মীফম অদুদা লৈবাক মনুংগী ঙাক-শেনগী মতাং য়াওনা তেরোরিজম থেংনবা, এক্সত্রিমিজমগী শিংনরকপশিং, সাইবর সেকুরিতিগা মরী লৈনবা ৱাফমশিং, ঙমখৈগা মরী লৈনবা হিরমশিং অমসুং লৈবাক অসিগী অপুনবগী শক্তম অমসুং তংদু-লৈতাবদা ঙমখৈ ৱাংমদগী শিংনরকপশিংগী মতাংদা কুপ্না খন্ন-নৈনখি

ঙাক-শেনগী থবক খুদিংমক মপাঙ্গল কনখৎহন্দুনা লৈবাক অসি মতিক চানা ঙাক-শেন্নবা প্রধান মন্ত্রী নরেন্দ্র মোদীগী লমজিং মখাদা কেন্দ্র সরকারনা থবক পায়খৎলে

য়ুনিয়ন হোম মিনিস্তরনা হায়খি নিংতম্বা হেক ফংবদগী মশক মমিং খঙহন্দনা লৈবাক অসিদা শান্তি থম্নবা ইন্তিলিজেন্স বিউরোনা মরুওইবা থৌদাং অমা লৌদুনা লাক্লি

তেরোরিজম অমসুং মসিগী শৌগৎলিবা লৈবাক্কী মায়োক্তা ঐখোয়না লান্থেংনরিবা অসি, করিগুম্বা ঐখোয়না চেকশিন্না মখোয় অনিক মায়োক্নদ্রবদি, তেরোরিজম মাইথিবা পীবা ঙম্লোই

রাজ্যশিংগী তেরোরিজমগী থেংন্নবা এজেন্সিশিং অমসুং এন্তি-দ্রগ এজেন্সিশিংগী মরক্তা ই-পাউ পীথোক-পীশিন তৌনবা মপাঙ্গল কনখৎহনবা দরকার ওইরে

লেফ ৱিং এক্সত্রিমিজম লাকশিন্নবা, মসিগী শেন-থুম ফংনবা অমসুং চৎথোক-চৎশিনগী থবকশিং মরু ফংনা মাঙহনবা মথৌ তাই

লৈবাক অসিগী সমুদ্র মপানগী ঙাক-শেনগী থবক অহোবা লৈতনবা ঐখোয়না থবক পায়খৎকদবনি, মসিগীদমক ঐখোয়না খ্বাইদগী পীকপা অমসুং নাইতোম লৈবা হিথাংফম ফাওবা চেকশিন্না শেন্নগদবনি

নার্কোতিক্সনা লৈবাক অসিগী নহারোলশিং মাঙহনবা খক নত্তনা মসিগী ফংলকপা শেনফম অদুনা লৈবাক মনুংগী ঙাক-শেনগী থবক্তা অকায়বসু পীরি, মরম অদুনা মসিগী মপুংফানা মাঙহন্নবা ঐখোয় পু্ন্না থবক তৌমিন্নগদবনি

ঙসি নিউ দিল্লিদা য়ুনিয়ন হোম মিনিস্তর শ্রী অমিত সাহনা লুচিংদুনা লৈবাক অসিগী মফম কয়াগী ইন্তিলিজেন্স বিউরো(আই বি) ওফিসিএলশিংগী অৱাংবা থাক্কী মীফম অমা পাংথোকখ্রে অমসুং লৈবাক মনুংগী ওইবা ঙাক-শেনগী ফিবম হন্না য়েংশিনখ্রে। মীফম অদুদা লৈবাক মনুংগী ঙাক-শেনগী মতাং য়াওনা তেরোরিজম থেংনবা, এক্সত্রিমিজমগী শিংনরকপশিং, সাইবর সেকুরিতিগা মরী লৈনবা ৱাফমশিং, ঙমখৈগা মরী লৈনবা হিরমশিং অমসুং লৈবাক অসিগী অপুনবগী শক্তম অমসুং তংদু-লৈতাবদা ঙমখৈ ৱাংমদগী শিংনরকপশিংগী মতাংদা কুপ্না খন্ন-নৈনখি।

য়ুনিয়ন হোম মিনিস্তরনা হায়খি ঙাক-শেনগী থবক খুদিংমক মপাঙ্গল কনখৎহন্দুনা লৈবাক অসি মতিক চানা ঙাক-শেন্নবা প্রধান মন্ত্রী নরেন্দ্র মোদীগী লমজিং মখাদা কেন্দ্র সরকারনা থবক পায়খৎলে অমসুং হৌখিবা চহি ৮ অসিদা লৈবাক মনুংগী ঙাক-শেনগী থবকশিং মপাঙ্গল কনখৎহন্নবা মরুওইবা থবক কয়া পায়খৎলে।

শ্রী অমিত সাহনা হায়খি নিংতম্বা হেক ফংবদগী মশক মমিং খঙহন্দনা লৈবাক অসিদা শান্তি থম্নবা ইন্তিলিজেন্স বিউরোনা মরুওইবা থৌদাং অমা লৌদুনা লাক্লি। তেরোরিজম অমসুং মসিগী শৌগৎলিবা লৈবাক্কী মায়োক্তা ঐখোয়না লান্থেংনরিবা অসি, করিগুম্বা ঐখোয়না চেকশিন্না মখোয় অনিক মায়োক্নদ্রবদি, তেরোরিজম মাইথিবা পীবা ঙম্লোই।

শ্রী অমিত সাহনা হায়খি রাজ্যশিংগী তেরোরিজমগী থেংন্নবা এজেন্সিশিং অমসুং এন্তি-দ্রগ এজেন্সিশিংগী মরক্তা ই-পাউ পীথোক-পীশিন তৌনবা মপাঙ্গল কনখৎহনবা দরকার ওইরে। লেফ ৱিং এক্সত্রিমিজম লাকশিন্নবা, মসিগী শেন-থুম ফংনবা লম্বীশিং অমসুং চৎথোক-চৎশিনগী থবকশিং মরু ফংনা মাঙহনবা মথৌ তাই।

য়ুনিয়ন হোম মিনিস্তরনা হায়খি লৈবাক অসিগী সমুদ্র মপানগী ঙাক-শেনগী থবক অহোবা লৈতনবা ঐখোয়না থবক পায়খৎকদবনি অমসুং মসিগীদমক ঐখোয়না খ্বাইদগী পীকপা অমসুং খ্বাইদগী লাপ্না নাইতোম লৈবা হিথাংফম ফাওবা চেকশিন্না শেন্নগদবনি। নার্কোতিক্সনা লৈবাক অসিগী নহারোলশিং মাঙহনবা খক নত্তনা মসিগী ফংলকপা শেনফম অদুনা লৈবাক মনুংগী ঙাক-শেনগী থবক্তা অকায়বসু পীরি, মরম অদুনা মসিগী মপুংফানা মাঙহন্নবা ঐখোয় পু্ন্না থবক তৌমিন্নগদবনি। দ্রোনশিংগী খুৎথাংদা ঙমখৈ ৱাংমদগী দ্রগশিং নারোন্দা পুশিল্লকপা থিংনবা ঐখোয়না এন্তি-দ্রোন তেক্নোলোজি মতিক চানা শীজিন্নগদবনি।

*****