ماحولیات، جنگلات اور موسمیاتی تبدیلی کے مرکزی وزیر جناب بھوپیندر یادو نے آج شرم الشیخ، مصر میں UNFCCC (سی او پی 27) کے 27ویں اجلاس میں انڈیا پویلین کا افتتاح کیا۔ کانفرنس آف پارٹیز (سی او پی 27) 6 سے 18 نومبر 2022 تک شیڈول ہے۔

ہندوستانی پویلین میں تمام ممالک کے مندوبین کا خیر مقدم کرتے ہوئے جناب یادو نے کہا کہ ہندوستان کے وزیر اعظم جناب نریندر مودی نے موسمیاتی تبدیلی کے پیچیدہ مسئلے کا آسان حل فراہم کیا ہے۔ انھوں نے کہا کہ ہندوستان کا ماننا ہے کہ آب و ہوا کی کارروائی نچلی سطح سے، انفرادی سطح سے شروع ہوتی ہے اور اسی لیے ہندوستانی پویلین کو طرز زندگی برائے ماحولیات کے تھیم کے ساتھ ڈیزائن کیا گیا ہے۔ اس موقع پر جناب یادو نے ہندوستان کے سی او پی نوجوان اسکالروں کو بھی مبارکباد پیش کی جنھوں نے ماحولیاتی تبدیلی کے مثبت حل کے لیے کام کیا ہے۔

”مجھے یقین ہے کہ سی او پی کی پوری مدت کے دوران، ہندوستانی پویلین مندوبین کو یہ یاد دلاتا رہے گا کہ سادہ طرز زندگی اور انفرادی طرز عمل مادر ارضی کی حفاظت میں مدد کر سکتے ہیں،“ مرکزی وزیر ماحولیات جناب یادو نے کہا۔

”ہندوستان موسمیاتی مالیات سے متعلق بات چیت میں خاطر خواہ پیش رفت کا منتظر ہے۔ ہم نئی ٹکنالوجیوں کے تعارف اور ٹیکنالوجی کی منتقلی کو آسان بنانے کے لیے نئے تعاون کے منتظر ہیں۔“ جناب یادیو نے کہا۔

”مشن لائف اس زمین کے تحفظ کے لیے لوگوں کی طاقتوں کو جوڑتا ہے اور انھیں اس کا بہتر طریقے سے استعمال کرنا سکھاتا ہے۔ مشن لائف موسمیاتی تبدیلی کے خلاف جنگ کو جمہوری بناتا ہے جس میں ہر کوئی اپنی صلاحیت کے مطابق تعاون کر سکتا ہے۔ مشن لائف کا ماننا ہے کہ چھوٹی چھوٹی کوششیں بھی بہت بڑا اثر ڈال سکتی ہیں،“ ہندوستان کے وزیر اعظم جناب نریندر مودی۔

شرم الشیخ، مصر میں UNFCCC کے سی او پی 27 میں ہندوستانی پویلین۔

سی او پی 27 کے ہندوستانی پویلین میں لائف

ہندوستان سی او پی 27 میں طرز زندگی برائے ماحولیات کے تھیم کے ساتھ ایک پویلین کی میزبانی کر رہا ہے۔ پویلین کو مختلف آڈیو ویژول، لوگو، 3D ماڈل، سیٹ اپ، ڈیکور اور سائڈ ایونٹس کے ذریعے لائف کا پیغام بھیجنے کے لیے ڈیزائن کیا گیا ہے۔

پویلین کے ڈیزائن میں رہنما خیال یہ ہے کہ صدیوں سے ہندوستانی تہذیبوں نے پائیدار طرز زندگی پر عمل کیا ہے اور اس کی رہنمائی کی ہے۔ ہندوستانی ثقافت میں ماحول دوست عادات کو فروغ دیا گیا ہے۔ وہ موسمیاتی تبدیلی کے خلاف ہماری جنگ میں انمول ثابت ہو سکتی ہیں۔

پویلین لوگو کے حوالے سے، اس کا رنگ سبز ہے جو کہ گرین ارتھ کی نشاندہی کرتا ہے، دائرے پر موجود پتی فطرت کی نمائندگی کرتی ہے اور شبیہیں اس بات کی نمائندگی کرتی ہیں کہ حکومت ہند کے مختلف اقدامات کے ذریعے فطرت کے ساتھ توازن اور ہم آہنگی کیسے حاصل کی جا سکتی ہے۔ لوگو کا مرکزی حصہ ایک متوازن فطرت کی نمائندگی کرتا ہے جس میں سورج درختوں، پہاڑوں، پانی اور حیاتیاتی تنوع کا احاطہ کرتا ہے۔ نعرہ زندگی کے بنیادی پیغام سے متاثر ہے ”سروے بھونتو سکھینا“ (سب خوش رہیں)۔

مشن لائف کے بارے میں

ہندوستان کے وزیر اعظم جناب نریندر مودی نے 2021 میں گلاسگو میں سی او پی 26 میں دنیا کو لائف کا منتر دیا تھا اور اس تحریک کو عالمی رہنماؤں کی طرف سے بڑے پیمانے پر حمایت حاصل ہے۔ ہندوستان نے ایک عالمی عوامی تحریک کے طور پر مشن لائف کی قیادت کی ہے جو ماحولیاتی بحران سے نمٹنے کے لیے پوری دنیا میں انفرادی اور اجتماعی کارروائی کی طاقت کو بروئے کار لاتی ہے۔ اس کا مقصد انسان اور فطرت کے درمیان نازک توازن کو زندہ کرنا ہے۔

مشن لائیف ای کا مقصد کم از کم ایک ارب ہندوستانیوں اور دیگر عالمی شہریوں کو 2022 سے 2027 کی مدت میں ماحول کے تحفظ اور تحفظ کے لیے انفرادی اور اجتماعی اقدام کرنے کے لیے متحرک کرنا ہے۔ اداروں کا مقصد 2028 تک ماحول دوست بننا ہے۔ ہندوستان کے اندر، تمام دیہاتوں اور شہری بلدیاتی اداروں میں سے کم از کم 80 فیصد کا مقصد 2028 تک ماحول دوست بننا ہے۔

مزید حوالہ:

مشن لائف دستاویز یہاں پڑھیں:

مزید معلومات کے لیے:

ہم سے رابطہ کریں: envforestpib[at]gmail[dot]com

**************

ش ح۔ ف ش ع-م ف

U: 12260