ملاقات میں قومی سلامتی سے متعلق مختلف امور بشمول انسداد دہشت گردی، انتہا پسندی سے لاحق خطرات، سائبر سیکیورٹی سے متعلق مسائل، سرحد سے متعلقہ پہلوؤں اور سرحد پار عناصر سے ملکی سالمیت اور استحکام کو درپیش خطرات پر تفصیلی تبادلہ خیال کیا گیا

وزیر اعظم نریندر مودی کی قیادت میں مرکزی حکومت سلامتی کے تمام پہلوؤں کو مستحکم بنا کر قوم کی سلامتی کو یقینی بنانے کے لیے پرعزم ہے

مرکزی وزیر داخلہ نے کہا کہ انٹیلی جنس بیورو نے آزادی کے بعد سے گمنام طور پر بغیر کسی توقع کے ملک میں امن برقرار رکھنے میں بہت اہم کردار ادا کیا ہے

ہماری جنگ دہشت گردی کے ساتھ ساتھ اس کے سپورٹ سسٹم کے خلاف بھی ہے، جب تک ہم ان دونوں کے خلاف سختی سے نہیں لڑیں گے دہشت گردی پر فتح حاصل نہیں ہو سکتی

ریاستوں کی انسداد دہشت گردی اور انسداد منشیات ایجنسیوں کے درمیان معلومات کے تبادلے اور رابطے کو مزید مضبوط کرنے کی ضرورت ہے

بائیں بازو کی انتہا پسندی پر قابو پانے کے لیے اس کے مالیاتی اور لاجسٹک سپورٹ سسٹم کو ختم کرنے کی ضرورت ہے

ہمیں ملک کی ساحلی سلامتی کو بھی ناقابل تسخیر بنانا ہے، اس کے لیے ہمیں چھوٹی اور الگ تھلگ بندرگاہ پر بھی گہری نظر رکھنی چاہیے

منشیات نہ صرف ملک کے نوجوانوں کو برباد کرتی ہے بلکہ اس سے کمایا جانے والا پیسہ ملک کی اندرونی سلامتی کو بھی متاثر کرتا ہے اس لیے اس کی مکمل تباہی کے لیے ہمیں مل کر کام کرنا ہوگا

مرکزی وزیر داخلہ جناب امت شاہ نے آج نئی دہلی میں ملک بھر کے انٹیلی جنس بیورو (آئی بی) کے افسران کی ایک اعلیٰ سطحی میٹنگ کی صدارت کی اور ملک کی داخلی سلامتی کی صورتحال کا جائزہ لیا۔ ملاقات میں قومی سلامتی سے متعلق مختلف امور پر تفصیلی تبادلہ خیال کیا گیا جن میں انسداد دہشت گردی، انتہا پسندی سے خطرہ، سائبر سیکورٹی سے متعلق امور، سرحد سے متعلقہ پہلوؤں اور سرحد پار عناصر سے ملک کی سالمیت اور استحکام کو درپیش خطرات شامل ہیں۔

مرکزی وزیر داخلہ نے کہا کہ وزیر اعظم جناب نریندر مودی کی قیادت میں مرکزی حکومت سلامتی کے تمام پہلوؤں کو مضبوط بنا کر قوم کی سلامتی کو یقینی بنانے کے لیے پرعزم ہے اور پچھلے 8 سالوں میں ملک کی داخلی سلامتی کو مضبوط بنانے کے لیے کئی اہم اقدامات کیے گئے ہیں۔

جناب امت شاہ نے کہا کہ انٹیلی جنس بیورو نے آزادی کے بعد سے ملک میں امن قائم کرنے میں، بغیر کسی توقع کے، گمنام طور پر بہت اہم کردار ادا کیا ہے۔ انہوں نے کہا کہ ہماری جنگ دہشت گردی کے ساتھ ساتھ اس کے سپورٹ سسٹم کے خلاف بھی ہے، جب تک ہم ان دونوں کے خلاف سختی سے نہیں لڑیں گے، دہشت گردی پر فتح حاصل نہیں ہو سکتی۔

جناب امت شاہ نے معلومات کے تبادلے کے عمل کو مزید مضبوط بنانے اور انسداد دہشت گردی اور ریاستوں کی انسداد منشیات ایجنسیوں کے درمیان رابطہ بڑھانے کی ضرورت پر بھی زور دیا۔ انہوں نے کہا کہ بائیں بازو کی انتہا پسندی کے مالیاتی اور لاجسٹک سپورٹ سسٹم کو ختم کرکے اس پر قابو پانے کی ضرورت ہے۔

مرکزی وزیر داخلہ نے کہا کہ ہمیں ملک کی ساحلی سلامتی کو بھی ناقابل تسخیر بنانا ہے اور اس کے لیے ہمیں چھوٹی اور الگ تھلگ بندرگاہ پر بھی گہری نظر رکھنی چاہیے۔ جناب شاہ نے کہا کہ منشیات نہ صرف ملک کے نوجوانوں کو برباد کرتی ہے بلکہ اس سے کمایا جانے والا پیسہ ملک کی اندرونی سلامتی کو بھی متاثر کرتا ہے، اسی لیے ہمیں اس کی مکمل تباہی کے لیے مل کر کام کرنا ہوگا۔ انہوں نے کہا کہ ہمیں ڈرون کے ذریعے سرحد پار سے منشیات کی اسمگلنگ کو روکنے کے لیے اینٹی ڈرون ٹیکنالوجی کا زیادہ سے زیادہ استعمال کرنا ہوگا۔

*************

ش ح ۔ ا ک، ع ر

U. No.12376