جناب سنجے کمار نے آج نئی دہلی کے شاستری بھون میں محکمہ اسکولی تعلیم اور خواندگی  کے سکریٹری کے طور پر اپنا عہدہ سنبھال لیا۔

عہدہ سنبھالنے کے بعد، جناب کمار نے وزارت کے سینئر عہدیداروں کے ساتھ ایک میٹنگ کی، جس میں انہوں نے محکمہ کے کام کاج،  اسکولی تعلیم سے  وابستہ  خود مختار اداروں اور متعدد اسکیموں کا جائزہ لیا۔ میٹنگ کے دوران  قومی تعلیمی پالیسی 2020 کے نفاذ، اساتذہ کی صلاحیت سازی، اسکولوں کے بنیادی ڈھانچے، اور  وزیر اعظم کے آئندہ ہونے والے پروگرام ’پریکشا پہ چرچہ‘ پر بات چیت کی گئی۔

جناب کمار نے کہا کہ  وہ ملک کے ہر ایک طالب علم کو معیاری، قابل رسائی اور سستی تعلیم مہیا کرانے کی کوششوں میں اپنا تعاون دینے کے لیے پوری طرح سے تیار ہیں۔

*****

ش ح – ق ت – ت ع

U: 13193