سڑک ٹرانسپورٹ اور شاہراہوں کے مرکزی وزیر جناب نتن گڈکری نے ٹویٹ کرکے بتایا کہ ہریانہ کے بھیوانی اور حصار ضلعوں میں بھارت مالا پروجیکٹ کے تحت، این ایچ-148 بی  کے بھیوانی-ہانسی روڈ سیکشن کو 1322.13 کروڑ روپے کے بجٹ کے ساتھ  ایچ اے ایم پر چارلین کرنے کی منظوری دی گئی ہے۔  انہوں نے کہا کہ یہ پروجیکٹ تیز رفتار  آمدورفت اور بہتر بین ضلعی کنکٹیوٹی فراہم کرے گا۔

جناب نتن گڈکری نے کہا کہ اس سیکشن کے فروغ  سے طویل دوری کی  آمدورفت اور مال ڈھلائی کی مجموعی  صلاحیت میں  بھی بہتری آئے گی،  جس سے کسی روک ٹوک کے بغیر اور محفوظ آمدورفت یقینی ہونے کے ساتھ ہی  آمدورفت کے وقت میں خاطرخواہ کمی اور گاڑیوں  کی آپریٹنگ لاگت (وی او سی) میں کمی آئے گی۔ انہوں نے کہا کہ اس پروجیکٹ سے ہریانہ میں بنیادی ڈھانچے کو فروغ ملے گا، جس سے علاقے کی جامع اقتصادی ترقی کو تقویت ملے گی۔

************

ش ح ۔ ف ا  ۔  م  ص

 (U: 12902)