প্রধান মন্ত্রী, শ্রী নরেন্দ্র মোদীনা দিসেম্বর ১৮, ২০২২দা শিল্লোংদা পাংথোক্কদৌরিবা নোর্থ ইস্তর্ন কাউন্সিল (এন.ই.সি.)গী গোলদন জুবিলী সেলেব্রেসন্দা শরুক য়াগনি। থৌরমসিদা মহাক্না এন.ই.সি.গী ওফিসিএল মীফমগা লোয়ননা অমসুং মীয়ামগী মীফমদা ৱা ঙাংগনি।

কাউন্সিল অসিগী ওফিসিএল মীফম অমা স্তেত কনভেন্সন সেন্তর ওদোতোতিয়মদা পাংথোক্কনি অমসুং মীয়ামগী মীফম্না শিল্লোংগী পোলো গ্রাউন্দদা পাংথোক্কনি।

কেন্দ্রগী গৃহ মন্ত্রী, দোনর মন্ত্রী, অৱাং নোংপোক রাজ্যশিংগী রাজ্যপাল অমসুং মুখ্য মন্ত্রীশিং, অৱাং নোংপোক লমদমদগী থোকখিবা কেন্দ্রগী মন্ত্রীশিং, লোকেল এম.পি. অমসুং এম.এল.এ. অমসুং এন.ই.সি.গী মেম্বরশিংসু থৌরমসিদা শরুক য়াগনি।

মখোয়গা লোয়ননা, রাজ্যশিংগী চীফ সেক্রেতরী, কেন্দ্র মন্ত্রালয়গী অখন্ননা খনগৎলবা সেক্রেতরী, অৱাং নোংপোক রাজ্যশিংগী সেনিয়র ওফিসর অমসুং এন.ই.সি.গী তেংবাংদগী লিংখৎপা শক্নাইরবা ইন্সতিত্যুসনশিংগী মকোকশিংসু থৌরম অসিদা শরুক য়ানবা পাউজেল পীখি।

লোকেল মীয়ামগা লোয়ননা অৱাং নোংপোক রাজ্য ৮মক্কী শক্নাইরবা নাগ্রিক, তোপ-তোপ্পা মায় পাকপা ফংলবশিং, সেল্ফ হেল্প গ্রুপ, ফার্মর গ্রুপশিংগী মীহুতশিংসু মীয়ামগী মীফমসিদা শরুক য়াগনি। মীয়মগী মীফমসিদা চাউরাক্না মীওই ১০,০০০না শরুক য়াগনি হায়বগী থাজবা থম্লি।

নোর্থ ইস্তর্ন কাউন্সিল (এন.ই.সি.) অসি ইং ১৯৭১দা পার্লিয়ামেন্ত অমগী এক্ত অমনা লিংখৎখিবনি। মসিবু শিল্লোংদা নবেম্বর ৭, ১৯৭২দা ফোর্মেল ওইনা হৌদোকখি অমসুং নবেম্বর ২০২২দা চহি ৫০ মপুং ফাখ্রে।

কেন্দ্রগী গৃহ মন্ত্রী অমসুং এন.ই.সি.গী চেয়রমেনগী লুচিং মখাদা ওক্তোবর ২০২২দা গুৱাহাতীদা পাংথোকখিবা ৭০শুবা প্লেনরী মীফমদা এন.ই.সি.গী মায় পাকপগী মসিগুম্বা মরু ওইবা থৌরম্বু চুনবা মওংদা পাংথোকপা হায়বগী ৱারেপ লৌখি। মসিগী মখা পোন্না, নোর্থ ইস্তর্ন কাউন্সিল (এন.ই.সি.)গী গোলদন জুবিলী সেলেব্রেসন অসি দিসেম্বর ১৮, ২০২২দা শিল্লোংদা পাংথোক্লিবনি।

প্রধান মন্ত্রীনা নুমিৎসিদা শিল্লোংগী ইন্দিয়ন ইন্সতিত্যুত ওফ মেনেজমেন্ত (আই.আই.এম.), এন.ই.সি. অমসুং মেঘালয় রাজ্যগী প্রোজেক্তশিং য়াওনা অৱাং নোংপোক লমদমগী মরু ওইবা প্রোজেক্তশিং শঙ্গাগনি অমসুং অতোপ্পা প্রোজেক্ত খরগী উরেপ উয়ুংসু তমগনি। মহাক্না মেঘালয়গী ৪জি. তাৱরশিংসু থৌরম অসিদা মীয়ামদা খুৎশিন্নগনি।

গোলদন জুবিলীগী থৌরমসিদা অৱাং নোংপোক লমদমগী চাউখৎ-থৌরাংদা এন.ই.সি.না মমাংগী চহি ৫০দগী থৌদাং য়াদুনা লাকখিবা ৱাফমশিং খোমজিনবা, দি “গোলদন ফুতপ্রিন্ত” হায়বা ভোল্যুম অমসু ফোঙগনি। লাইরিক অসিদা য়াওরিবা ৱাফম খুদিংমক কাউন্সিল অসিগী আর্কাইব অমসুং কাউন্সিল অসিগী মেম্বর রাজ্য ৮গী ওফিসিএল রেকোর্দশিংদগী লৌবনি অমসুং ইকুই কুইদ্রিবা মতমশিংদা এন.ই.সি.না তেংবাংদুনা পায়খৎখিবা আইকোনিক ওইরবা ইনফ্রাস্ত্রকচর অমসুং চাউখৎ-থৌরাংগী থবকশিংসু লাইরিক অসিদা কলরদা উৎলি। 

জুবিলী সেলেব্রেসন অসিনা লাক্কদৌরিবা মতমশিংদা হেন্না ফগৎপা মতম পীবা ঙমহন্নবা অমসুং হৌখিবা দিকেদ মঙাসিদা অৱাং নোংপোক রাজ্য ৮ শিনবা থুংবদা নিংথিনা পাংথোকখিবগুম্না চাউখৎ-থৌরাংগী অহেনবা থবক থৌরমশিং পয়াখৎপা ঙমহন্নবা এন.ই.সি.গী মফমদা অনৌবা প্লেতফোর্ম অমা পীগনি হায়বগী থাজবা থম্লি।

***