হকশেল অমসুং য়াইফ-য়ুম্বাল মন্ত্রালয়
শিংথানিঙাই ওইনা ভারতকী ইনফ্রাস্ত্রচর খুমাঙচাউনশিনবা অমা ওইনা অমসুং লৈবাক অসিগী হকশেলগী রিছর্স চাউখৎনবা, প্রধান মন্ত্রী শ্রী নরেন্দ্র মোদীনা নাগপুরদা নেসনেল ইন্সতিতুৎ ফোর ৱান হেল্থ উরেপ-উয়ুং তমগনি
অনৌবা অমসুং মশক খঙদবা জুনোতিক এজেন্তশিং মশক খঙদোক্নবগীদমক থৌরাং তৌবা অমসুং লেবোরেতোরিগী তৌবা ঙম্বশিং হেনগৎহন্নবা ইন্সতিতুৎ অসিনা মীৎয়েং চংগনি
প্রধান মন্ত্রীনা সেন্তর ফোর রিছর্স, মেনেজমেন্ত এন্দ কন্ত্রোল ওফ হেমোগ্লোবিনোপেথিস শঙ্গাগনি, মসিনা লৈবাক অসিদা হেমোগ্লোবিনোপেথিস অমসুং মসিগা মান্নবা লায়নাশিংগী মরমদা থিজিনবদা অচৌবা থৌদাং অমা লৌগনি
Posted On:
10 DEC 2022 2:09PM by PIB Imphal
প্রধান মন্ত্রী শ্রী নরেন্দ্র মোদীনা দিশেম্বর ১১, ২০২২দা নাগপুরদা নেসনেল ইন্সতিতুৎ ফোর ৱান হেল্থ শানবা উরেপ-উয়ুং তমগনি অমসুং সেন্তর ফোর রিছর্স, মেনেজমেন্ত এন্দ কন্ত্রোল ওফ হেমোগ্লোবিনোপেথিস শঙ্গাগনি।
ইন্সতিতুৎশিং অসিনা মখা তানা লৈবাক অসিদা হকশেলগী লমদা থিজিনবগী থবক য়াংখৎহন্দুনা লায়না কয়া মায়োক্নরিবা ঐখোয়গী মীয়াম সেবা তৌগনি। প্রধান মন্ত্রীনা নেসনেল ইন্সতিতুৎ ফোর ৱান হেল্থ, নাগপুর উরেপ-উয়ুং তম্বা অমসুং আই.সি.এম.আর-সেন্তর ফোর রিছর্স, মেনেজমেন্ত এন্দ কন্ত্রোল ওফ হেমোগ্লোবিনোপেথিস, চন্দ্রাপুর শঙ্গাবা থৌরম অদুদা হেল্থ অমসুং ফেমিলি ৱেলফিয়ারগী রাজ্য মন্ত্রী দোক্তর ভারতি প্রবিন পৱার, হেল্থ অমসুং ফেমিলি ৱেলফিয়ার মিনিস্ত্রিগী হেল্থ রিছর্স দিপার্তমেন্তগী সেক্রেতরি অমসুং ইন্দিয়ান কাউন্সিল ওফ মেদিকেল রিছর্সকী দিরেক্তর দোক্তর রজিব বাল শরুক য়াগনি।
মীওইবগা য়ুমদা য়োকপা অমসুং লম্লক্কী শা-উচেকশিংগা তোৎন-তিন্নবা হেনগৎলকপা অমসুং অইং-অশাগী খল হোংলকপনা চৈথেং পীবদগী, মীওইবগী হকশেল অসি মখা তানা নাইতোম লৈবা ঙমদ্রে। মীয়াম্না মায়োক্নরিবা লায়নাশিংগী তঙ্খাই অমদি শা-উচেকশিংনা শন্দোকপনি। হিরম অসিগী মতাংদা, নাগপুরগী নেসনেল ইন্সতিতুৎ ফোর ৱান হেল্থ অসি ভারতকী মরুওইবা ইনফ্রাস্ত্রকচরগী খুমাঙ চাউশিনবা অমনি। অনৌবা অমসুং মশক খঙদবা জুনোতিক এজেন্তশিং মশক খঙদোক্নবগীদমক থৌরাং তৌবা অমসুং লেবোরেতোরিগী তৌবা ঙম্বশিং হেনগৎহন্নবা ইন্সতিতুৎ অসিনা মীৎয়েং চংগনি। কৎথোক্লবা ইন্সতিতুৎ অসিদা বাইও সেফতি লেভেল(বি এস এল-৪) লেবোরেতোরি লৈগনি। মীয়ামগী হকশেলদা অমাঙবা ওইগদবা জুনোতিক এজেন্তশিংনা লাইচৎ শন্দোরকপা মতমদা থিজিনবদা ইন্সতিতুৎ অসিনা মতেং পাংগনি অমসুং লাইচৎ লাকশিন্নবা হেন্না ফবা পাম্বৈশিং পুথোক্কনি।
ময়াই থংবা ভারতকী ত্রাইবেলশিংনা মশিং য়াম্না খু্ন্দাবা বিদারভা লমদমদা সিক্কল সেল লায়না নাবগী চাং য়াম্না ৱাংলি অমসুং অকক্নবা ত্রাইবেল ফুরুপশিং চাদা ৩৫ ফাওবা লায়না অসি মায়োক্নরি। ফিবম অসি খঙবদগী অমসুং লৈবাক্কী মফম কয়াদা মসিগা মান্নবা লায়নাশিং শন্দোকপা অসি য়েংলগা, আই.সি.এম.আর-সেন্তর ফোর রিছর্স, মেনেজমেন্ত এন্দ কন্ত্রোল ওফ হেমোগ্লোবিনোপেথিস লিংখৎখিবনি অমসুং মসিনা লৈবাক অসিদা হেমোগ্লোবিনোপেথিস অমসুং মসিগা মান্নবা লায়নাশিংগী মরমদা থিজিনবদা অচৌবা থৌদাং অমা লৌগনি। বাইও-বেঙ্কিং অমসুং প্রোতিওমাইক্সকী খুদোংচাবশিং য়াওনা সেন্তর অসিদা খ্বাইদগী নৌবা দাইগনোস্তিক অমসুং রিছর্সকী খুদোংচাবশিং লৈরে অমসুং মসিনা লায়না অসিগী মরমদা ভারতনা অনৌবা থিজিনবগী থবক কয়া পাংথোকপা ঙমহল্লগনি। মেদিকেল এক্সলেন্সকী সেন্তর অসি মমা-মপাদগী থংথরকপা হেমোগ্লোবিনগী লায়না অমসুং β-থালাসসেমিয়া সিন্দ্রোমশিং অমসুং সিক্কল সেল দিজিজ হেমোগ্লোবিনোপেথিসদা কৎথোক্লবনি। সেন্তর অসিনা কম্মুনিতি কন্ত্রোল প্রোগ্রামশিংদা শরুক য়াগনি অমসুং মসিনা চান্দ্রাপুর অমসুং মসিগী অকোয়বদা লৈবা মফমশিংদা লৈবা অনাবশিংদা রিছর্সকী খুদোংচাবশিং ফংহনগনি।
*****
(Release ID: 1882404)
Visitor Counter : 142