وزیراعظم کا دفتر

وزیر اعظم نے موربی میں جائزہ اجلاس کی صدارت کی


افسران نے وزیر اعظم کو راحت کے کاموں اور متاثرہ افراد کو فراہم کی جانے والی امداد کے بارے میں آگاہ کیا

حکام کو متاثرہ خاندانوں کے ساتھ رابطے میں رہنا چاہیے اور اس بات کو یقینی بنانا چاہیے کہ انھیں ہر ممکن مدد حاصل ہو: وزیر اعظم

وقت کا تقاضا ہے کہ ایک تفصیلی اور وسیع انکوائری کی جائے جو اس حادثے سے متعلق تمام پہلوؤں کی نشاندہی کرے: وزیر اعظم

وزیر اعظم نے کہا کہ انکوائری سے حاصل ہونے والی اہم معلومات کو جلد از جلد لاگو کیا جانا چاہیے

Posted On: 01 NOV 2022 5:51PM by PIB Delhi

وزیر اعظم جناب نریندر مودی نے موربی، گجرات میں ایک میٹنگ کی صدارت کی جس میں وہاں پیش آنے والے افسوسناک پل حادثے کے تناظر میں صورتحال کا جائزہ لیا گیا۔

وزیر اعظم نے کہا کہ حکام متاثرہ خاندانوں کے ساتھ رابطے میں رہیں اور اس المناک گھڑی میں ان کی ہر ممکن مدد کو یقینی بنائیں۔

افسران نے وزیر اعظم کو راحت کے کاموں اور متاثرہ افراد کو فراہم کی جانے والی امداد کے بارے میں آگاہ کیا۔

وزیر اعظم نے کہا کہ وقت کا تقاضا ہے کہ ایک تفصیلی اور وسیع انکوائری کی جائے جو اس حادثے سے متعلق تمام پہلوؤں کی نشاندہی کرے۔ انھوں نے یہ بھی کہا کہ انکوائری سے حاصل ہونے والی اہم معلومات کو جلد از جلد لاگو کیا جانا چاہیے۔

 

 

جائزہ میٹنگ میں سی ایم بھوپیندر بھائی پٹیل، وزیر داخلہ ہرش سنگھاوی، گجرات حکومت کے وزیر برجیش میرجا، گجرات کے چیف سکریٹری، ریاستی ڈی جی پی، مقامی کلکٹر، ایس پی، انسپکٹر جنرل آف پولیس، ایم ایل اے اور ایم پی اور دیگر افسران موجود تھے۔

اس سے پہلے موربی پہنچنے پر وزیر اعظم نے پل حادثے کی جگہ کا دورہ کیا۔ وہ مقامی ہسپتال گئے جہاں زخمی صحت یاب ہو رہے ہیں۔ انھوں نے بچاؤ اور امدادی کاموں میں شامل افراد سے بھی بات چیت کی اور ان کے حوصلے کو سراہا۔

*************

ش ح۔ ف ش ع-م ف

U: 12096



(Release ID: 1872803) Visitor Counter : 120


Read this release in: Bengali , English , Marathi , Hindi , Manipuri , Assamese , Punjabi , Gujarati , Odia , Tamil , Telugu , Kannada , Malayalam