عزت مآب وزیراعظم جناب نریندر مودی نے مشن کرم یوگی کے تحت حکومت میں انسانی وسائل کے بندوبست کے طور طریقوں کو بہتربنانے کا جو ویژن پیش کیا ہے، اس پر عمل کرتے ہوئے کابینہ سکریٹری جناب راجیو گوبا نے صلاحیت سازی کمیشن ( سی بی سی) کے زیر اہتمام آج وگیان بھون میں منعقدہ ورکشاپ میں تمام وزارتوں اور محکموں کے صلاحیت سازی کے سالانہ  منصوبوں پر تمام متعلقہ سکریٹری صاحبان سے بات چیت کی۔ سی بی سی کی جانب سے سالانہ صلاحیت سازی منصوبوں پر ایک ایپروچ پیپر کا بھی اس  موقع پر  اجراء کیا گیا۔

وزارتوں اور محکموں کےلئے سالانہ صلاحیت سازی منصوبوں پر ایپروچ پیپر لانچ کئے جانے کے موقع پر کابینہ سکریٹری جناب راجیو گوبا نے سی بی سی کی کوششوں کو سراہا اور کہا کہ مشن کرم یوگی کا بنیادی خیال یہ ہے کہ ہر سطح پر معلومات کو جمہوری رنگ دیا جائے۔ انہوں نے بتایا کہ  مختصر مدت کے اندر کمیشن کی مدد سے ریلوے وزارت اور پولیس فورس کے ایک لاکھ سے زیادہ عملے کو مشن کرم یوگی کے تحت تربیت دی جا چکی ہے ۔ مختلف  مرکزی وزارتوں کے  200 سے زیادہ ٹھیکے پر کام کرنے والے ملازمین کو بھی اس عرصے میں ٹرینڈ کیاگیا۔

جناب  گوبا نے کہا کہ حکومت  ہند کے تحت وزارتوں اور محکموں  نے شہریوں پر اور فوجی ترجیحات پر مرکوز    ہونے کے وزیراعظم کے ویژن کو حاصل کرنے کی جانب اہم پیش رفت کی ہے۔ انہوں نے مختلف وزارتوں، محکموں کی اس بات کے لئے تعریف کی کہ انہوں نے سالانہ صلاحیت سازی منصوبے پر کام شرو ع کرنے کے لئے اقدامات کئے۔

مختلف وزارتوں اور محکموں کی جانب سے کی گئی کوششوں کو سراہتے ہوئے جناب گوبا نے کہا کہ وزارتیں اس جانب قابل ستائش کام کر رہی ہیں۔

جناب گوبا نے وزیراعظم جناب نریندر مودی کے یہ الفاظ دوہرائے کہ حکومت کے صلاحیت سازی نظام کی کایا پلٹ کی ضرورت ہے۔ صلاحیت سازی کمیشن اس سمت میں کام کر رہا ہے اور سول سروسز برادری کے لئے اچھے اثرات مرتب کر رہا ہے۔۔ انہوں نے کہا کہ وزارتوں اور محکموں کے لئے صلاحیت سازی کے منصوبوں  سے افسران کو ان کے کام کے ہر میدان میں مجموعی مہارت حاصل ہونی چاہئے۔

جناب گوبا نے تناؤ کے بندوبست سے متعلق صلاحیت سازی کمیشن کے تیار کردہ تربیتی طریقہ کار کی بھی تعریف کی اور اسے حکومت کے ملازمین کے لئے ایک لازمی حصہ قرار دیا ۔

انہوں نے تمام وزارتوں ؍ محکموں ؍ تنظیموں کے لئے سالانہ صلاحیت سازی منصوبوں کی ضرورت پر زور دیا تاکہ ان چیلنجوں سے نمٹا جا سکے، جو ماضی میں ہندوستان کے سامنے آ چکے ہیں۔ کمیشن کو تمام وزارتوں ؍ محکموں اور    تنظیموں کے لئے سالانہ صلاحیت سازی منصوبوں کی تیاری میں مدد کرنے کا کام سونپا گیا ہے۔

مختلف وزارتوں کے سکریٹری صاحبان نے اس موقع پر پریزنٹیشن دے کر اپنی اپنی وزارتوں کے لئے سالانہ صلاحیت سازی منصوبوں کی پیش رفت دکھائی۔

***

ش ح۔ ع س۔ ک ا