આંતરરાષ્ટ્રીય ધોરણો સુધી પહોંચવા માટે ઉભરતા ખેલાડીઓ માટે વિદેશોમાં કોચિંગ કેમ્પ સહિત રમતગમતના માળખાકીય માળખાના વિકાસ અને વિશ્વ કક્ષાની તાલીમ સુવિધાઓ માટે સરકારે પર્યાપ્ત ભંડોળ પૂરું પાડ્યું છે. ખેલો ઈન્ડિયા સ્કીમ, નેશનલ સ્પોર્ટ્સ ફેડરેશનને સહાયતા, ટાર્ગેટ ઓલિમ્પિક પોડિયમ સ્કીમ અને સ્પોર્ટ્સ ઓથોરિટી ઓફ ઈન્ડિયાની સ્પોર્ટ્સ પ્રમોશનલ સ્કીમ્સ જેવી યોજનાઓ દ્વારા આ સિદ્ધ કરવામાં આવ્યું છે. આ યોજનાઓ હેઠળ ભંડોળ માંગ આધારિત છે. પ્રાપ્ત દરખાસ્તો તેની તકનીકી સંભવિતતા અને યોજના માર્ગદર્શિકાના આધારે મંજૂર કરવામાં આવે છે.

‘રમતગમત’ રાજ્યનો વિષય હોવાથી રમતગમતના વિકાસની જવાબદારી મુખ્યત્વે રાજ્ય સરકારની છે. કેન્દ્ર સરકાર તેમના પ્રયત્નોને પૂરક બનાવે છે. ખેલો ઈન્ડિયા યોજના હેઠળ, આ મંત્રાલયે ઝાંસી જિલ્લામાં 1 ખેલો ઈન્ડિયા સેન્ટરને મંજૂરી આપી છે. વધુમાં, ઉત્તર પ્રદેશ રાજ્યમાં 23 વિવિધલક્ષી હોલ સહિત 30 સ્પોર્ટ્સ ઈન્ફ્રાસ્ટ્રક્ચર પ્રોજેક્ટ્સને મંજૂરી આપવામાં આવી છે.

યુવા બાબતો અને રમતગમત મંત્રી શ્રી અનુરાગ ઠાકુરે આજે લોકસભામાં એક લેખિત જવાબમાં આ માહિતી આપી હતી.

YP/GP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com