প্রধান মন্ত্রী শ্রী নরেন্দ্র মোদীনা হৌজিক চত্থরিবা কোবিদ-১৯ পেন্দামিক ক্রাইসিসকী রেস্পোন্সতা খন্ন-নৈননবা ২০২০গী মে ৪গী নুমিদাংৱাইরম পাংথোকপা নন এলাইন মুবমেন্ত (নাম) কন্তেক্ত গ্রুপকী ওনলাইন সম্মিত্তা শরুক য়াখ্রে।

“য়ুনাইতেদ এগেন্সত কোবিদ-১৯” হায়বা থিমদা ওনলাইন নাম কন্তেক্ত গ্রুপ সম্মিত অসি নামগী হৌজিক চিয়ারমেন ওইরিবা রিপব্লিক ওফ অজরবাইজানগী রাস্ত্রপতি হিজ এক্সিলেন্সী ইলহাম অলিয়েবনা হোস্ত তৌখি। সম্মিত অসিগী পান্দমদি কোবিদ-১৯ লাইচৎ থেংনবদা ইন্তরনেস্নেল সোলিদরিতী প্রমোৎ তৌবা অমদি লাইচৎ অসি থেংনবদা স্তেতশিং অমসুং ইন্তরনেস্নেল ওর্গনাইজেসনশিংগী ইফর্তশিং মোবিলাইজ তৌবনি। থৌরম অসিনা শান্তিগীদমক ইন্তরনেস্নেল দে ওফ মল্তিলেতরেলিজম অমসুং দিপ্লোমেসীবুসু কোম্মোমোরেত তৌরি।

প্রধান মন্ত্রী মোদীনা শরুক য়াবা অসিনা লীদিং ফাউন্দিং মেম্বর অমা ওইনা নামগী প্রিন্সিপল অমসুং ভেল্যুদা ভারতকী লোংস্তেন্দিং কম্মিতমেন্ত অদু উৎলি। মহাক্কী ৱারোলদা প্রধান মন্ত্রীনা ক্রাইসিস অসিদা মালেম অসিনা কোওর্দিনেতেদ, ইনক্লুসিব অমসুং ইকুইতেবল রেস্পোন্স অমগী মরুওইবা অদু ফোংদোকখি।

প্রধান মন্ত্রী মোদীগা লোয়ননা, মদুদা এসিয়া, আফ্রিকা, লেতিন অমেরিকা অমসুং কেরিবিয়ন অমসুং য়ুরোপতা লৈরিবা মেম্বর স্তেতশিংগী স্তেত অমসুং গবর্নমেন্তকী অতোপ্পা লুচিংবা ৩০ হেন্না অমদি অতোপ্পা লুচিংবশিংনা শরুক য়াখি। সম্মিত অসিদা য়ু.এন. জেনরেল এসেমব্লীগী প্রসিদেন্ত প্রোফেসর তিজ্জানিমুহম্মেদ বান্দে, য়ু.এন. সেক্রেতরী জেনরেল শ্রী এন্তোনিও গুতেরস, আপ্রিকান য়ুনিয়নগী চিয়রপর্সন মুসা ফাকি মোহামাত, ই.য়ু. হায় রিপ্রজেন্তিতিব জোসেপ বোরেল, লোয়ন লোয়ননা ৱার্ল্দ হেল্থ ওর্গনাইজেসনগী দাইরেক্তর জেনরেল দা. তেদ্রোস ঘেব্রেয়েসসশু ৱা ঙাংখি।

অপুনবা ওইনা, নাম লুচিংবশিংনা কোবিদ-১৯ ইম্পেক্তকী ৱাফম থমখি, ওইথোকপা য়াবা রেমেদীশিংগীদমক মথৌতাবশিং মশক খংদোকখি অমদি এক্সন ওরিয়েন্তেদ ফোল্লো অপ মীজরশিং লৌখৎনবা তকশিনখি।
 

*****