ઈન્ડિયન મેડિસિન ફાર્માસ્યુટિકલ કોર્પોરેશન (IMPCL), કેન્દ્રીય જાહેર ક્ષેત્રની એન્ટરપ્રાઈઝ (CPSE), ભારત સરકારના આયુષ મંત્રાલય હેઠળ, તેના હિતધારકો - આયુષ મંત્રાલય અને ઉત્તરાખંડ સરકારને રૂ. 10.13 કરોડનું ડિવિડન્ડ ચૂકવવાની જાહેરાત કરી છે. આયુષ મંત્રાલય માટે રૂ. 9.93 કરોડના ડિવિડન્ડનો ચેક આજે પરિવહન ભવન ખાતે આયોજિત સમારોહમાં કેન્દ્રીય આયુષ મંત્રી શ્રી સર્બાનંદ સોનોવાલને સોંપવામાં આવ્યો હતો.

આ પ્રસંગે શ્રી સર્બાનંદ સોનોવાલે જણાવ્યું હતું કે, “IMPCL લિ.એ છેલ્લા નાણાકીય વર્ષ 2020-21ની સરખામણીમાં તેના નફામાં પ્રભાવશાળી વધારો નોંધાવ્યો છે, જે પ્રશંસનીય સિદ્ધિ છે. પ્રધાનમંત્રી શ્રી નરેન્દ્ર મોદીના દૂરંદેશી નેતૃત્વ હેઠળ, આયુષ ક્ષેત્ર માત્ર ભારતમાં જ નહીં પરંતુ વૈશ્વિક સ્તરે સર્વાંગી વિકાસનું સાક્ષી બની રહ્યું છે.”

આયુષ રાજ્ય મંત્રી શ્રી મહેન્દ્રભાઈ મુંજપરા, વિશેષ સચિવ, આયુષ મંત્રાલય શ્રી પ્રમોદ કુમાર પાઠક; ડાયરેક્ટર યોગ અને નેચરોપેથી સેલ, આયુષ મંત્રાલય શ્રી વિક્રમ સિંહ; સલાહકાર આયુર્વેદ, ડૉ. મુકેશ કુમાર MD, IMPCL Ltd.; શ્રી અરવિંદ કુમાર અગ્રવાલ, AGM (F&A), IMPCL Ltd. અને અન્ય અધિકારીઓ પણ આ ડિવિડન્ડ ચેક સોંપણી સમારોહમાં ઉપસ્થિત રહ્યા હતા.

IMPCL લિમિટેડના MD, ડૉ. મુકેશ કુમારે જણાવ્યું હતું કે, “ઓપરેશનલ ફ્રન્ટમાં કંપનીએ તેના પાછલા વર્ષની સરખામણીમાં ક્ષમતા વપરાશમાં 47% નો વધારો હાંસલ કર્યો છે. પાછલા વર્ષોમાં ટર્નઓવર, નફો અને ક્ષમતાના ઉપયોગના સંદર્ભમાં કામગીરીમાં સર્વાંગી ઉન્નતિએ કંપનીની ભાવિ સંભાવનાઓ પર ધ્યાન કેન્દ્રીત કર્યું છે.”

IMPCL લિમિટેડને ભારત સરકાર દ્વારા મિની રત્ન કેટેગરી II નો દરજ્જો આપવામાં આવ્યો છે અને તેને ISO 9001:2015 પ્રમાણપત્ર પણ મળ્યું છે. કંપની હાલમાં વિવિધ રોગોના સ્પેક્ટ્રમ માટે 656 ક્લાસિકલ આયુર્વેદિક, 332 યુનાની અને 71 પ્રોપરાઈટરી આયર્વેદિક દવાઓનું ઉત્પાદન કરી રહી છે. તે રાષ્ટ્રીય આયુષ મિશન (NAM) અને જન ઔષધિ કેન્દ્રોના 6000 કેન્દ્રો હેઠળ તમામ રાજ્યોમાં આયુર્વેદ અને યુનાની દવાઓ સપ્લાય કરે છે.

YP/GP/NP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com