రాజ‌స్థాన్ బికనీర్‌లో 1,000 మెగావాట్ల సౌర విద్యుత్ ప్రాజెక్టు కోసం ఎస్‌జెవిఎన్ గ్రీన్ ఎన‌ర్జీ లిమిటెడ్‌తో రూ. 4,444.71 కోట్ల చారిత్ర‌క రుణ ఒప్పందంపై ఇండియ‌న్ రెన్యూవ‌బుల్ ఎన‌ర్జీ డెవ‌ల‌ప్‌మెంట్ ఏజెన్సీ లిమిటెడ్ (ఐఆర్ఇడిఎ) సంత‌కాలు చేసింది. 
ఐఆర్ఇడిఎ నిధుల‌తో నిర్మిత‌మ‌వుతున్న ఈ ప్రాజెక్టు  బిక‌నీర్ -2 (బిక‌నీర్ స‌మీపంలో) 400/200 కెవి స‌బ్‌స్టేష‌న్ ల‌ను అనుసంధానం చేస్తుంది. విజిఎఫ్ మ‌ద్దతుపై ఆధార‌ప‌డి పోటీ బిడ్డింగ్ ప్ర‌క్రియ ద్వారా గ్రిడ్ క‌నెక్టెడ్ సోలార్ పివి ప‌వ‌ర్ ప్రాజెక్టు అభివృద్ధి కోసం సిపిఎస్‌యు ఫేజ్‌-2, (ట్రాంచ్ 3) ప‌థ‌కం కింద ఐఆర్ ఇడిఎ విడుద‌ల చేసిన టెండ‌ర్ ద్వారా ఎస్‌జెవిఎన్ ఈ ప్రాజెక్టును కైవ‌సం చేసుకుంది. 
ఈ సంద‌ర్భంగా మాట్లాడుతూ, 100 మెగావాట్ల సోలార్ ప్రాజెక్టు కోసం ఎస్‌జిఇఎల్‌కు అత్య‌ధిక రుణ మొత్తాన్ని ఐఆర్ఇడిఎ మంజూరు చేయ‌డం మాకు హ‌ర్ష‌దాయ‌కం అని ఐఆర్ఇడిఎ సిఎండి అన్నారు. 2030 నాటికి శిలాజేత‌ర ఇంధ‌నాల వాటా 50%గా ఉండాల‌ని భార‌త ప్ర‌భుత్వం పెట్టుకున్న ల‌క్ష్యానికి ఇటువంటి స‌హ‌కారం ద్వారా మేము మ‌ద్ద‌తునందించగ‌లుగు తున్నాము. అంతేకాకుండా, ఈ భాగ‌స్వామ్యం హ‌రిత పెట్టుబ‌డుదార‌ల‌ను ఆక‌ర్‌సించ‌డ‌మే కాక ప్ర‌త్య‌క్ష‌, ప‌రోక్ష ఉపాధి అవ‌కాశాల‌ను క‌లిగిస్తుంది. 
ఐఆర్ఇడిఎ సిఎండి శ్రీ ప్ర‌దీప్ కుమార్ ద్వాస్ , ఎస్‌జెవిఎన్ సిఎండి శ్రీ నంద‌లాల్ శ‌ర్మ‌ల స‌మ‌క్షంలో డిజిఎం (ఐఆర్ఇడిఎ ) శ్రీ ప్ర‌దీప్త కుమార్ రాయ్‌, సిఇఒ (ఎస్‌జిఇఎల్‌) శ్రీ ఎస్‌.ఎల్‌. శ‌ర్మ ఐఆర్ఇడిఎ కార్పొరేట్ కార్యాల‌యంలో ఈ రుణ ఒప్పందంపై సంత‌కాలు చేశారు. ఈ కార్య‌క్ర‌మంలో ఐఆర్ఇడిఎ  (సాంకేతిక‌) డైరెక్ట‌ర్ శ్రీ చింత‌న్ షా, ఎస్‌జెవిఎన్ (ఫైనాన్స్‌) డైరెక్ట‌ర్ శ్రీ ఎ.కె. సింగ్‌, సిఎఫ్ఒ డాక్ట‌ర్ ఆర్‌.సి. శ‌ర్మ‌, ఐఆర్ఇడిఎ జిఎం (టిఎస్‌) శ్రీ‌మ‌తి దేబ‌జ‌నీ భాటియా, ఇత‌ర సీనియ‌ర్ అధికారులు పాల్గొన్నారు. 

***