লো অমসুং জস্তিস মন্ত্রালয়
প্রধান মন্ত্রীগী থবক পীবদা খ্বাইদগী মরুওইবা মীৎয়েঙ থম্নবা লৌখিবা ফিরেপ্পু মপুং ফাহন্নবগী থৌরাংগী শরুক অমা ওইনা লৈবাক শিনবা থুংনা মফম ৪৫দা রোজগার মেলা পাঙথোকখ্রে
লো অমসুং জস্তিসকী রাজ্য মন্ত্রী প্রোফেসর এস.পি. সিংহ বঘেলনা বসন্ত কুঞ্জদা পাঙথোকখিবা রোজগার মেলাদা কেন্দিদেৎশিংদা এপোইন্তমেন্ত লেত্তর খুৎশিন্নখ্রে
Posted On:
22 NOV 2022 1:39PM by PIB Imphal
প্রধান মন্ত্রীগী থবক পীবদা খ্বাইদগী মরুওইবা মীৎয়েঙ থম্নবা লৌখিবা ফিরেপ্পু মপুং ফাহন্নবগী থৌরাংগী শরুক অমা ওইনা ঙসি লৈবাক শিনবা থুংনা মফম ৪৫দা রোজগার মেলা পাঙথোকখ্রে। থৌরম অসিদা প্রধান মন্ত্রীনা ভিদিও কন্ফরেন্সিংগী খুত্থাঙদা নৌনা থবক খল্লবা মীওই ৭১,০০০দা ওফর ওফ এপোইন্তমেন্ত (ও.ও.এ.) য়েন্থোকখি।
নই দিল্লীগী বসন্ত কুঞ্জদা লৈবা সৌর্য় ওফিসর্স ইন্সতিত্যুৎ, সি.আর.পি.এফ.তা পাঙথোকখিবা রোজগার মেলাদা লো অমসুং জস্তিসকী রাজ্য মন্ত্রী প্রোফেসর এস.পি. সিংহ বঘেলনা ৱা ঙাঙখি অমদি নহাশিংগী য়াইফনবগীদমক প্রধান মন্ত্রীগী লমজিং মখাদা লৈঙাক অসিনা পায়খৎলিবা থৌরাংশিংগী মরমদা মচা খায়বা ৱাফম থমখি।
ইন্সতিত্যুৎ অদুদা ক্বালিফাই ওইরবা কেন্দিদেৎ ২২৪ শরুক য়াখি। কেন্দিদেৎশিং অদুদা প্রোফেসর এস.পি. সিংহ বঘেলদা এপোইন্তমেন্ত লেত্তর খুৎশিন্নখি।
লো অমসুং জস্তিসকী রাজ্য মন্ত্রী প্রোফেসর এস.পি. সিংহ বঘেলনা কেন্দিদেৎশৎংবু থাগৎখি অমদি লৈবাকসিনা হিমায় চুম্না চৎলিবা মতমসিদা লৈবাক্কী থৌগল তৌনবগী ফজরবা খুদোংচাবা অমা মখোয়না ফংলবনি হায়রদুনা হেন্না ৱাংবা ফমগীদমক শেম শানবা পাউতাকসু পীখি। থবক পীরিবশিং অদুদি অয়াম্বনা দিফেন্স, ফাইনান্স, এজুকেসন, হেল্থ, রেলৱেজ, হোম, পৱার, ৱাতর রিসোর্সেসনচিংবা সেক্তরশিংনি।
প্রধান মন্ত্রীগী ৱারোল মতুংদা, লো অমসুং জস্তিসকী রাজ্য মন্ত্রী প্রোফেসর এস.পি. সিংহ বঘেলনানা কেন্দিদেৎ খরদা ও.ও.এ.লগী ফীজিকেল কোপীশিং য়েন্থোকখি। মহাক্না কেন্দিদেৎশিংগসু ৱারী ৱাতায় শানখি।
নৌনা থবক খল্লবশিংনা লৈঙাক্কী মখাদা থবক তৌদুনা লৈবাক্কী থৌগল তৌগনি। লৈবাক শেমগৎপদা মখোয়না মশক থোকপা শক্লোন লৌগনি অমদি India@47 গী শাক্ষি ওইগনি। থৌরম অসি প্রধান মন্ত্রীনা লাক্কদৌরিবা চহি অমগী মনুংদা থবক লাখ ১০ পীননবগী পান্দম থম্লিবা অসিগী মনুং চন্না পায়খৎপা পরিংগী অনিসুবা থৌরম্নি (অহানবা থৌরমদি ওক্তোবর ২২, ২০২২দা মফম ৫০দা পাঙথোকখিবনি)।
*********
(Release ID: 1877959)
Visitor Counter : 101