جناب ہنس راج گنگارام اہیر نے آج یہاں پسماندہ طبقات کے لئے قومی کمیشن کے چیئرپرسن کا چارج سنبھال لیا۔ ان کا تعلق ریاست مہاراشٹر کے ضلع چندر پور سے ہے۔ وہ پیشے کے اعتبار سے ایک زرعی ماہرہیں۔

جناب ہنس راج گنگارام اہیر، مہاراشٹرکےپارلیمانی حلقہ چندر پور سے چار مرتبہ  رکن پارلیمنٹ منتخب ہوئے اور وہ مہاراشٹر قانون ساز کونسل کے رکن بھی رہے۔ وہ پارلیمنٹ کی مختلف قائمہ کمیٹیوں کے رکن رہ چکے ہیں اور کوئلہ اور اسٹیل سے متعلق پارلیمانی قائمہ کمیٹی کے چیئرپرسن کے طور پر بھی خدمات انجام دے چکے ہیں۔ وہ 16ویں لوک سبھا میں ، حکومت ہند میں مرکزی وزیر مملکت برائے داخلہ اور کیمیکل اور فرٹیلائزر کےمرکزی وزیرمملکت رہ چکے ہیں۔

*****

(ش ح - اع - ر ا)   

U.No.1323