প্রধান মন্ত্রী, শ্রী নরেন্দ্র মোদীনা কে.এস.আর. বেঙ্গালুরু রেলৱে স্তেসন্দা ঙসি মৈসুরু অমসুং পুরাতচী থলাইবার দাঃ এম.জি.আর. চেন্নৈ সেন্ত্রেলগী মরক্তা চেনগদবা বন্দে ভারত এক্সপ্রেস ত্রেন লম্থাখ্রে। মসিনা লৈবাক অসিদা হৌদোকখিবা মঙাশুবা অমসুং খা-ভারতকী ওইবা অহানবা বন্দে ভারত এস্কপ্রেসনি। প্রধান মন্ত্রীনা বেঙ্গালুরুগী কে.এস.আর. রেলৱে স্তেসন্দগী ভারত গৌরব কাশী দর্শন ত্রেনসু লম্থাখি।

‘মেক ইন ইন্দিয়া’গী মায় পাকপগী ৱারীগী মশক নাইবা খুদম ওইনা ইন্দিয়ন রেলৱেনা লমদমসিদা শাজবা ভারতকী খ্বাইদগী অহানবা সেমি-হাই স্পীদ ত্রেন – বন্দে ভারত এক্সপ্রেস হৌদোকখি অমসুং নই দিল্লী-কানপুর-অল্লাহবাদ-ভরানসী লম্বীদা চেন্নবগীদমক্তা প্রধান মন্ত্রীনা ফেব্রুৱারী ১৫, ২০১৯দা লম্থাখি। মখা তাবা ওইনা, নই দিল্লী-মাতা বৈশ্নো দেবী কত্রা, গান্ধীনগর কোনুং-অহমেদবাদ-মুম্বাই সেন্ত্রেল, অমসুং অম্ব অন্দাউরা-নই দিল্লীগী লম্বীশিংদা চেন্নবা বন্দে ভারত এক্সপ্রেস ত্রেনশিং চেনবা হৌদোকখি।

অনৌবা ত্রেন অসিনা চেন্নৈগী ইন্দস্ত্রীএল হব অমসুং বেঙ্গালুরুগী তেক্নোলোজিকেল-সোফৱেয়র স্তার্তঅপ হব অমদি মালেম শিনবা থুংবদা মমিং চৎলিবা মৈসুরুগী তুরিস্ত শহর অসিগী মরক্কী কন্নেক্তিবিতী হেন্না ফগৎহনগনি। মসিনা সোফৱেয়র অমসুং ব্যুজিনেস প্রোফেস্নেল, তেক্নোলোজিস্ত, লমকোয়বা, মহৈরোইশিংগা লোয়ননা মৈসুরু-বেঙ্গালুরু-চেন্নৈ চৎলিবা অতোপ্পা পেসেঞ্জরশিংদা কান্নবা পীগনি। মসিনা এয়রলাইনগা মান্নবা নুংঙাইবা ফংহনগনি অমসুং ত্রেন তোংদুনা চৎপগী অনৌবা এক্সপেরিএন্স অমা পীগনি।

মৈসুরু-চেন্নৈ বন্দে ভারত এক্সপ্রেসকী মতম

এম.জি.আর. চেন্নৈ সেন্ত্রেল স্তেসন্দগী মৈসুরু ফাওবগী ত্রেন নম্বর ২০৬০৭কী চেয়র কার অমসুং একজেক্যুতিব ক্লাসকী ভারানা মথংশিৎনা লুপা ১২০০ অমসুং ২২৯৫ ওইগনি। মৈসুরুদগী এম.জি.আর. চেন্নৈ সেন্ত্রেল স্তেসন ফাওবা চেনগদবা ত্রেন নম্বর ২০৬০৮গী চেয়র কার অমসুং একজেক্যুতিব ক্লাসকী ভারানা মথংশিৎনা লুপা ১৩৬৫ অমসুং ২৪৮৫ ওইগনি।

বন্দে ভারত এক্সপ্রেস ত্রেনশিংদা কন্সেসন অমসুং অঙাংশিংগী তোঙানবা ভারাগী চৎনবী লৈরোই। অহল অমগী মপুং ওইবা তিকেৎখক্তমক লৈগনি। বুকিং, কেন্সেলেসন, রিফন্দনচিংবগী কাঙলোন খুদিংমক শতাব্দী ত্রেনশিংগা মান্ননা লৈগনি।

বন্দে ভারত এক্সপ্রেস ত্রেনশিংগী মওং-মতৌশিং

মসিদি মতমগা চুনবা খুদোংচাবা কয়াগা লোয়নবা মালেমগী থাক্তা লৈবা ত্রেন্নি। ত্রেন অসিগী অখন্নবা মওং-মতৌশিং মখাদা পীরি:

• ত্রেন চলায়বদা তেক্ত-কায়দবা হেনগৎহন্নবা কবচ (ত্রেন কোলিজন এভোইদেন্স সীস্তেম) য়াওরি
• কোচ খুদিংদা ইমর্জেন্সী থোংনাও মরি পান্দুনা তেক্ত কায়দবা থোকপগী চাং হন্থহল্লি। কোচ মপান্দা রিয়র ভ্যু কেমেরা পানবা য়াওনা প্লেতফোর্ম সাইদ কেমেরা মরি পাল্লি।
• ইলেক্ত্রিকেল ক্যুবিকল অমসুং অমাংশঙ খুদিংদা এরোসোলদা য়ুম্ফম ওইবা ফাইয়র দিতেক্সন অমসুং সপ্রেসন সীস্তেম হাপ্তুনা মৈপোক-লাংপোক্তগী ঙাকথোকপগী হেন্না ফবা পথাপ য়াওরি।
• মিলিমীতর ৬৫০গী অৱাংবা ফাওবগী ঈশিং-ইচাউ মাইয়োক্নবা ঙম্নবা অন্দর-স্লং ইলেক্ত্রিকেল ইক্বিপমেন্তকীদমক্তা সুপেরিয়র ফ্লদ প্রুফিং য়াওরি। ত্রেন অসিদা ইলেক্ত্রিকেলগী খুদোংথীবা থোক্লকপদা তেংবাংনবগীদমক্তা কোচ খুদিংদা ইমর্জেন্সী লাইত মরি হাপ্লি।
• পেসেঞ্জরশিংনা তোংবা নুংঙাইহনবগী ৩.৫ রাইদিং ইন্দেক্স লৈরি। পেসেঞ্জর ইনফোর্মেসন অমসুং কম্ম্যুনিকেসন সীস্তেমগীদমক্তা ত্রেন অসিদা ইঞ্চী ৩২গী এল.সি.দি. তি.ভি. হাপ্লি।
• ক্লাস খুদিংদা সাইদ রিক্লাইনর সীতকী খুদোংচাবা পীরি। একজেক্যুতিব ক্লাস্তনা অহেনবা ওইনা দিগ্রী ১৮০ উংবা য়াবগী অহেনবা খুদোংচাবা পীরি।
• তচ ফ্রী এমেনিতীগা লোয়নবা বাইও ভেক্যুম তোইলেত অমসুং অপাম্বগী মখা পোন্না ৱাই-ফাইগী কন্তেন্তসু পীরি।
• হাইয়র ইফিসিএন্সী কম্প্রেসর, নুংশিত্তা মহিক-মতাই য়াওহন্দনবগীদমক্তা অলত্রা ভাইওলেত (য়ু.ভি.) লেম্প শিজিন্নদুনা হেন্না ফরবা হিত ভেন্তিলেসন অমসুং এয়র কন্দিসন কন্ত্রোলগী খুদোংচাবা লৈরি।
• ত্রেন অসিনা শুপ্নগী সেকেন্দ ১৪০দা পুংদা কিলোমীতর ১৬০গী খোঙজেল চেনবা ঙম্মি। ভোইস রেকোর্দিং ফেসিলিতীগা কোন্নবা দ্রাইভর গার্দ কম্ম্যুনিকেসন লৈগনি।
• লম্বী নাকলদা লৈবা স্তেসনশিংগা সিগ্নেল পীননবগীদমক্তা কোচশিংদা সিগ্নেল এক্সচেঞ্জ লাইত অনি য়াওরি।

চেন্নৈগী পেরম্বুরদা লৈবা ইন্তিগ্রেল কোচ ফেক্তরীদা লমদমসিদা শাজবা বন্দে ভারত ত্রেনশিং অসিনা ভারতকী ইঞ্জিনিয়র অমসুং মেক ইন ইন্দিয়া খোঙথাংগী তৌবা ঙম্বগী মতিক উৎলি। মসিদি প্রধান মন্ত্রীগী মরোমদোম লেপচবা ঙম্বা ভারতকী মঙলান ফংহনবদা তেংবাংবা মশক থোকপা মায় পাকপা অমনি।

বেঙ্গালুরু-ভরানসী ভারত গৌরব কাশী দর্শন

নুংঙাইবা অমসুং খুদোংচাবগা লোয়ননা ত্রেন তোংবা, বোর্দিং তৌবা, য়ারেকপা অমসুং দর্শন তৌবগী খুদোংচাবা কয়া য়াওবা অপুনবা পেকেজ পীগদবা বেঙ্গালুরুদগী কাশী ফাওবা চৎননবা ভারত গৌরব ত্রেন্সু ঙসি হৌদোকখ্রে। ত্রেন অসিনা হুব্বালী, বেলাগাবী ফাওদুনা চেনগনি অমসুং মসিনা বেঙ্গালুরুগী লাইনীংবা কয়াদা খক নত্তনা কাশীদা চৎনীংবা অৱাং কর্নাতকাগী মীয়ামদসু কান্নবা পীগনি। ত্রেন অসিনা প্রয়াগরাজ অমসুং অয়োধ্যাসু ফাওদুনা চেনগনি।

ভারত গৌরব কাশী দর্শন ত্রেনগী কোচ অমা

খোঙচৎ অমগী মমলনা লুপা ২০,০০০ ওইগনি অমসুং মসিগী মনুংদগী লুপা ৫০০০দি রাজ্য সরকারনা সবসিদী ওইনা পীগনি। ত্রেন অসিগী অহানবা খোঙচৎনা চাউরাক্না লাইনীংবা ৬০০ পুগনি; মখোয়না কাশীখক নত্তনা অয়োধ্যা অমসুং প্রয়াগরাজতসু চৎকনি।

ভারত গৌরব ত্রেন হৌদোকপগী পান্দমদি ভারত অমসুং মালেমগী মীয়ামদা লৈবাক অসিগী ইনাক খুল্লবা নাৎকী হেরিতেজ অমসুং পুৱারী ওইরবা নীংথিরবা মফম কয়াবু ভারত গৌরব ত্রেন (থীমদা য়ুম্ফম ওইবা তুরিস্ত সর্কিত ত্রেন)গী খুত্থাংদা খঙহনবনি।

পোলিসী অসিগী শম্লপ্পা ৱারোল

• ইন্দিয়ন রেলৱেনা লমকোয়বগা মরী লৈননা লৈরিবা ভারতকী চাউরবা মতিক শিজিন্নবা ঙম্নবগীদমক্তা থীমদা য়ুম্ফম ওইবা ত্রেন চেন্দুনা তুরিজম সেক্তরগী প্রোফেস্নেলশিংগী মপুং ওইবা পাঙ্গল শিজিন্ননবা পান্দম থম্লি।
• ভারত গৌরব ত্রেন চলায়নবগীদমক্তা, ইন্দিয়ন রেলৱেজনা তুং ইল্লিবা ‘রাইত তু য়ুজ’ মোদেলগী মখাদা আই.সি.এফ. কোচ য়াওবা রেকশিংবু রেজিস্তর তৌরবা সর্ভিস প্রোভাইদরশিংদা পোলিসী অসিগী মখাদা পীগনি। সর্ভিস প্রোভাইদরশিংনা এন.আর.সি. (নন-রেলৱে কঞ্জ্যুমর) প্লানগী খুত্থাংদা প্রদক্সন য়ুনিৎশিংদগী অনৌবা কোচ হকথেংননা লৌবগী খুদোংচাবা পীগনি।
• থীম, লম্বী, আইতিনরেরী, তারিফ অমসুং মোদেল অসিগা মরী লৈনবা অতোপ্পা থোউওং কয়া য়াওনা ব্যুজিনেস মোদেল খনবগী খুদোংচাবশিংসু সর্বিস প্রোভাইদরশিংদা পীগনি।

***