মরুওইবশিং

• সারাথ কমাল অচান্তাদা মেজর ধ্যান চান্দ খেল রত্ন এৱার্দ ২০২২ পীরগনি
• ২০২২দা স্পোর্তস অমসুং গেমসতা মশক থোক্না শান্নবগীদমক শান্নরোয় ২৫না অর্জুন এৱার্দ ফংলগনি

ঙসি য়ুথ এফেয়ার্স অমসুং স্পোর্তস মিনিস্ত্রিনা নেসনেল স্পোর্তস এৱার্দ ২০২২ লাউথোক্লে। নবেম্বর ৩০, ২০২২গী নুংথিলগী পুং ৪ তাবদা রাস্ত্রপতি ভাবন্দা পাংথোক্কদবা অখন্নবা থৌরম অমদা ভারতকী রাস্ত্রপতিনা মনা ফংলবশিংদা মনাশিং য়েন্থোক্কনি।

কম্মিতিগী রিকমেন্দেনশিংদা য়ুম্ফম ওইরগা অমসুং ভারত সরকারনা কুপ্না য়েংশিল্লবা মতুংদা, মখাদা পীরিবা শান্নরোয়শিং, কোচশিং অমসুং লুপশিংদা মনাশিং পীনবা সরকারনা ৱারেপ লৌরে:

 (ক) মেজর ধ্যান চান্দ খেল রত্ন এৱার্দ ২০২২

(খ) ২০২২দা স্পোর্তস অমসুং গেমসতা মশক থোক্না শান্নবগীদমক অর্জুন এৱার্দকী খল্লবশিং

(গ) ২০২২দা স্পোর্তস অমসুং গেমসতা শিংথানিঙাই ওইনা মথৌ পাংথোকখিবা কোচশিংগী দ্রোনাচার্য়া এৱার্দ

রিগুলার কেতেগোরি:

লাইফ তাইম কেতেগোরি:

(ঘ) ২০২২গী স্পোর্তস অমসুং গেমসতা লাইফ তাইম এচিফমেন্তগী ধ্যান চান্দ এৱার্দ

 (ঙ) রাস্ত্রিয়া খেল প্রোতসাহন পুরুস্কার ২০২২

 (চ) মৌলানা অবুল কলাম অজাদ(মাকা)ত্রোফি ২০২২:

     গুরু ননাক দেব য়ুনিভর্সিতি, অমৃতসর

শান্নবগী লমদা হৈথোই-শিংথোবশিং ইকায়খুম্নবা উৎনবা অমসুং মনা পীনবা চহি খুদিংগী নেসনেল স্পোর্ত এৱার্দ পীরি।

হৌখিবা চহি ৪দা শান্নরোয় অমনা শান্নবগী লমদা শিংথানিঙাই ওইনা শান্নবগীদমক ‘মেজর ধ্যান চান্দ খেল রত্ন এৱার্দ’ পীরি।

হৌখিবা চহি ৪দা স্পোর্তস অমসুং গেমসতা ফজনা শান্নবা অমসুং লুচিংবগী গুনশিং, শান্নরোয় অমা ওইবগী মতিক-মগুন অমসুং থকশি-খাসি লৈবগীদমক ‘অর্জন এৱার্দ’ পীরি।

লেপ্তনা মশক থোকপা অফবা থবকশিং পাংথোকপা অমসুং মালেমগী থৌরমশিংদা অফবা শান্নরোয়শিং পুথোকপা ঙমবগীদমক অফবা কোচশিংদা ‘দ্রোনাচ্যা এৱার্দ’ পীরি।

মখোয়না শান্নদুনা শান্ন-খোৎনবগী লমদা অচৌবা মতেং পাংখিবা অমসুং মখোয়না পোথারবা মতুংদা ফাওবা মখা তানা শান্নবা য়োকখৎপা ইকায়খুম্নবা শান্নরোয়শিংদা ‘ধ্যান চান্দ এৱার্দ ফোর লাইফ তাইম এচিফমেন্ত’ পীরি।

শান্নবা য়োকখৎনবা অমসুং চাউখৎনবা মশক থোকপা থৌদাং অমা লৌরিবা কোর্পোরেতশিং(লনাই অমসুং সরকার অনিমক), স্পোর্তস কন্ত্রোল বোর্দশিং, এন.জি.ওশিং, রাজ্য অমসুং জাতি থাক্কী শান্নবগী লুপশিংদা ‘রাস্ত্রিয়া খেল প্রোতসাহন পুরুস্কার’ পীরি।

ইন্তর-য়ুনিভর্সিতি তুর্নামেন্তশিংদা মকোক তাবা য়ুনিভর্সিতিদা মৌলানা অবুল কলাম অজাদ (মাকা)ত্রোফি পীরি।

চহি অসিদা, অহানবা ওইনা এপ্লিকেসনশিং ওনলাইন খক্তদা কৌখি অমসুং অখন্নবা পোর্তেল অমদা মশা মথন্থতা শান্নরোয়শিং/কোচশিং/লুপশিং এপ্লাই তৌনবগী অয়াবা পীখি। চহি অসিদা হায়রিবা মনাশিং অসিগীদমক মশিং য়াম্লবা নোমিনেসনশিং ফংখি অমসুং ভারতকী সু্প্রিম কোর্তকী থবক্তগী পোথারবা জজতিস এ.এম.খানৱিলকারনা লুচিংবা সেলেক্সন কম্মিতি অমনা মনা ফংলবা য়ারবা মীওইশিং খন্নখি অমসুং কম্মিতি অদুদা শক্নাইরবা শান্নরোয়শিং, স্পোর্তস জর্নেলিজম অমসুং স্পোর্তস এদমিনিস্ত্রেসনগী লমদা হৈথোই-শিংথোইরবা মীওইশিং শরুক য়াখি।

******