ইনফোর্মেসন অমসুং ব্রোদকাস্তিং মন্ত্রালয়
ওস্ত্রিয়ন ফিল্ম অল্মা এন্দ ওস্কারনা আই.এফ.এফ.আই. ৫৩ ইহুল লৈনা হৌদোক্কদৌরি
আই.এফ.এফ.আই. ৫৩ ওস্ত্রিয়ন দাইরেক্তর দীতর বরনরগী অল্মা এন্দ ওস্কার হৌদোক্কদৌরি
Posted On:
08 NOV 2022 11:08AM by PIB Imphal
#IFFIWood, নবেম্বর ৭, ২০২২
গোৱাদা নবেম্বর ২০দগী নবেম্বর ২৮ ফাওবা পাঙথোক্কদৌরিবা ৫৩শুবা ইন্তরনেস্নেল ফিল্ম ফেস্তিবেল ওফ ইন্দিয়া (আই.এফ.এফ.আই.) ওস্ত্রিয়ন ফিল্ম অল্মা এন্দ ওস্কারনা হৌদোক্কদৌরি। ভিএনামীজ সোসাইতী গ্রান্দ দেম অল্মা মাহলর (১৮৭৯-১৯৬৪) অমসুং ওস্ত্রিয়ন আর্তিস্ত ওস্কার কোকোস্চকা (১৮৮৬-১৯৮০) অনিগী মরক্তা লৈরম্বা ইহুল অমদি লৈতাদবা কয়ানা থল্লবা মরীনা বাইওপিক অসিগী য়ুম্ফম ওইরি। দীতর বর্নরনা লমজিং লমতাক্লিবা ফিল্ম অসি মিনৎ ১১০ শাংই।
সিনেমাগী আর্তপু মপুং ফানা সেলেব্রেৎ তৌনবগীদমক পাঙথোক্লিবা কুমহৈ অমা ওইবনা, আই.এফ.এফ.আই. ৫৩ অসি কম্পোজর অমগা আর্তিস্ত অমগগী মরক্তা লৈনরিবা নুংশি মরীগী ফিল্ম অমনা হৌদোকপা হায়বসি চপ চাই। মচিন তুমখৎলক্লিবা লাইয়েকপা ওস্কার কোকোস্চকানা ঈশৈ শৈরাংবা অল্মাবু মহাক্কী অহানবা মপুরোইবা গুস্তব মাহলর লৈখিদ্রবা মতুংদা আর্কিতেক ৱাল্তর গ্রোপিয়সকা মরী অমা শেমগৎপা হৌখ্রবা মতমদা থেংনখি। মহাক্কী কলাগী মতিংবু অতোপ্পা নুপা অমগী মরুমদা লৈদুনা মতুং ফুদোকপা ঙমলোইদবা মওংদা লৈবা পামদবনা, অল্মানা ওস্কার কোকোস্চকাগা অচেৎপা মরী অমা থম্বা হৌরকখি। মখোয়গী মরী কমদৌবগে হায়ববু কোকোস্চকানা মহাক্কী খ্বাইদগী মমীং চৎখিবা অয়েকপা লাইশিং মখোয়গী মরীদা য়ুম্ফম ওইরগা য়েকখিবনি। ফিল্ম অসিনা মখোয়নিগী মরীবু ‘নোংলৈ’ অমদি ‘লৈতাদবা’ কয়ানা থল্লবা মরী ওইনা উৎলি।
ওস্কার কোকোস্চকানা অল্মা মাহলরগা লৈনরিবা মহাক্কী মরীদা য়ুম্ফম ওইদুনা য়েকপা - ব্রাইদ ওফ দি ৱিন্দ
দাইরেক্তর দীতর বর্নর মমিং লৈরবা ওস্ত্রিয়ন ফিল্ম অমদি থিএতর দাইরেক্তর, এক্তর অমসুং স্ক্রীনরাইতর অমনি। মহাক ১৯৭৬তগী ১৯৮০ ফাওবা চত্থখিবা ইমুং অমদি খুঙ্গঙ অমগী ৱারী পরিংদা য়ুম্ফম ওইবা ফিল্ম তরুক্কী পরিং মনা ফংখ্রবা ফিল্ম অল্পেনসাগাগী দাইরেক্তর ওইনা ওস্ত্রিয়া পুম্বদা মমিং চৎখি। স্চ্নিৎজ্লরগী থিএতর-প্লে দের রীগেনদা য়ুম্ফম ওইবা মহাক্কী ফিল্ম বর্লিনর রীগেন (২০০৬)গীদমক মহাকপু মালেম শিনবা থুংনা শিংথানখি।
অল্মা এন্দ ওস্কার নবেম্বর ২০, নোংমাইজিং নুমিত্তা আইনোক্স, পনাজীদা উৎকনি।
*******
(Release ID: 1874444)
Visitor Counter : 150