خزانہ اور کارپوریٹ امور کی مرکزی وزیر محترمہ نرملا سیتا رمن نے کل (17 نومبر 2022) دیر شام نئی دہلی میں نیشنل انویسٹمنٹ اینڈ انفرا اسٹرکچر فنڈ (این آئی آئی ایف) کی گورننگ کونسل (جی سی) کی 5ویں میٹنگ کی صدارت کی۔

جی سی نے نوٹ کیا کہ این آئی آئی ایف بین الاقوامی سطح پر قابل اعتبار اور تجارتی اعتبار سے قابل عمل سرمایہ کاری پلیٹ فارم کے طور پر تیار ہوا ہے، جس کی حمایت بہت سے معزز عالمی اور گھریلو سرمایہ کاروں نے کی ہے، جنھوں نے این آئی آئی ایف فنڈز میں حکومت ہند کے ساتھ سرمایہ کاری کی ہے۔

این آئی آئی ایف کا پہلا دو فریقی فنڈ – جی او آئی کے تعاون کے ساتھ ’’انڈیا جاپان فنڈ‘‘ نیشنل انویسٹمنٹ اینڈ انفرا اسٹرکچر فنڈ لمیٹڈ (این آئی آئی ایف ایل) اور جاپان بینک برائے بین الاقوامی ترقی (جے بی آئی سی) کے درمیان ایک مفاہمت نامے کے ذریعے تجویز کیا گیا ہے۔ ایم او یو پر حال ہی میں 9 نومبر 2022 کو دستخط ہوئے تھے۔ این آئی آئی ایف کی دو فریقی تعامل سے متعلق اس اہم اپ ڈیٹ کی جی سی نے توثیق کی تھی۔

جی سی نے اس بات کی تعریف کی کہ دو بنیادی ڈھانچے کی غیر بینکنگ مالیاتی کمپنیاں (این بی ایف سی) ، جہاں این آئی آئی ایف کے پاس زیادہ حصہ داری ہے، نے بغیر کسی غیر فعال قرضوں (این پی ایل) کے 3 سالوں میں اپنی مشترکہ لون بک کو 4,200 کروڑ روپے سے بڑھا کر  26,000 کروڑ روپے کردیا ہے۔

جی سی نے این آئی آئی ایف کی رہنمائی بھی کی کہ وہ مرکزی اور ریاستی حکومتوں کو سرمایہ کاری کے قابل پی پی پی پروجیکٹوں کی پائپ لائن بنانے میں مدد کرنے کے لیے فعال طور پر مشاورتی سرگرمیاں انجام دیں۔

وزیر خزانہ نے این آئی آئی ایف ایل کی ٹیم سے کہا کہ وہ اب تک کیے گئے کام کو آگے بڑھائے اور اپنے کاموں کو وسعت دینے کے لیے ہندوستان کے پرکشش سرمایہ کاری کے بنیادی اصولوں کا فائدہ اٹھائے۔ محترمہ سیتا رمن نے ٹیم کو ان ممالک کے سرمایہ کاروں کے ساتھ بات چیت جاری رکھنے کی ترغیب دی جو ہندوستان میں سرمایہ کاری کے خواہشمند ہیں۔

وزیر خزانہ نے این آئی آئی ایف ایل کی ٹیم کو نیشنل انفرا اسٹرکچر پائپ لائن، پی ایم گتی شکتی اور نیشنل انفرا اسٹرکچر کوریڈور کے تحت مواقع تلاش کرنے کی بھی تلقین کی، جس میں سرمایہ کاری کے قابل گرین فیلڈ اور براؤن فیلڈ سرمایہ کاری کے منصوبے شامل ہیں، اور ان مواقع کو تجارتی سرمائے کے حصول کے لئے بروئے کار لائیں۔

میٹنگ کے دوران این آئی آئی ایف کی طرف سے گزشتہ چند سالوں میں ہونے والی پیش رفت اور اس کے سرمایہ کاری کے کاموں سے حاصل ہونے والی اہم معلومات کو گورننگ کونسل کے سامنے پیش کیا گیا۔ جی سی کو ان 3 فنڈز کی موجودہ صورتحال سے آگاہ کیا گیا جو فی الحال این آئی آئی ایف ایل کے زیر انتظام ہیں جن میں ماسٹر فنڈ، فنڈ آف فنڈز (ایف او ایف) ، اور اسٹریٹجک مواقع فنڈ (ایس او ایف) شامل ہیں۔ جن شعبوں پر یہ فنڈز فوکس کرتے ہیں، فنڈ اکٹھا کرنے کی حیثیت، اور ان کے تحت کی جانے والی سرمایہ کاری کو جی سی کے ساتھ شیئر کیا گیا تھا۔ جی سی کو بندرگاہوں اور لاجسٹکس، قابل تجدید توانائی، اور ڈیجیٹل انفراسٹرکچر جیسے شعبوں میں  این آئی آئی ایف  آپریٹنگ کمپنیوں کی سرمایہ کاری اور کارکردگی کے علاوہ ویسٹ مینجمنٹ، واٹر ٹریٹمنٹ، ہیلتھ کیئر، ای وی مینوفیکچرنگ جیسے شعبوں میں اس کی پیش قدمی کے بارے میں بتایا گیا۔

جی سی کے دیگر اراکین جنہوں نے میٹنگ میں شرکت کی وہ تھے جناب اجے سیٹھ، سکریٹری، محکمہ اقتصادی امور؛ جناب وویک جوشی، سکریٹری، مالیاتی خدمات؛ جناب دنیش کھارا، چیئرمین، اسٹیٹ بینک آف انڈیا (ایس بی آئی)؛ جناب ہیمندر کوٹھاری، چیئرمین، ڈی ایس پی گروپ؛ اور جناب ٹی وی موہن داس پائی، چیئرمین، منی پال گلوبل۔

******

ش ح۔ م م۔ م ر

U-NO. 12445