ਕੇਂਦਰੀ ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਮੰਤਰੀ, ਸ਼੍ਰੀ ਨਰੇਂਦਰ ਸਿੰਘ ਤੋਮਰ ਨੇ ਕਿਹਾ ਹੈ ਕਿ ਦੇਸ਼ ਸਕਾਰਾਤਮਕ ਤਬਦੀਲੀ ਵੱਲ ਤੇਜ਼ੀ ਨਾਲ ਵਧ ਰਿਹਾ ਹੈ। ਦੇਸ਼ ਵਿੱਚ ਮੌਜੂਦਾ ਮਾਹੌਲ ਬਦਲਿਆ ਹੋਇਆ ਹੈ ਅਤੇ ਭਾਰਤ ਲਈ  ਦੁਨੀਆ ਵਿੱਚ ਵੀ ਬਦਲਾਅ ਹੋਇਆ ਹੈ। ਅੱਜ ਸਾਡੇ ਕੋਲ ਦੇਸ਼ ਨੂੰ ਹਰ ਦ੍ਰਿਸ਼ਟੀ ਤੋਂ ਮਜ਼ਬੂਤ ਬਣਾਉਣ ਦੀ ਅਨੁਕੂਲਤਾ ਹੈ ਅਤੇ ਇਸ ਦਿਸ਼ਾ ਵਿੱਚ ਸਾਨੂੰ ਸਾਰਿਆਂ ਨੂੰ ਮਿਲ ਕੇ ਅੱਗੇ ਵਧਣ ਦੀ ਲੋੜ ਹੈ।ਸ਼੍ਰੀ ਤੋਮਰ ਨੇ ਇਹ ਗੱਲ ਅੱਜ ਪ੍ਰਗਤੀ ਮੈਦਾਨ, ਨਵੀਂ ਦਿੱਲੀ ਵਿਖੇ ਇੰਡੀਆ ਕੈਮ-2022 (Chem-2022)  (12ਵੀਂ ਦੋ-ਸਾਲਾ ਅੰਤਰਰਾਸ਼ਟਰੀ ਕਾਨਫਰੰਸ ਅਤੇ ਪ੍ਰਦਰਸ਼ਨੀ, ਵਿਜ਼ਨ-2030 - ਭਾਰਤ ਨਿਰਮਾਣ ਵਿੱਚ ਰਸਾਇਣ ਅਤੇ ਪੈਟਰੋ ਕੈਮੀਕਲ ਦੀ ਭੂਮਿਕਾ) ਵਿੱਚ ਕਹੀ।

ਕੇਂਦਰੀ ਰਸਾਇਣ ਅਤੇ ਖਾਦ ਮੰਤਰਾਲੇ ਅਤੇ ਫਿੱਕੀ ਦੁਆਰਾ ਆਯੋਜਿਤ ਇਸ ਸੰਮੇਲਨ ਵਿੱਚ ਕੇਂਦਰੀ ਮੰਤਰੀ ਸ਼੍ਰੀ ਤੋਮਰ ਨੇ ਕਿਹਾ ਕਿ ਦੇਸ਼ ਦੇ ਸਾਰੇ ਖੇਤਰਾਂ ਵਿੱਚ ਤਾਲਮੇਲ ਨਾਲ, ਅਸੀਂ ਸਾਰੇ ਇੱਕ ਨਿਰਧਾਰਤ ਸਮੇਂ ਵਿੱਚ ਆਪਣੇ ਟੀਚਿਆਂ ਤੱਕ ਪਹੁੰਚ ਸਕਦੇ ਹਾਂ। ਸਰਕਾਰ, ਕਿਸਾਨ, ਉਦਯੋਗ ਸਭ ਦਾ ਇੱਕੋ ਉਦੇਸ਼ ਹੈ ਕਿ ਸਾਡੇ ਕੰਮ ਦੇ ਸਕਾਰਾਤਮਕ ਨਤੀਜੇ ਆਉਣ।

ਇਹ ਭਾਵਨਾ ਇੱਕ ਦੂਜੇ ਨੂੰ ਅਤੇ ਦੇਸ਼ ਨੂੰ ਅੱਗੇ ਵਧਣ ਵਿੱਚ  ਵੀ ਮਦਦ ਕਰ ਸਕਦੀ ਹੈ। ਉਨ੍ਹਾਂ ਕਿਹਾ ਕਿ ਦੁਨੀਆ ਦੀਆਂ ਵੱਡੀਆਂ ਅਰਥਵਿਵਸਥਾਵਾਂ ਅਜੇ ਤੱਕ ਕੋਵਿਡ ਦੇ ਪ੍ਰਭਾਵ ਤੋਂ ਉੱਭਰ ਨਹੀਂ ਸਕੀਆਂ ਹਨ ਪਰ ਅੱਜ ਸਾਡਾ ਦੇਸ਼ ਚੰਗੀ ਸਥਿਤੀ ਵਿੱਚ ਖੜ੍ਹਾ ਹੈ। ਇਸ ਦਾ ਕਾਰਨ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੀ ਅਗਵਾਈ ਵਿੱਚ ਸਮੇਂ ਸਿਰ ਚੁੱਕੇ ਗਏ ਜ਼ਰੂਰੀ ਕਦਮ ਹਨ। ਕੇਂਦਰ ਸਰਕਾਰ ਨੇ ਐੱਮਐੱਸਐੱਮਈ ਸਮੇਤ ਹੋਰ ਉਦਯੋਗਾਂ ਅਤੇ ਖੇਤੀਬਾੜੀ ਅਤੇ ਆਮ ਗਰੀਬ ਆਦਮੀ ਲਈ ਇਕ ਤੋਂ ਬਾਅਦ ਇਕ ਬਹੁਤ ਸਾਰੇ ਯਤਨ ਕੀਤੇ।

ਸਮੇਂ ਸਿਰ ਵੈਕਸੀਨ ਬਣਾਉਣ, ਪੀਐੱਲਆਈ ਵਰਗੀਆਂ ਸਕੀਮਾਂ ਸਮੇਤ ਆਰਥਿਕਤਾ ਨੂੰ ਇੰਜੈਕਸ਼ਨ ਲਗਾਉਣ ਦਾ ਕੰਮ ਕੀਤਾ ਗਿਆ। ਸ਼੍ਰੀ ਤੋਮਰ ਨੇ ਭਾਰਤ ਵਿੱਚ ਖੇਤੀਬਾੜੀ ਦੀ ਪ੍ਰਮੁੱਖਤਾ ਦੇ ਸੰਦਰਭ ਵਿੱਚ ਕਿਹਾ ਕਿ ਕਿਸੇ ਵੀ ਵਿਅਕਤੀ ਅਤੇ ਦੇਸ਼ ਦਾ ਸੁਭਾਅ ਕਦੇ ਨਹੀਂ ਬਦਲਦਾ। ਜੇਕਰ ਅਸੀਂ ਅੱਗੇ ਵਧਣਾ ਚਾਹੁੰਦੇ ਹਾਂ ਤਾਂ ਸਾਨੂੰ ਆਪਣੀ ਮੂਲ ਪ੍ਰਵਿਰਤੀ ਅਨੁਸਾਰ ਅੱਗੇ ਵਧਣਾ ਪਵੇਗਾ। ਖੇਤੀ ਅਤੇ ਖੇਤੀ ਅਰਥਵਿਵਸਥਾ ਭਾਰਤ ਦੀ ਤਾਕਤ ਹੈ।

ਖੇਤੀ ਲਾਹੇਵੰਦ ਹੋਵੇ, ਉਤਪਾਦਨ-ਉਤਪਾਦਕਤਾ ਵਧੇ, ਰਸਾਇਣਕ-ਖਾਦ ਦੀ ਸਹੀ ਵਰਤੋਂ ਹੋਵੇ, ਇਸ ਲਈ ਜਾਗਰੂਕਤਾ ਆਏ, ਸੁਆਇਲ ਹੈਲਥ ਦੇ ਪ੍ਰਤੀ ਜਾਗਰੂਕਤਾ ਵਧੇ, ਇਹ ਸਭ ਖੇਤੀ ਦੇ ਵਿਕਾਸ ਲਈ ਜ਼ਰੂਰੀ ਹੈ। ਕੋਈ ਸਮਾਂ ਸੀ ਜਦੋਂ ਖੇਤੀ ਨੂੰ ਸਿਰਫ਼ ਖਾਦਾਂ ਅਤੇ ਬੀਜਾਂ ਦੀ ਉਪਲਬਧਤਾ ਜਾਂ ਸਿੰਚਾਈ ਦੀਆਂ ਸਹੂਲਤਾਂ ਪੈਦਾ ਕਰਨ ਤੱਕ ਹੀ ਵਿਚਾਰ ਕੀਤਾ ਜਾਂਦਾ ਸੀ। ਬੀਜ ਵਾਲਾ ਬੀਜ ਦੀ ਸੋਚਦਾ ਸੀ, ਖਾਦ ਵਾਲਾ ਆਪਣੇ ਫਾਇਦੇ ਦੇਖਦਾ ਸੀ, ਹਮੇਸ਼ਾ ਇੱਕ ਤਰਫਾ ਵਿਚਾਰ ਕੀਤਾ ਜਾਂਦਾ ਸੀ, ਸੰਪੂਰਨ ਵਿਚਾਰ ਦੀ ਘਾਟ ਸੀ, ਪਰ ਹੁਣ ਜਦੋਂ ਕਿਸੇ ਵੀ ਖੇਤਰ ਬਾਰੇ ਸੋਚਣਾ ਹੋਵੇ ਤਾਂ ਸੰਪੂਰਨ ਰੂਪ ਨਾਲ ਵਿਚਾਰ ਕਰਨ ਦੀ ਜ਼ਰੂਰਤ ਹੈ।

ਜਦੋਂ ਅਜਿਹਾ ਹੁੰਦਾ ਹੈ, ਤਾਂ  ਇਸ ਦਾ ਫਾਇਦਾ ਸਾਰਿਆ ਨੂੰ ਮਿਲਦਾ ਹੈ। ਕਿਸਾਨਾਂ ਨੂੰ ਫਾਇਦਾ ਮਿਲੇਗਾ ਅਤੇ ਦੇਸ਼ ਨੂੰ ਵੀ ਅਤੇ ਰੋਜ਼ਗਾਰ ਦੇ ਹੋਰ ਅਵਸਰ ਮਿਲਣਗੇ। ਇਸ ਦਿਸ਼ਾ ਵਿੱਚ ਪ੍ਰਧਾਨ ਮੰਤਰੀ ਦੀ ਅਗਵਾਈ ਵਿੱਚ ਭਾਰਤ ਸਰਕਾਰ ਪਿਛਲੇ ਅੱਠ ਸਾਲਾਂ ਤੋਂ  ਕੰਮ ਕਰ ਰਹੀ ਹੈ।

ਕੇਂਦਰੀ ਮੰਤਰੀ ਸ਼੍ਰੀ ਤੋਮਰ ਨੇ ਕਿਹਾ ਕਿ ਕੀਟਨਾਸ਼ਕਾਂ ਸਬੰਧੀ ਰਜਿਸਟ੍ਰੇਸ਼ਨ ਨਾਲ ਜੁੜੀਆਂ ਸਮੱਸਿਆਵਾਂ ਨੂੰ ਵਿਚਾਰ-ਵਟਾਂਦਰੇ ਅਤੇ ਸਮੀਖਿਆ ਤੋਂ ਬਾਅਦ ਠੀਕ ਕੀਤਾ ਗਿਆ ਹੈ। ਸਰਕਾਰ ਅਜਿਹੀਆਂ ਸਾਰੀਆਂ ਰੁਕਾਵਟਾਂ ਅਤੇ ਸਮੱਸਿਆਵਾਂ ਨੂੰ ਦੂਰ ਕਰਨ ਲਈ ਲਗਾਤਾਰ ਯਤਨ ਕਰ ਰਹੀ ਹੈ। ਅਸੀਂ ਸਾਰੇ ਜਾਣਦੇ ਹਾਂ ਕਿ ਪ੍ਰਧਾਨ ਮੰਤਰੀ ਸ਼੍ਰੀ ਮੋਦੀ ਦੁਆਰਾ  ਈਜ਼ ਆਵ ਡੂਇੰਗ ਉੱਤੇ ਕਿੰਨਾ ਜ਼ੋਰ  ਹੈ। ਅਸੀਂ ਸਾਰੇ ਜਾਣਦੇ ਹਾਂ । ਉਦਯੋਗ ਦੀਆਂ ਜਿੰਨੀਆਂ ਦਰਪੇਸ਼  ਰੁਕਾਵਟਾਂ  ਹਨ, ਇਸ ਕਾਨਫਰੰਸ ਦੇ ਵਿਚਾਰ-ਵਟਾਂਦਰੇ ਵਿੱਚ ਜੋ ਸਿੱਟੇ ਆਉਣਗੇ ਉਸ ਨੂੰ ਸੁਲਝਾਉਣ ਦੀ ਪੂਰੀ ਕੋਸ਼ਿਸ਼ ਕਰਾਂਗੇ । ਸ਼੍ਰੀ ਤੋਮਰ ਨੇ ਕਿਹਾ ਕਿ ਦੇਸ਼ ਦਾ ਕੋਈ ਇੱਕ ਖੇਤਰ ਨਹੀਂ, ਸਾਰੇ ਕਾਰਜ ਖੇਤਰ ਹਨ, ਉਨ੍ਹਾਂ ਨੂੰ ਕਦਮ-ਦਰ-ਕਦਮ ਅਤੇ ਮੋਢੇ ਨਾਲ ਮੋਢਾ ਜੋੜ ਕੇ ਇੱਕ ਦੂਜੇ ਦਾ ਸਾਥ ਦੇ ਕੇ ਅੱਗੇ ਵਧਣਾ ਚਾਹੀਦਾ ਹੈ ਤਾਂ ਜੋ ਆਉਣ ਵਾਲੇ ਸਮੇਂ ਵਿੱਚ ਜਦੋਂ ਭਾਰਤ ਦੀ ਆਜ਼ਾਦੀ ਆਵੇ। ਜੇਕਰ ਅਸੀਂ 100 ਸਾਲ ਦੇ ਹੋ ਗਏ ਹਾਂ ਤਾਂ ਸਾਨੂੰ ਵਿਕਸਤ ਭਾਰਤ ਦੇ ਨਾਗਰਿਕ ਹੋਣ ਦਾ ਮਾਣ ਪ੍ਰਾਪਤ ਕਰੀਏ । ਇੱਕ ਮਜ਼ਬੂਤ ਅਤੇ ਸਮਰੱਥ ਹਿੰਦੁਸਤਾਨ ਆਉਣ ਵਾਲੀ ਪੀੜ੍ਹੀ ਨੂੰ ਸੌਪ ਕੇ ਜਾਈਏ। ਸਾਡੀ ਸਾਰਿਆਂ ਦੀ ਜੋ ਭੂਮਿਕਾ ਹੈ ਜੇਕਰ ਅਸੀਂ ਉਸ ਨੂੰ ਨਿਭਾਉਂਦੇ ਹਾਂ, ਤਾਂ ਅਸੀਂ ਯਕੀਨੀ ਤੌਰ 'ਤੇ ਟੀਚਾ ਪ੍ਰਾਪਤ ਕਰਾਂਗੇ ।

ਕਾਨਫਰੰਸ ਵਿੱਚ ਕੇਂਦਰੀ ਰਸਾਇਣ ਅਤੇ ਖਾਦ ਰਾਜ ਮੰਤਰੀ ਸ਼੍ਰੀ ਭਗਵੰਤ ਖੂਬਾ ਅਤੇ ਸਕੱਤਰ ਸ਼੍ਰੀ ਅਰੁਣ ਬਰੋਕਾ, ਖੇਤੀਬਾੜੀ ਸਕੱਤਰ ਸ਼੍ਰੀ ਮਨੋਜ ਅਹੂਜਾ ਸਮੇਤ ਫਿੱਕੀ ਦੇ ਅਧਿਕਾਰੀਆਂ ਅਤੇ ਵੱਖ-ਵੱਖ ਉਦਯੋਗਾਂ ਦੇ ਪ੍ਰਤੀਨਿਧੀਆਂ ਨੇ ਵੀ ਆਪਣੇ ਵਿਚਾਰ ਪ੍ਰਗਟ ਕੀਤੇ।

 ****

ਐੱਸਐੱਨਸੀ/ਐੱਮਐੱਸ