ਕੇਂਦਰੀ ਰੋਡ ਟ੍ਰਾਂਸਪੋਰਟ ਅਤੇ ਰਾਜਮਾਗਰ ਮੰਤਰੀ ਸ਼੍ਰੀ ਨਿਤਿਨ ਗਡਕਰੀ ਨੇ ਟਵੀਟ ਕਰਕੇ ਦੱਸਿਆ ਕਿ ਹਰਿਆਣਾ ਦੇ ਭਿਵਾਨੀ ਅਤੇ ਹਿਸਾਰ ਜ਼ਿਲ੍ਹਿਆਂ ਵਿੱਚ ਭਾਰਤਮਾਲਾ ਪ੍ਰੋਜੈਕਟ ਦੇ ਤਹਿਤ ਐੱਨਐੱਚ-148ਬੀ ਦੇ ਭਿਵਾਨੀ-ਹਾਂਸੀ ਸੜਕ ਸੈਕਸ਼ਨ ਨੂੰ 1322.13 ਕਰੋੜ ਰੁਪਏ ਦੇ ਬਜਟ ਦੇ ਨਾਲ ਐੱਚਏਐੱਮ ’ਤੇ ਚਾਰ ਲੇਨ ਕਰਨ ਦੀ ਮਨਜ਼ੂਰੀ ਦਿੱਤੀ ਗਈ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਹ ਪ੍ਰੋਜੈਕਟ ਤੇਜ਼ ਆਵਾਜਾਈ ਅਤੇ ਬਿਹਤਰ ਅੰਤਰ-ਜ਼ਿਲ੍ਹਾ ਕਨੈਕਟੀਵਿਟੀ ਪ੍ਰਦਾਨ ਕਰੇਗਾ।

ਸ਼੍ਰੀ ਨਿਤਿਨ ਗਡਕਰੀ ਨੇ ਕਿਹਾ ਕਿ ਇਸ ਸੈਕਸ਼ਨ ਦੇ ਵਿਕਾਸ ਨਾਲ ਲੰਬੇ ਮਾਰਗ ਦੇ ਟ੍ਰੈਫਿਕ ਅਤੇ ਮਾਲ ਢੁਆਈ ਦੀ ਸੰਪੂਰਨ ਸਮਰੱਥਾ ਵਿੱਚ ਵੀ ਸੁਧਾਰ ਹੋਵੇਗਾ, ਜਿਸ ਨਾਲ ਸੁਚਾਰੂ ਅਤੇ ਸੁਰੱਖਿਅਤ ਟ੍ਰੈਫਿਕ ਸੁਨਿਸ਼ਚਿਤ ਹੋਣ ਦੇ ਨਾਲ ਹੀ ਟ੍ਰੈਫਿਕ ਦੇ ਸਮੇਂ ਵਿੱਚ ਕਾਫੀ ਕਮੀ ਅਤੇ ਵਹੀਕਲ ਅਪਰੇਟਿੰਗ ਲਾਗਤ (ਵੀਓਸੀ) ਵਿੱਚ ਕਮੀ ਆਵੇਗੀ। ਉਨ੍ਹਾਂ ਨੇ ਕਿਹਾ ਕਿ ਇਸ ਪ੍ਰੋਜੈਕਟ ਨਾਲ ਹਰਿਆਣਾ ਵਿੱਚ ਅਧਾਰਭੂਤ ਢਾਂਚੇ ਨੂੰ ਹੁਲਾਰਾ ਮਿਲੇਗਾ, ਜਿਸ ਨਾਲ ਖੇਤਰ ਦੇ ਸਮੁੱਚੇ ਆਰਥਿਕ ਵਿਕਾਸ ਨੂੰ ਗਤੀ ਮਿਲੇਗੀ।

***

ਐੱਮਜੇਪੀਐੱਸ