প্ৰধানমন্ত্ৰীৰ কাৰ্যালয়
প্ৰধানমন্ত্ৰীয়ে মোৰবিত সমীক্ষা বৈঠকৰ অধ্যক্ষতা কৰে
বিষয়াসকলে প্ৰধানমন্ত্ৰীক উদ্ধাৰ কাৰ্য আৰু প্ৰভাৱিতসকলক দিবলগা সাহায্যৰ বিষয়ে জনায়
বিষয়াসকল প্ৰভাৱিত পৰিয়ালসমূহৰ সম্পৰ্কত থকা উচিত আৰু তেওঁলোকক সম্ভৱপৰ সকলো সহায় সুনিশ্চিত কৰা উচিত: প্ৰধানমন্ত্ৰী
সময়ৰ দাবী যে এটা বিস্তৃত আৰু ব্যাপক তদন্ত কৰাব লাগে যি এই দুৰ্ঘটনা সম্পৰ্কীয় সকলো দিশ চিনাক্ত কৰিব: প্ৰধানমন্ত্ৰী
প্ৰধানমন্ত্ৰীয়ে কয়, তদন্তৰ পৰা পোৱা বিশেষ শিক্ষা শীঘ্ৰেই ৰূপায়িত হ'ব লাগে
Posted On:
01 NOV 2022 5:51PM by PIB Guwahati
প্ৰধানমন্ত্ৰী শ্ৰী নৰেন্দ্ৰ মোদীয়ে গুজৰাটৰ মোৰবিত সংঘটিত দুখজনক দলং দুৰ্ঘটনাৰ কথা মনত ৰাখি স্থিতিৰ সমীক্ষা কৰিবলৈ আয়োজন কৰা এখন বৈঠকৰ অধ্যক্ষতা কৰে।
প্ৰধানমন্ত্ৰীয়ে কয় যে বিষয়াসকল প্ৰভাৱিত পৰিয়ালসমূহৰ সম্পৰ্কত থকা উচিত আৰু দুখৰ এই সময়ত তেওঁলোকক সম্ভৱপৰ সকলো সহায় সুনিশ্চিত কৰা উচিত।
বিষয়াসকলে প্ৰধানমন্ত্ৰীক উদ্ধাৰ কাৰ্য আৰু প্ৰভাৱিতসকলক দিবলগা সাহায্যৰ বিষয়ে অৱগত কৰে।
প্ৰধানমন্ত্ৰীয়ে কয় যে সময়ৰ দাবী যে বিস্তৃত আৰু ব্যাপক তদন্ত কৰাব লাগে যাৰ জৰিয়তে এই দুৰ্ঘটনাৰে জড়িত সকলো দিশ চিনাক্ত কৰিব পৰা যাব। তেওঁ লগতে কয় যে তদন্তৰ পৰা পোৱা বিশেষ শিক্ষা শীঘ্ৰেই ৰূপায়ণ কৰা উচিত।
বৈঠকত গুজৰাটৰ মুখ্যমন্ত্ৰী ভূপেন্দ্ৰভাই পেটেল, গৃহ ৰাজ্য মন্ত্ৰী হৰ্ষ সাংঘৱী, গুজৰাট চৰকাৰৰ মন্ত্ৰী বৃজেশ মেৰজা, গুজৰাটৰ মুখ্য সচিব, ৰাজ্যখনৰ ডিজিপি, স্থানীয় কালেক্টৰ, এছপি, পুলিচ মহানিৰীক্ষক, বিধায়ক আৰু সাংসদ তথা অন্য বিষয়া উপস্থিত আছিল।
ইয়াৰ পূৰ্বে, মোৰবিত গৈ উপস্থিত হোৱাত, প্ৰধানমন্ত্ৰীয়ে দলং দুৰ্ঘটনা স্থল পৰিদৰ্শন কৰে। তেওঁ স্থানীয় হাস্পতাললৈ যায় য'ত আহতসকলৰ চিকিৎসা চলি আছে। তেওঁ উদ্ধাৰ আৰু সাহায্য কাৰ্যত অন্তৰ্ভুক্ত লোকসকলৰ সৈতেও কথা পাতে আৰু তেওঁলোকৰ ধৈৰ্যৰ প্ৰশংসা কৰে।
***
DS/ST
(Release ID: 1872943)
Visitor Counter : 89
Read this release in:
Bengali
,
English
,
Urdu
,
Marathi
,
Hindi
,
Manipuri
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam