৱাং-নোংপোক লমদমনা চাওখৎপগী লম্বীদা চঙশিল্লি‍। মসিগী খ্বায়দগী চাউবা খুদমদি মমাঙদা অৱাং-নোংপোক্তগী অফ্সপা লৌথোক্নবা দিমান্দ অমা লৈরম্মী, হৌজিক্তি হায়রিবা দিমান্দ অসি মখা তানা লৈত্রে, মদুগী মহুত্তা ভারত লৈঙাক্না অফ্সপা লৌথোক্নবা থৌরাং অমদি খোঙথাঙশিং লৌখৎলি‍। অসামগী লমগী ৬০%, নগালেন্দগী দিস্ত্রকি্ত তরেৎ, মনিপুরগী দিস্ত্রিক্ত তরুক্তা পুলিস স্তেসন ১৫না কোনবা মফম, অমদি ত্রিপুরা অমদি মেঘালয়না মপুং ফানা অফ্সপা লৈত্রে অদুগা অরুনাচল প্রদেশকী ওইনা অফ্সপা লৌথোক্কদবা দিস্ত্রিক্ত অমখক্তা ঙায়রে হায়না মহাক্না হায়খি‍।

লৈবাকসিগী অতৈ মফমগুম্না অৱাং নোংপোক্তা চাওখৎপা, ইহ-তপ্পা, থবক নীংথিনা পীবা ঙম্বা ফীভম পুরক্নবা এন.ই.সি.গীদমক প্রধান মন্ত্রী শ্রী নরেন্দ্র মোদীনা থম্লিবা পান্দম অসি এন.ই.সি. অমদি অৱাং-নোংপোক স্তেতশিংগী মুখ্য মন্ত্রীশিংনা ফংবা ঙম্ননবা খোঙফম চেৎনা লেপ্তুনা হোৎনরক্কনি হায়না কেন্দ্রগী গৃহ মন্ত্রীনা থাজবা ফোঙদোকখি‍।

*****



(Release ID: 1884670) Visitor Counter : 110