روزگار کی فراہمی کو سب سے زیادہ ترجیح دینے کے وزیراعظم کے عزم کے تحت آج ملک بھر میں 45 مقامات پر روزگار میلوں کا انعقاد کیا گیا۔ اس موقع پر وزیراعظم نے ویڈیو کانفرنسنگ کے ذریعے 71,000 نئے بھرتی ہونے والوں میں تقرری  نامے (او او اے) تقسیم کئے۔

قانون اور انصاف کے وزیر مملکت پروفیسر ایس پی سنگھ بگھیل، جنہوں نے شوریہ آفیسرز انسٹی ٹیوٹ، سی آر پی ایف، وسنت کنج، نئی دہلی میں منعقدہ روزگار میلہ میں شرکت کی، نے اجتماع سے خطاب کیا اور وزیر اعظم کی قیادت میں حکومت کے اقدامات کی وضاحت کی۔

انسٹی ٹیوٹ میں کل 224 اہل امیدوار موجود تھے۔ پروفیسر ایس پی سنگھ بگھیل نے امیدواروں کو تقرری  نامے فراہم کئے۔

قانون اور انصاف کے وزیر مملکت پروفیسر ایس پی سنگھ بگھیل نے امیدواروں کو مبارکباد دی اور انہیں مشورہ دیا کہ یہ ان کے لیے شاندار دور میں قوم کی خدمت کرنے اور اعلیٰ عہدوں کے لیے اپنی تیاریوں کو جاری رکھنے کا ایک بہترین موقع ہے۔ آجرین کا تعلق بنیادی طور پر دفاع، مالیات، تعلیم، صحت، ریلوے، گھر، بجلی، آبی وسائل وغیرہ جیسے شعبوں سے تھا۔

وزیر اعظم کے خطاب کے بعد، قانون و انصاف کے وزیر مملکت پروفیسر ایس پی سنگھ بگھیل نے کچھ امیدواروں میں او او ایز کی فزیکل کاپیاں تقسیم کیں۔ انہوں نے امیدواروں سے بھی بات چیت کی۔

نئے تقرری حاصل کرنے والے افراد حکومت میں شامل ہو کر قوم کی خدمت کریں گے۔ وہ قوم کی تعمیر میں اہم کردار ادا کریں گے اور انڈیا@47 کا مشاہدہ کریں گے۔ یہ تقریب اس سلسلے کی دوسری تقریب ہے (پہلی تقریب 22 اکتوبر 2022 کو 50 مقامات پر منعقد کی گئی تھی) جس کے تحت اگلے ایک سال کے دوران وزیر اعظم کے تصور کے مطابق 10 لاکھ تقرریاں فراہم کی جائیں گی۔

***********

ش ح ۔ س ب ۔ م ش

U. No.12805