ঙসি রোদ ত্রান্সপোর্ত অমসুং হায়ৱেজগী য়ুনিয়ন মিনিস্তর শ্রী নিতিন গাদকরিনা অৱাং-নোংপোক্কী লুপা কোতি লাখ ১.৬কী অনৌবা প্রোজেকশিং লাউথোকখ্রে। অসামগী গুৱাহাতিদা পাংথোকখিবা অৱাং-নোংপোক লমদমগী নেসনেল হায়ৱেজ প্রোজেকশিং য়েংশিনবগী মতাংদা পাংথোকপা প্রেস কনফরেন্স অমদা মহাক্না হায়খি হন্না য়েংশিনখিবা লমদম অসিদা পায়খৎলিবা প্রোজেকশিংগী মনুংদা লম্বীশিং, রোপৱেশিং, আর.ও.বিশিং, ব্রহ্মাপুত্রা তুরেলগী মথক্তা শাবা অচৌবা থোংশিং অমসুং অতোপ্পা ৱাতর বোদিশিং য়াওরি। ত্রিপুরাগী উদয়পুর অমসুং অসামগী সিলচরদা মল্তি মোদাল লোজিসতিক্স পার্কশিং শেমগৎনবা থৌরাং লৈরে।

শ্রী গাদকরিনা হায়খি প্রধান মন্ত্রী শ্রী নরেন্দ্র মোদীগী লমজিং মখাদা ভারতকী অৱাং-নোংপোক্তা চৎথোক-চৎশিনগী হিরমদা অৱাৎপা লৈরিবশিং মেনখৎনবা অমসুং লমদম অসিদা ত্রান্সপোর্তকী ইনফ্রাস্ত্রকচর ফগৎহন্নবা ঐখোয়না থবক পায়খৎলি।

য়ুনিয়ন মিনিস্তরনা হায়খি ৱে সাইদ এমেনিতিস ৫০ অমসুং ভিয়ু পোইন্ত ৫০ শেমগৎলি। প্রোজেকশিং অসি লোইরকপা মতমদা, মসিনা অৱাং-নোংপোক লমদমগী তুরিজম অমসুং শেন-থুম চাউখৎহনবা ঙমগনি।

*****