ہندوستان ایک آزاد، کھلے اور قواعد پر مبنی ہند-بحرالکاہل کے لیے کھڑا ہے کیونکہ یہ نہ صرف خطے بلکہ وسیع تر عالمی برادری کی اقتصادی ترقی کے لیے اہم ہے۔ یہ بات رکھشا منتری جناب راج ناتھ سنگھ نے 25 نومبر 2022 کو نئی دہلی میں انڈو پیسیفک ریجنل ڈائیلاگ(آئی پی آر ڈی)  میں اپنے کلیدی خطاب کے دوران کہی۔ جناب راج ناتھ سنگھ نے  جون 2018 میں سنگاپور میں شنگریلا ڈائیلاگ کے دوران وزیر اعظم جناب نریندر مودی  کے بیان کا حوالہ دیتے ہوئے،  ہند-بحرالکاہل کے بارے میں ہندوستان کے نظریہ  پر روشنی ڈالی۔

وزیر دفاع نے کہا کہ وزیر اعظم نے کہا تھا کہ ہندوستان ایک آزاد، کھلے اور جامع ہند-بحرالکاہل خطہ کے ساتھ کھڑا ہے، جو ہم سب کو ترقی اور خوشحالی کی مشترکہ کوشش میں شامل کرتا ہے۔ انہوں نے خطے میں آسیان کی مرکزیت کے بارے میں ہمارا  نظریہ پیش کیا اور کہا کہ ہماری مشترکہ خوشحالی اور سلامتی کا تقاضا ہے کہ ہم بات چیت کے ذریعے، ایک مشترکہ اصول پر مبنی نظم وضبط کو ترتیب دیں۔

جناب راج ناتھ سنگھ نے اس بات پر زور دیا کہ تنازعات اور اختلافات کو حل کرنے اور علاقائی یا عالمی نظم و ضبط پیدا کرنے کا واحد مہذب طریقہ کار مذاکرات ہے۔ انہوں نے حال ہی میں بالی میں جی ٹوئنٹی سربراہی اجلاس کے دوران وزیر اعظم کے پر عزم پیغام کا حوالہ دیا کہ’’جنگ کا دور ختم ہو گیا ہے‘‘۔ عالمی رہنماؤں کی طرف سے اس کی گونج  سنائی دی۔  جی ٹوئنٹی اعلامیہ میں اس بات کا ذکر کیا گیا کہ ’یہ جنگ کا دور نہیں ہے‘۔ انہوں نے کہا کہ اس دور میں جب انسانیت کو موسمیاتی تبدیلی، کووڈ اُنیس وبائی بیماری اور وسیع پیمانے پر محرومی جیسے مسائل کا سامنا ہے، یہ ضروری ہے کہ ہم سب مل کر جنگوں اور تنازعات کے تباہ کن بہکاوے سے پریشان ہوئے بغیر ان بڑے چیلنجوں سے نمٹنے کے لیے کام کریں۔

رکشا منتری نے تجارت اور کنیکٹیویٹی میں اضافہ، صلاحیت کی تعمیر اور بنیادی ڈھانچے کے اقدامات کو ایک ساتھ کام کرنے کے وقت کے ساتھ تجربہ کئے گئے طریقوں کے طور پر بیان کیا، جو دوستی کے پل کے طور پر کام کر سکتے ہیں اور باہمی فائدے کو یقینی بنا سکتے ہیں۔ انہوں نے مشترکہ بھلائی کے لیے اجتماعی طور پر ان کا فائدہ اٹھانے کی ضرورت پر زور دیا۔

جناب راج ناتھ سنگھ نے اس بات کا اعادہ کیا کہ ہند-بحرالکاہل خطے میں تعمیری مصروفیات میں اپنے شراکت داروں کے ساتھ مل کر کام کرنے کی ہندوستان کی ہمیشہ کوشش رہی ہے۔ انہوں نے نومبر 2019 میں بینکاک، تھائی لینڈ میں منعقدہ مشرقی ایشیائی سربراہ اجلاس کے دوران شروع کی گئی 'انڈو پیسیفک اوشین انیشیٹو' پر روشنی ڈالی۔ انہوں نے کہا، علاقائی تعاون اور شرکت اس اقدام کے اہم ستون ہیں، جو علاقائی تعاون کے ڈھانچے کا خاکہ  اورساگرکے نظریےیعنی خطے میں سب کے لیے سلامتی اور ترقی  پر توجہ مرکوز کرتا ہے۔

رکشا منتری نے اس ہفتے کے شروع میں کمبوڈیا میں منعقدہ ہند-آسیان وزرائے دفاع کی میٹنگ کے دوران اعلان کردہ اقدامات پر بھی روشنی ڈالی۔ "ہم نے اقوام متحدہ کے امن قائم کرنے والے آپریشنز(پِیس کیپنگ آپریشنز) میں خواتین کے لیے آسیان-انڈیا انیشیٹو کی تجویز پیش کی ہے جو زیادہ انسانی نقطہ نظر کے ذریعے تنازعات کے مؤثر حل اور دیرپا امن کے لیے کردار ادا کریں گی۔ انہوں نے اجتماعی سلامتی اور مشترکہ خوشحالی کی سمت کام کرنے کی ضرورت پر زور دیتے ہوئے کہا  ۔"ہم نے سمندری ماحولیاتی نظام کو بہتر بنانے کی سمت سمندری پلاسٹک آلودگی کے ردعمل پر آسیان-انڈیا پہل کی بھی تجویز پیش کی ہے ۔

جناب راجناتھ سنگھ نے ایک محفوظ اور منصفانہ دنیا کی تعمیر کے لیے جدوجہد کرنے کو اخلاقی ذمہ داری قرار دیا۔ "ہندوستان میں، ہمارے فلسفیوں اور وژنریزنے ہمیشہ سیاسی سرحدوں کو عبور کرتے ہوئے ایک انسانی برادری کا خواب دیکھا ہے۔ ہم نے ہمیشہ سلامتی اور خوشحالی کو پوری انسانیت کے اجتماعی حصول کے طور پر دیکھا ہے، جس میں  صرف جزیرے کی سلامتی یا خوشحالی کا کوئی امکان نہیں ہے،‘‘ انہوں نے کہا۔

رکشا منتری نے بین الاقوامی برادری سے کہا کہ وہ سلامتی کو ایک حقیقی اجتماعی ادارے کے طور پر غور کریں تاکہ ایک عالمی نظم قائم کیا جا سکے جو سب کے لیے فائدہ مند ہو۔ "قومی سلامتی کو صفر کی رقم کا کھیل نہیں سمجھا جانا چاہئے۔ ہمیں سب کے لیے جیت کی صورتحال پیدا کرنے کی کوشش کرنی چاہیے۔ ہمیں روشن خیال خودی سے رہنمائی حاصل کرنی چاہیے جو پائیدار اور جھٹکوں کے لیے لچکدار ہے۔ مضبوط اور خوشحال ہندوستان دوسروں کی قیمت پر نہیں بنایا جائے گا، بلکہ ہم یہاں موجود ہیں تاکہ دوسری قوموں کو ان کی مکمل صلاحیتوں کا ادراک کرنے میں مدد کریں۔ رکشا منتری نے مزید کہا کہ عالمی برادری متعدد پلیٹ فارمز اور ایجنسیوں کے ذریعے کام کر رہی ہے، ان میں سب سے اہم اقوام متحدہ کی سلامتی کونسل ہے، لیکن اب اجتماعی سلامتی کے نمونے کو مشترکہ مفادات اور سب کے لیے سلامتی کی سطح تک بڑھانے کی ضرورت ہے۔

جناب راج ناتھ سنگھ نے متعدد اسٹیک ہولڈرز کے ساتھ متنوع مصروفیات کے ذریعے محسوس ہونے والی کثیر الجہتی پالیسی میں ہندوستان کے یقین کو دہرایا، اس بات پر زور دیا کہ سب کے خدشات کو دور کرنا ہی واحد راستہ ہے جو مشترکہ ذمہ داری اور خوشحالی کا باعث بن سکتا ہے۔ اس بات پر زور دیتے ہوئے کہ اسٹریٹجک پالیسی کا طرز عمل اخلاقی ہونا چاہئے، انہوں نے زور دے کر کہا کہ ہندوستان ایسے عالمی نظام پر یقین نہیں رکھتا جہاں چند لوگوں کو دوسروں سے برتر سمجھا جاتا ہے۔

رکشا منتری نے اس بات پر روشنی ڈالی کہ ہندوستان کے اقدامات انسانی مساوات اور وقار کے بنیادی عنصر سے رہنمائی حاصل کرتے ہیں، جو اس کی قدیم اخلاقیات اور مضبوط اخلاقی بنیادوں کا ایک حصہ ہے۔ "ریئل پولیٹک اخلاقی یا غیر اخلاقی ہونے کے لئے انجیر کی پتی نہیں ہوسکتی ہے۔ بلکہ، قوموں کے روشن خیال مفادات کو سٹریٹجک اخلاقیات کے فریم ورک کے اندر فروغ دیا جا سکتا ہے، جو تمام مہذب قوموں کے جائز اسٹریٹجک ضرورت کی سمجھ اور احترام پر مبنی ہے۔ یہی وجہ ہے کہ جب ہم کسی بھی قوم کو شراکت دار بناتے ہیں تو وہ خود مختار مساوات اور باہمی احترام کی بنیاد پر ہوتی ہے۔ جب ہم باہمی اقتصادی ترقی کی سمت کام کرتے ہیں تو فطری طور پر ہندوستان میں تعلقات کو مضبوط کرنا آتا ہے۔ اس طرح یہ مناسب ہے کہ ہم سب دہشت گردی اور موسمیاتی تبدیلی جیسے مسائل کے حل  کی تلاش کریں جو قومی حدود سے تجاوز کرتے ہیں،‘‘ انہوں نے مزید کہا۔

تین روزہ آئی پی آر ڈی کے اختتامی دن ،اس خصوصی اجلاس میں، جسے مناسب طور پر 'مارگدرشن' سیشن کہا گیا، بحریہ   کے سربراہ    ایڈمرل آر ہری کمار نے ہندوستان کی مجموعی بحری سلامتی  کو درپیش خطرات اور چیلنجوں کے بارے میں بات کی اور ملک کے سمندری مفادات کے تحفظ میں ہندوستانی بحریہ کے عزم کا اعادہ کیا۔ انہوں نے مزید کہا کہ ہند بحرالکاہل کے اندر نیٹ سیکورٹی فراہم کرنے والے متعدد اداروں کی صف اول میں رہنے کے لیے ہندوستان اچھی میں پوزیشن میں ہے اور اسے تیزی سے ترجیحی سیکورٹی پارٹنر کے طور پر دیکھا جا رہا ہے، خاص طور پر خطے کے مغربی حصے یعنی بحر ہند میں۔ ایڈمرل نے دفاعی شعبے میں ’آتم نربھارت‘ کے حصول کے لیے بحریہ کے عزم کا اعادہ کیا۔

اس موقع پر، رکشا منتری نے نیشنل میری ٹائم فاؤنڈیشن (NMF) کی طرف سے شائع کردہ ایک کتاب کا بھی اجراء کیا جس کا عنوان تھا ’کوسٹل سیکیورٹی ڈائمینشنز آف میری ٹائم سیکیورٹی‘۔

آئی پی آر ڈی ہندوستانی بحریہ کی ایک سالانہ اعلیٰ سطح کی بین الاقوامی آؤٹ ریچ  ہے،  جو خیالات کے تبادلے کو فروغ دینے اور ہند بحرالکاہل سے متعلقہ سمندری مسائل پر بات چیت کو فروغ دینے کی کوشش کرتی ہے جو کہ ہندوستان کے لیے مشرقی ساحل سے ایک وسیع، بنیادی طور پر افریقہ سے امریکہ کے مغربی کنارے تک سمندری وسعت پر پھیلا ہوا ہے۔

اس تقریب کا اہتمام این ایم ایف، نئی دہلی نے ہندوستانی بحریہ کے نالج پارٹنر کے طور پر کیا تھا۔ آئی پی آر ڈی نے ہندوستانی مسلح افواج، جہاز رانی کی وزارت، ماحولیات، جنگلات اور موسمیاتی تبدیلی کی وزارت کے سینئر عہدیداروں، ہندوستانی صنعت کے سینئر نمائندوں، ہندوستان میں مشنوں کے سفارتی نمائندوں، تعلیمی ماہرین، نامور اسکالرز اور بیرون ملک کے ماہرین کی فعال شرکت کا مشاہدہ کیا۔ اس کے علاوہ، تقریباً 2,000 وردی میں ملبوس کارکنان اور سابق فوجیوں، نامور شہریوں اور دہلی-این سی آر کی مشہور یونیورسٹیوں کے طلباء نے تین دنوں کے دوران اس تقریب میں شرکت کی۔

***

ش ح۔ ش ت۔ ک ا