ମାନନୀୟ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ “ମିଶନ୍ କର୍ମଯୋଗୀ” ମାଧ୍ୟମରେ ସରକାରଙ୍କ ମାନବ ସମ୍ବଳ ପରିଚାଳନା ଅଭ୍ୟାସରେ ଉନ୍ନତି ଆଣିବା ପାଇଁ , କ୍ୟାବିନେଟ ସଚିବ , ଶ୍ରୀ ରାଜୀବ ଗୌବା ପ୍ରତ୍ୟେକ ମନ୍ତ୍ରଣାଳୟ / ବିଭାଗର ବାର୍ଷିକ ସାମର୍ଥ୍ୟ ନିର୍ମାଣ ଯୋଜନା ଗଠନ ଉପରେ ସମସ୍ତ ମନ୍ତ୍ରଣାଳୟ / ବିଭାଗର ସଚିବ ମାନଙ୍କ ସହିତ ଆଜି ବିଜ୍ଞାନ ଭବନ ଠାରେ ସାମର୍ଥ୍ୟ ନିର୍ମାଣ ଆୟୋଗ (ସିବିସି) ଦ୍ୱାରା ଆୟୋଜିତ ଏକ କର୍ମଶାଳାରେ ଆଲୋଚନା କରିଛନ୍ତି । ଏହି ଅବସରରେ ସିବିସି ଦ୍ୱାରା ପ୍ରସ୍ତୁତ ବାର୍ଷିକ ଦକ୍ଷତା ବିକାଶ ଯୋଜନା ଉପରେ ଏକ ଆପ୍ରୋଚ ପେପର ମଧ୍ୟ ଉନ୍ମୋଚିତ ହୋଇଥିଲା ।

ମନ୍ତ୍ରଣାଳୟ / ବିଭାଗ ଗୁଡିକ ପାଇଁ ବାର୍ଷିକ ଦକ୍ଷତା ବିକାଶ ଯୋଜନା ଗଠନ ନିମନ୍ତେ ଆପ୍ରୋଚ ପେପର ଉନ୍ମୋଚନ ଅବସରରେ କ୍ୟାବିନେଟ ସଚିବ ଶ୍ରୀ ରାଜୀବ ଗୌବା ସିବିସିର ପଦକ୍ଷେପକୁ ପ୍ରଶଂସା କରିଛନ୍ତି ଏବଂ କହିଛନ୍ତି ଯେ “ମିଶନ କର୍ମଯୋଗୀ” ର ମୂଳ ବିଚାର ହେଉଛି ସମସ୍ତ କାର୍ଯ୍ୟକ୍ଷେତ୍ରରେ ଏବଂ ପ୍ରତ୍ୟେକ ସ୍ତରରେ ଜ୍ଞାନର ଲୋକତାନ୍ତ୍ରୀକରଣ କରିବାର ଜନାଦେଶକୁ ପୂରଣ କରିବା । ସେ ଉଲ୍ଲେଖ କରିଥିଲେ ଯେ , ଅଳ୍ପ ସମୟର ଅବଧି ମଧ୍ୟରେ ଆୟୋଗଙ୍କ ସହାୟତାରେ ମିଶନ କର୍ମୟୋଗୀ ଅଧୀନରେ ରେଳ ମନ୍ତ୍ରଣାଳୟ ଏବଂ ପୁଲିସ ବାହିନୀର ୧ ଲକ୍ଷରୁ ଅଧିକ କର୍ମଚାରୀ ମାନଙ୍କୁ ତାଲିମ୍ ପ୍ରଦାନ କର। ଯାଇଛି । ଅନେକ କେନ୍ଦ୍ର ମନ୍ତ୍ରୀଙ୍କ ୨୦୦ରୁ ଅଧିକ ଚୁକ୍ତିଭିତ୍ତିକ ବ୍ୟକ୍ତିଗତ କର୍ମଚାରୀଙ୍କୁ ମଧ୍ୟ ତାଲିମ୍ ଦିଆ ଯାଇଛି ।

ଶ୍ରୀ ଗୌବା କହିଥିଲେ ଯେ, ଭାରତ ସରକାରଙ୍କ ମନ୍ତ୍ରଣାଳୟ ଗୁଡିକ / ବିଭାଗ ଗୁଡିକ ନାଗରିକ କେନ୍ଦ୍ରିକ ଏବଂ ଜାତୀୟ ପ୍ରାଥମିକତା ଗୁଡିକ ଉପରେ ଧ୍ୟାନ ଦେବା ପାଇଁ ମାନ୍ୟବର ପ୍ରଧାନମନ୍ତ୍ରୀଙ୍କ ଦୃଷ୍ଟିକୋଣର ନିକଟତର ହେବା ପାଇଁ ଯଥେଷ୍ଟ ଅଗ୍ରଗତି କରିଛନ୍ତି । ବାର୍ଷିକ ଦକ୍ଷତା ବିକାଶ ଯୋଜନା ପ୍ରସ୍ତୁତ କରିବା ନିମନ୍ତେ କାର୍ଯ୍ୟ ଆରମ୍ଭ କରିବା ପାଇଁ ସେ ବିଭିନ୍ନ ମନ୍ତ୍ରଣାଳୟ / ବିଭାଗ ଗୁଡିକୁ ପ୍ରଶଂସା କରିଥିଲେ ।

 ବିଭିନ୍ନ ମନ୍ତ୍ରଣାଳୟ ଏବଂ ବିଭାଗ ଗୁଡିକର ଉଦ୍ୟମକୁ ପ୍ରଶଂସା କରି ଶ୍ରୀ ଗୌବା କହିଥିଲେ ଯେ , ସୁସଙ୍ଗଠିତ ତାଲିମ ମାଧ୍ୟମରେ ସରକାରଙ୍କ କାର୍ଯ୍ୟକୁ ସୁବ୍ୟବସ୍ଥିତ କରିବା ଏବଂ ଶିକ୍ଷଣର ସୁଯୋଗକୁ ବୃଦ୍ଧି କରିବା, ଶିକ୍ଷଣର ପାରିବେଶିକ ବ୍ୟବସ୍ଥାକୁ ଅନୁକୂଳ କରିବା ଏବଂ ଉପରୁ ତଳ ସ୍ତରର କର୍ମଚାରୀ ମାନଙ୍କ ଭବିଷ୍ୟତ ଗଠନ ନିମନ୍ତେ ଏକ ଚମତ୍କାର କାର୍ଯ୍ୟ କରୁଛି । 

ସରକାରଙ୍କ ଦକ୍ଷତା ବିକାଶ ବ୍ୟବସ୍ଥାରେ ସଂପୂର୍ଣ୍ଣ ପରିବର୍ତ୍ତନ କରିବାର ଆବଶ୍ୟକତା ରହିଛି ବୋଲି ମାନ୍ୟବର ପ୍ରଧାନମନ୍ତ୍ରୀ କହିଥିବା କଥାକୁ ଶ୍ରୀ ଗୌବା ପୁଣି ଥରେ ଦୋହରାଇ ଥିଲେ । ସାମର୍ଥ୍ୟ ନିର୍ମାଣ ଆୟୋଗ ଏହି ଦିଗରେ ଆଗକୁ ଗତି କରୁଛନ୍ତି ଏବଂ ଲୋକ ସେବା ଭ୍ରାତୃଭାବ ପାଇଁ ସକାରାତ୍ମକ ପ୍ରଭାବ ପକାଉଛନ୍ତି । ସେ ଆହୁରି ମଧ୍ୟ କହିଥିଲେ ଯେ , ମନ୍ତ୍ରଣାଳୟ / ବିଭାଗର ସାମର୍ଥ୍ୟ ନିର୍ମାଣ ଯୋଜନା ଅଧିକାରୀ ମାନଙ୍କୁ ସେମାନଙ୍କର କାର୍ଯ୍ୟର ସମସ୍ତ କ୍ଷେତ୍ରରେ ସାମଗ୍ରିକ ଦକ୍ଷତା ହାସଲ କରିବାକୁ ସକ୍ଷମ କରିବା ଉଚିତ୍ । ଗୋଟିଏ ମନ୍ତ୍ରଣାଳୟର ସର୍ବୋତ୍ତମ ପ୍ରଥା ଗୁଡିକୁ ଅନ୍ୟ ମନ୍ତ୍ରଣାଳୟରେ ଦେହରାଇବାର ଆବଶ୍ୟକତା ଉପରେ ଶ୍ରୀ ଗୌବା ଜୋର ଦେଇ କହିଥିଲେ ।

ଶ୍ରୀ ଗୌବା ମଧ୍ୟ ସାମର୍ଥ୍ୟ ନିର୍ମାଣ ଆୟୋଗ ଦ୍ୱାରା ପ୍ରସ୍ତୁତ ‘ଚାପ କରିଚାଳନା (ଷ୍ଟ୍ରେସ୍ ମ୍ୟାନେଜମେଂଟ)’ ଉପରେ ପ୍ରସ୍ତୁତ ତାଲିମ୍ ମଡ୍ୟୁଲ୍‌କୁ ପ୍ରଶଂସା କରି ଏହାକୁ ସରକାରଙ୍କ କାର୍ଯ୍ୟଶୈଳୀ ପାଇଁ ଏକ ଅତ୍ୟାବଶ୍ୟକ ଉପକରଣ ବୋଲି ଅଭିହିତ କରିଥିଲେ । ସେ ଗଭୀର ଭାବରେ ନିମଜ୍ଜିତ ରହିବାର ପଦ୍ଧତିକୁ ପ୍ରସଂଶା କରିଥିଲେ ଏବଂ ଏହାକୁ ମୁଖ୍ୟ ସ୍ରୋତକୁ ଅଣାଯିବା ଉଚିତ ବୋଲି ପରାମର୍ଶ ଦେଇଥିଲେ ।  

ଅତୀତରେ ଭାରତ ସମ୍ମୁଖୀନ ହୋଇଥିବା ଆହ୍ୱାନ ଗୁଡିକୁ ଦୂର କରିବା ପାଇଁ ସମସ୍ତ ମନ୍ତ୍ରଣାଳୟ, ବିଭାଗ, ସଂଗଠନ (ଏମ୍‌ଡିଓ) ପାଇଁ ବାର୍ଷିକ ସାମର୍ଥ୍ୟ ନିର୍ମାଣ ଯୋଜନା (ଏସିବିପି) ର ଆବଶ୍ୟକତା ଉପରେ ସେ ଗୁରୁତ୍ୱାରୋପ କରିଥିଲେ । ଆୟୋଗଙ୍କୁ ଭାରତ ସରକାରଙ୍କର ସମସ୍ତ ମନ୍ତ୍ରଣାଳୟ, ବିଭାଗ ଏବଂ ସଂଗଠନ ଗୁଡିକ ପାଇଁ ବାର୍ଷିକ ସାମର୍ଥ୍ୟ ନିର୍ମାଣ ଯୋଜନା ପ୍ରସ୍ତୁତ କରିବା ନିମନ୍ତେ ସୁବିଧା ପ୍ରଦାନ କରିବାକୁ ବାଧ୍ୟତାମୂଳକ କରା ଯାଇଛି ।  

 ବିଭିନ୍ନ ମନ୍ତ୍ରଣାଳୟର ସଚିବମାନେ ଏହି ଅବସରରେ ନିଜ ନିଜ ମନ୍ତ୍ରଣାଳୟ ପାଇଁ ବାର୍ଷିକ ଦକ୍ଷତା ବିକାଶ ଯୋଜନା ପ୍ରସ୍ତୁତ କରିବାରେ ସେମାନଙ୍କର ଅଗ୍ରଗତି ତାଲିକାଭୁକ୍ତ କରି ଉପସ୍ଥାପନା କରିଥିଲେ ।

*****

SSP